ಹಲವು ಗೊಂದಲಗಳ ಮಧ್ಯೆ ಕಡೆಗೂ ಒಟಿಟಿ ಪ್ರವೇಶಿಸಿದ 'ಆಡುಜೀವಿತಂ'; ಇಲ್ಲಿದೆ ರಿಲೀಸ್ ಡೇಟ್​

ಆಂಧ್ರಪ್ರದೇಶ: ಮಾಲಿವುಡ್​ ಸ್ಟಾರ್​ ಪೃಥ್ವಿರಾಜ್ ಸುಕುಮಾರನ್​ ಅಭಿನಯಿಸಿದ 'ದಿ ಗೋಟ್ ಲೈಫ್​' ಸಿನಿಮಾ ಕಳೆದ ಮಾರ್ಚ್​ 28ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡು, ಸಿನಿಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಗಳಿಸಿತ್ತು. ಬಹುನಿರೀಕ್ಷಿತ ಚಿತ್ರಕ್ಕಾಗಿ ಅಂದು ಕಾಯುತ್ತಿದ್ದ ಚಿತ್ರಪ್ರೇಮಿಗಳು, ದೊಡ್ಡ ಪರದೆಯಲ್ಲಿ ಸಿನಿಮಾ ವೀಕ್ಷಿಸಿ, ಪೃಥ್ವಿರಾಜ್​ ನಟನೆಯನ್ನು ಮೆಚ್ಚಿ, ಕೊಂಡಾಡಿದ್ದರು. ಬಾಕ್ಸ್ ಆಫೀಸ್​ನಲ್ಲಿ ನಿರೀಕ್ಷೆಗೆ ತಕ್ಕಂತೆ ಗಳಿಕೆ ಕಂಡಿದ್ದ ಈ ಚಿತ್ರ, ಒಟಿಟಿ ಪ್ರವೇಶಿಸುವಲ್ಲಿ ಮಾತ್ರ ವಿಫಲವಾಗಿತ್ತು.

ಇದನ್ನೂ ಓದಿ: ಹಗರಣಗಳ ಬಗ್ಗೆ ಸಿಎಂ, ಡಿಸಿಎಂ ಹೇಳುವ ಮೊದಲು ನಾನೇ ಹೇಳ್ತೀನಿ…

ಬ್ಲೆಸ್ಸಿ ನಿರ್ದೇಶನದ 'ಆಡುಜೀವಿತಂ' ಚಿತ್ರವು ಬಿಡುಗೆಡೆಯ ಎರಡು ತಿಂಗಳ ನಂತರ ಒಟಿಟಿಗೆ ಬರಲಿದೆ. ಅಲ್ಲಿಯೇ ಸಿನಿಮಾ ನೋಡುವ ಎಂದು ಅನೇಕರು ನಿರೀಕ್ಷಿಸಿದ್ದರು. ಆದ್ರೆ, ಅಂದುಕೊಂಡಂತೆ ಚಿತ್ರ ಒಟಿಟಿಗೆ ಬರಲಿಲ್ಲ. ಈ ವಿಚಾರದಲ್ಲಿ ಚಿತ್ರತಂಡ ಯಾವುದೇ ಸ್ಪಷ್ಟನೆ ಕೂಡ ನೀಡಿರಲಿಲ್ಲ. ಆಡುಜೀವಿತಂ ಒಟಿಟಿಗೆ ಇನ್ನೂ ಯಾಕೆ ಬಿಡುಗಡೆಗೊಂಡಿಲ್ಲ ಎಂಬ ಪ್ರಶ್ನೆಗೆ ಚಿತ್ರ ತಯಾರಕರಿಂದ ಉತ್ತರ ದೊರಕಿರಲಿಲ್ಲ. ಆದ್ರೆ, ಇದೀಗ ಗೊಂದಲಗಳ ಮಧ್ಯೆ ಸಿನಿಮಾ ನೆಟ್​​ಫ್ಲಿಕ್ಸ್​ನಲ್ಲಿ ಇದೇ ಜುಲೈ 19ರಂದು ಸ್ಟ್ರೀಮಿಂಗ್ ಆಗಲಿದೆ.

ಮಲಯಾಳಂ, ತೆಲುಗು, ಕನ್ನಡ, ತಮಿಳು ಮತ್ತು ಹಿಂದಿ ಭಾಷೆಯಲ್ಲಿ ಸಿನಿಮಾ ಸ್ಟ್ರೀಮಿಂಗ್ ಆಗಲಿದೆ. ಚಿತ್ರಮಂದಿರಗಳಲ್ಲಿ ನೋಡದೆ ಇದ್ದವರು ಇದೀಗ ಮನೆಯಲ್ಲೇ ಕುಳಿತು ನೆಟ್​ಫ್ಲಿಕ್ಸ್​ನಲ್ಲಿ ಸಿನಿಮಾ ನೋಡಬಹುದಾಗಿದೆ. ಚಿತ್ರದಲ್ಲಿ ಪೃಥ್ವಿರಾಜ್, ಜಿಮ್ಮಿ ಜೀನ್​-ಲೂಯಿಸ್, ಕೆ.ಆರ್​. ಗೋಕುಲ್, ಅಮಲಾ ಪೌಲ್​ ಸೇರಿದಂತೆ ಮುಂತಾದವರ ತಾರಾಗಣವಿದೆ. ಚಿತ್ರಕ್ಕೆ ಸಂಗೀತ ಮಾಂತ್ರಿಕ ಎ.ಆರ್​. ರೆಹಮಾನ್ ಅವರ ಸಂಗೀತ ಸಂಯೋಜನೆಯಿದೆ.

https://www.vijayavani.net/aparna-tried-to-leave-maja-talkies