ಜನರನ್ನು ಮೂರ್ಖರನ್ನಾಗಿ ಮಾಡಿದ್ಯಾ.. ಬಾಬರ್​ ಆಜಂ ವಿರುದ್ಧ ಭಾರೀ ಆಕ್ರೋಶ ಹೊರಹಾಕಿದ ಅಹ್ಮದ್ ಶೆಹಜಾದ್

ಲಾಹೋರ್​: ಐಸಿಸಿ ಟಿ20 ವಿಶ್ವಕಪ್​ ಟೂರ್ನಿ ಆರಂಭವಾದಾಗಿನಿಂದ ಆಡಿದ ಒಟ್ಟು ಪಂದ್ಯಗಳಲ್ಲಿ ಹೀನಾಯ ಸೋಲನ್ನು ಅನುಭವಿಸಿರುವ ಪಾಕಿಸ್ತಾನ ತಂಡಕ್ಕೆ ಕ್ರಿಕೆಟ್ ಅಭಿಮಾನಿಗಳಿಂದ ವ್ಯಾಪಕ ಟೀಕೆ, ಲೇವಡಿಗಳು ವ್ಯಕ್ತವಾಗಿವೆ. ಅದರಲ್ಲೂ ಕಳೆದ ಪಂದ್ಯದಲ್ಲಿ ಟೀಂ ಇಂಡಿಯಾ ವಿರುದ್ಧ ಹೀನಾಯವಾಗಿ ಸೋಲುಂಡ ಪಾಕ್​ ನಾಯಕ ಬಾಬರ್ ಆಜಂಗೆ ಅಭಿಮಾನಿಗಳು ಮನಬಂದಂತೆ ಟ್ರೋಲ್ ಮಾಡಿ, ಟೀಕಿಸಿದ್ದಾರೆ. ಸದ್ಯ ಇದೆಲ್ಲಾ ತಣ್ಣಗಾಗುವುದರೊಳಗೆ ಪಾಕಿಸ್ತಾನ ಮಾಜಿ ಆಟಗಾರ ಅಹ್ಮದ್ ಶೆಹಜಾದ್ ಹೊರಹಾಕಿದ ಅಸಮಾಧಾನ ಇದೀಗ ಹೊಸ ಕಿಚ್ಚನ್ನೇ ಹಚ್ಚಿದೆ.

ಇದನ್ನೂ ಓದಿ: ಸಿಎಂ ಆಗಿ ಚಂದ್ರಬಾಬು ನಾಯ್ಡು ಪ್ರಮಾಣ ವಚನ: ಪ್ರಧಾನಿ ಮೋದಿ, ಅಮಿತ್ ಷಾ ಸೇರಿದಂತೆ ಸ್ಟಾರ್​ ನಟರ ಆಗಮನ

ಕಳೆದ ಕೆಲವು ದಿನಗಳಿಂದ ವ್ಯಾಪಕ ಟ್ರೋಲ್​, ಟೀಕೆಗಳಿಗೆ ಗುರಿಯಾಗಿರುವ ಪಾಕ್ ಕ್ಯಾಪ್ಟನ್ ಬಾಬರ್ ಆಜಂ ವಿರುದ್ಧ ಅಹ್ಮದ್ ಶೆಹಜಾದ್ ಗುಡುಗಿದ್ದು, "ತಂಡದ ನಾಯಕನಾಗಿ ನೀವು ಏನು ಮಾಡುತ್ತಿದ್ದೀರೋ ನನಗಂತು ತಿಳಿಯುತ್ತಿಲ್ಲ. ಎರಡು ಸುಲಭ ಪಂದ್ಯಗಳನ್ನು ಕೈಚೆಲ್ಲಿದ್ದೀರಾ. ದೊಡ್ಡ ಸ್ಪರ್ಧೆಯಲ್ಲಿ ಕಳಪೆ ಪ್ರದರ್ಶನ ಕಂಡುಕೊಂಡಿರುವ ಪಾಕ್​ಗೆ, ಉತ್ತಮ ಪ್ರೋತ್ಸಾಹ, ಬೆಂಬಲ ಬೇಕಿದೆ" ಎಂದಿದ್ದಾರೆ.

"ನಿನ್ನ ಸ್ನೇಹಿತರನ್ನೇ ತಂಡಕ್ಕೆ ಕರೆದುಕೊಳ್ಳುವ ಮೂಲಕ ಜನರನ್ನು ನೀನು ಮೂರ್ಖರನ್ನಾಗಿ ಮಾಡಿದ್ದೀಯಾ​. ಬಾಬರ್ ಕ್ಯಾಪ್ಟನ್​ ಆದಾಗಿನಿಂದಲೂ ತಂಡದಲ್ಲಿ ಗೆಲುವು ಕಣ್ಮರೆಯಾಗಿದೆ. ದೊಡ್ಡ ಸ್ಪರ್ಧೆಗಳಲ್ಲಿ ಸಾಧಾರಣ ತಂಡಗಳ ಎದುರು ನಾವು ಸೋತಿದ್ದೇವೆ. ಇಲ್ಲಿ ಬಾಬರ್​ ಆಜಂ ಅವರ ಸ್ಟ್ರೈಕ್​ ರೇಟ್​ ಕೂಡ ಕೇವಲ 112 ಇದೆ. ಹೀಗಿದ್ದಮೇಲೆ ನಾಯಕನಾಗಿ ನಿಮ್ಮ ಪಾತ್ರವೇನು?" ಎಂದು ಕಿಡಿಕಾರಿದ್ದಾರೆ,(ಏಜೆನ್ಸೀಸ್).

https://www.vijayavani.net/usa-team-aaron-jones-says-they-want-to-beat-india/