ನವದಂಪತಿ ಅದಿತಿರಾವ್​ - ಸಿದ್ಧಾರ್ಥ್ ಗೆ ಇದು 2ನೇ ಮದುವೆ! ಇಬ್ಬರ ನಡುವಿನ ವಯಸ್ಸಿನ ಅಂತರವೇನು?

ಮುಂಬೈ: ನಟಿ ಅದಿತಿ ರಾವ್ ಹೈದರಿ ಮತ್ತು ನಟ ಸಿದ್ಧಾರ್ಥ್ ತೆಲಂಗಾಣದ 400 ವರ್ಷಗಳಷ್ಟು ಹಳೆಯದಾದ ಶ್ರೀ ರಂಗನಾಯಕಸ್ವಾಮಿ ದೇವಸ್ಥಾನದಲ್ಲಿ ವಿವಾಹವಾಗಿದ್ದು, ಇಬ್ಬರಿಗೂ ಎರಡನೇ ಮದುವೆ. ಈ ವರ್ಷದ ಮಾರ್ಚ್‌ನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಈ ಜೋಡಿ 2021 ರಿಂದ ರಿಲೇಷನ್​ಷಿಪ್​ನಲ್ಲಿದ್ದರು.

ಇದನ್ನೂ ಓದಿ: ಸರ್ಕಾರಿ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ‘ಗೋಮಾಂಸ’ ಅಡುಗೆ ಮಾಡಿದ ವಿದ್ಯಾರ್ಥಿಗಳು! ಬಳಿಕ ಏನಾಯ್ತು ನೋಡಿ

2021 ರಲ್ಲಿ ಸೆಟ್ಟೇರಿದ ತೆಲುಗು ಚಿತ್ರ ಮಹಾಸಮುದ್ರಂ ಚಿತ್ರೀಕರಣದಲ್ಲಿ ಅದಿತಿ ಮತ್ತು ಸಿದ್ಧಾರ್ಥ್ ಮೊದಲು ಭೇಟಿಯಾದರು. ಅವರ ಡೇಟಿಂಗ್ ಜೀವನವು 2023 ರಲ್ಲಿ ಬೆಳಕಿಗೆ ಬಂದಿತು.

ಅದಿತಿ ಈ ಹಿಂದೆ ಸತ್ಯದೀಪ್ ಮಿಶ್ರಾ ಎಂಬುವವರನ್ನು ವಿವಾಹವಾಗಿದ್ದರು. ಬಳಿಕ ಅವರಿಗೆ ವಿಚ್ಛೇದನ ನೀಡಿದ್ದರು. ಸಿದ್ಧಾರ್ಥ್ ಮೊದಲು ಮೇಘನಾ ನಾರಾಯಣ್ ಎಂಬುವವರನ್ನು ವಿವಾಹವಾಗಿದ್ದು, 2007 ರಲ್ಲಿ ಇಬ್ಬರೂ ವಿಚ್ಛೇದನ ಪಡೆದೊಕೊಂಡಿದ್ದರು. ಹೀಗಾಗಿ ಇಬ್ಬರಿಗೂಇದು ಎರಡನೇ ಮದುವೆಯಾಗಿದೆ.

ಈ ನವಜೋಡಿಯ ವಯಸ್ಸಿನ ಬಗ್ಗೆ ನೋಡುವುದಾದರೆ ಅದಿತಿ 1986ರ ಅಕ್ಟೋಬರ್ 28 ರಂದು ಆಂಧ್ರಪ್ರದೇಶದ ಹೈದರಾಬಾದ್‌ನಲ್ಲಿ ಜನಿಸಿದ್ದು, ಪ್ರಸ್ತುತ ಅವರಿಗೆ 37 ವರ್ಷ. ಇನ್ನು ಸಿದ್ದಾರ್ಥ್ 1979ರ ಏಪ್ರಿಲ್ 17 ರಂದು ಚೆನ್ನೈನಲ್ಲಿ ಜನಿಸಿದ್ದು, 44ವರ್ಷ. ಇವರಿಬ್ಬರ ನಡುವೆ 7 ವರ್ಷದ ವಯಸ್ಸಿನ ವ್ಯತ್ಯಾಸವಿದೆ.

ಅದಿತಿ ಕೊನೆಯದಾಗಿ ಸಂಜಯ್ ಲೀಲಾ ಬನ್ಸಾಲಿಯವರ ನೆಟ್‌ಫ್ಲಿಕ್ಸ್ ಸರಣಿ ಹೀರಾಮಂಡಿಯಲ್ಲಿ ಕಾಣಿಸಿಕೊಂಡರು. ಸಿದ್ಧಾರ್ಥ್ ಕಮಲ್ ಹಾಸನ್ ನಾಯಕನಾಗಿದ್ದ ಇಂಡಿಯನ್ 2 ನಲ್ಲಿ ನಟಿಸಿದ್ದರು.

https://www.vijayavani.net/virdas-becomes-first-indian-to-host-2024-international-emmy-awards-ceremony