ಅಫ್ಘಾನಿಸ್ತಾನದ ಎದುರು ಮುಗ್ಗರಿಸಿದ ಇಂಗ್ಲೆಂಡ್; ಹಾಲಿ ಚಾಂಪಿಯನ್ಸ್​ಗೆ 69 ರನ್​ಗಳ ಸೋಲು

ನವದೆಹಲಿ: ಇಲ್ಲಿನ ಅರುಣ್​ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆದ ಏಕದಿನ ವಿಶ್ವಕಪ್ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ಸ್​ ಇಂಗ್ಲೆಂಡ್​ ತಂಡಕ್ಕೆ ಭಾರೀ ಮುಖಭಂಗವಾಗಿದ್ದು, ಅಫ್ಘಾನಿಸ್ತಾನದ ಎದುರು 69ರನ್​ಗಳ ಸೋಲುಂಡಿದೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಅಫ್ಘಾನಿಸ್ತಾನ ಆರಂಭಿಕ ರಹಮಾನುಲ್ಲಾ ಗುರ್ಬಾಜ್ (80 ರನ್, 57 ಎಸೆತ, 8 ಬೌಂಡರಿ, 4 ಸಿಕ್ಸರ್), ವಿಕೆಟ್​ ಕೀಪರ್ ಬ್ಯಾಟ್ಸ್ಮನ್ ಇಕ್ರಂ ಅಲಿಖಿಲ್​ (58 ರನ್, 66 ಎಸೆತ, 3 ಬೌಂಡರಿ, 2 ಸಿಕ್ಸರ್) ಅರ್ಧಶತಕಗಳ ಫಲವಾಗಿ 49.5 ಓವರ್​ಗಳಲ್ಲಿ 284 ಆಲೌಟ್​ ಆಯಿತು.

ಇಂಗ್ಲೆಂಡ್ ಪರ ಆದಿಲ್ ರಶೀದ್​ (10-1-42-3), ಮಾರ್ಕ್​ ವುಡ್ (9-0-50-2), ಲಿಯಾಮ್​ ಲಿವಿಂಗ್​ಸ್ಟನ್​ (10-0-33-1), ರೀಸ್​ ಟಾಪ್ಲೆ (8.5-1-52-1), ಜೋ ರೂಟ್ (4-0-19-1), ಸ್ಯಾಮ್​ ಕರ್ರನ್​ (4-0-46-0), ಕ್ರಿಸ್​ ವೋಕ್ಸ್ (4-0-41-0) ರನ್​ ನೀಡಿ ವಿಕೆಟ್​ ಪಡೆದಿದ್ದಾರೆ.

ಗುರಿ ಬೆನ್ನತ್ತಿದ್ದ ಇಂಗ್ಲೆಂಡ್​ ತಂಡಕ್ಕೆ ಬಿಟ್ಟು ಬಿಡದೆ ಕಾಡಿದ ಅಫ್ಘಾನಿಸ್ತಾನ ಬೌಲರ್​ಗಳು ಎದುರಾಳಿ ತಂಡವನ್ನು 40.3 ಓವರ್​ಗಳಲ್ಲಿ 215 ರನ್​ಗಳಿಗೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾಯಿತು. ಇಂಗ್ಲೆಂಡ್​ ಪರ ಹ್ಯಾರಿ ಬ್ರೂಕ್ (66 ರನ್, 61 ಎಸೆತ, 7 ಬೌಂಡರಿ, 1 ಸಿಕ್ಸರ್) ಕೆಲಕಾಲ ತಂಡಕ್ಕೆ ಆಸರೆಯಾದರು.

ಅಫ್ಘಾನಿಸ್ತಾನ ಪರ ರಶೀದ್​ ಖಾನ್ (9.3-1-37-3), ಮುಜೀಬ್​ ಉರ್​ ರಹಮಾನ್ (10-1-21-3), ಮೊಹಮ್ಮದ್​ ನಬಿ (6-0-16-2), ಫಜಲ್​ಹಕ್​ ಫಾರೂಕಿ (7-0-50-1), ನವೀನ್​ ಉಲ್​ ಹಕ್ (6-1-44-1). ಅಜಮತುಲ್ಲಾ ಓಮರ್​ಝೈ (2-0-13-0) ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿರುವ ಬೌಲರ್​ಗಳು. ಇಂಗ್ಲೆಂಡ ತಂಡ ಆಡಿರುವ ಮೂರು ಪಂದ್ಯಗಳಲ್ಲಿ 2 ರಲ್ಲಿ ಸೋತಿದೆ. ಅಫ್ಘಾನಿಸ್ತಾನ ಆಡಿರುವ ಮೂರು ಪಂದ್ಯಗಳಲ್ಲಿ ಮೊದಲ ಗೆಲುವು ಸಾಧಿಸಿದೆ.