ಮುಂಬೈ: ದೇಶಾದ್ಯಂತ ವಿವಾದದ ಕಿಡಿ ಹೊತ್ತಿಸಿರುವ ಲವ್ ಜಿಹಾದ್ ಆಧಾರಿತ ಸಿನಿಮಾ ದಿ ಕೇರಳ ಸ್ಟೋರಿ ಚಿತ್ರವು ರಾಷ್ಟ್ರಮಟ್ಟದಲ್ಲಿ ಪರ-ವಿರೋಧದ ಚರ್ಚೆ ಹುಟ್ಟು ಹಾಕಿದೆ.
ಇನ್ನು ಚಿತ್ರದ ಕುರಿತು ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು ಈ ಕುರಿತು ಚಿತ್ರದ ನಾಯಕ ನಟಿ ಆದಾ ಶರ್ಮಾ ಸಾಮಾಜಿಕ ಜಾಲತಾಣದಲ್ಲಿ ಪ್ರತಿಕ್ರಿಯಿಸುವ ಮೂಲಕ ಖಡಕ್ ರಿಪ್ಲೈ ನೀಡಿದ್ದಾರೆ.
ಖಡಕ್ ರಿಪ್ಲೈ
ಇನ್ನು ಈ ಚಿತ್ರವನ್ನು ದ್ವೇಷ ಹಾಗೂ ಪ್ರೊಪಗೆಂಡದ ಆಧಾರದ ಮೇಲೆ ಮಾಡಲಾಗಿದೆ ಎಂಬ ಆರೋಪಗಳು ಕೇಳಿ ಬಂದ ಕುರಿತು ನಟಿ ಆದಾ ಶರ್ಮಾ ಕೆಂಡಕಾರಿದ್ದು ಟೀಕಾಕಾರರಿಗೆ ತಿರುಗೇಟು ನೀಡಿದ್ದಾರೆ.
ಈ ಕುರಿತು ಟ್ವೀಟ್ ಮಾಡಿರುವ ನಟಿ ದಿ ಕೇರಳ ಸ್ಟೋರಿ ಚಿತ್ರವನ್ನು ಪ್ರೊಪಗೆಂಡ ಎಂದು ಕರೆಯುತ್ತಿರುವವರು ಸಿನಿಮಾ ವೀಕ್ಷಿಸಿದ ನಂತರವೂ ಈ ರೀತಿಯ ಘಟನೆಗಳು ನಡೆದಿಲ್ಲ ಎಂದು ಆಪಾದಿಸುತ್ತಿದ್ದಾರೆ.
ಇದನ್ನೂ ಓದಿ: ‘ದಿ ಕೇರಳ ಸ್ಟೋರಿ’ ಚಿತ್ರ ಬಿಡುಗಡೆಗೆ ತಡೆ; ಅರ್ಜಿ ವಿಚಾರಣೆಗೆ ಸುಪ್ರೀಂ ಕೋರ್ಟ್ ನಕಾರ
ನಾನು ಈ ಮೂಲಕ ವಿನಂತಿಸುವುದೇನೆಂದರೆ ನೀವು ಐಸಿಸ್ ಹಾಗೂ ಬ್ರೈಡ್ಸ್ ಎಂಬ ಎರಡು ಪದಗಳನ್ನು ಗೂಗಲ್ ಮಾಡಿ ಆ ನಂತರ ನಿಮ್ಮಗೆ ನಮ್ಮ ಚಿತ್ರ ನಿಜ ಎನ್ನಿಸುತ್ತದೆ ಎಂದು ಟ್ವೀಟ್ ಮಾಡಿದ್ದಾರೆ.
ಪ್ರಧಾನಿಗಳು ಉಲ್ಲೇಖಿಸಿದ್ದಾರೆ
ಇನ್ನು ಥಿಯೇಟರ್ಗಳಲ್ಲಿ ನಮ್ಮ ಚಿತ್ರವನ್ನು ವೀಕ್ಷಿಸಿದ ಪ್ರತಿಯೊಬ್ಬರು ಎದ್ದು ನಿಂತು ಚಪ್ಪಾಳೆ ಹೊಡೆಯುತ್ತಿದ್ದಾರೆ. ಸ್ವತಃ ಪ್ರಧಾನಿ ನರೇಂದ್ರ ಮೋದಿ ಅವರೇ ನಮ್ಮ ಚಿತ್ರದ ಬಗ್ಗೆ ಉಲ್ಲೇಖಿಸಿ ಮಾತನಾಡಿದ್ದಾರೆ.
ಅನೇಕರು ಚಿತ್ರಮಂದಿರ ಹೌಸ್ಫುಲ್ ಹಾಗೂ ಬಂಪರ್ ಒಪನಿಂಗ್ ಎಂಬ ಸಂದೇಶಗಳನ್ನು ಸಹ ಕಳುಹಿಸುತ್ತಿದ್ದಾರೆ. ಇದರ ಹೊರತ್ತಾಗಿಯೂ ಈ ರೀತಿ ಟೀಕೆ ಮಾಡುತ್ತಿರುವುದು ಸರಿಯಲ್ಲ ಎಂದು ಕಿಡಿಕಾರಿದ್ದಾರೆ.