ಮುಂಬೈ: ಅನೇಕ ಆ್ಯಕ್ಷನ್ ಸಿನಿಮಾಗಳಲ್ಲಿ ಅತ್ಯುತ್ತಮ ನಟನೆ ತೋರಿ ಜನಪ್ರಿಯತೆ ಗಳಿಸಿರುವ ನಟಿ, ತಾಪ್ಸೀ ಪನ್ನು. ಇತ್ತೀಚೆಗೆ ಬಾಲಿವುಡ್ ಸುದ್ದಿ ಕೇಂದ್ರಿತ ಟ್ವಿಟರ್ ಖಾತೆಯೊಂದು ಅವರು ಗಂಡಸಿನ ದೇಹ ಹೊಂದಿರುವರೆಂಬ ಕಾಮೆಂಟ್ ಮಾಡಿತ್ತು. ಈ ಕಾಮೆಂಟನ್ನು ಸಕಾರಾತ್ಮಕವಾಗಿ ಸ್ವೀಕರಿಸಿರುವ ನಟಿಯು, ಧನ್ಯವಾದ ಹೇಳಿದ್ದಾರೆ. ಈ ರೀತಿಯ ಶ್ಲಾಘನೆಗಾಗಿ ನಾನು ಬಹಳ ಕಷ್ಟಪಟ್ಟಿದ್ದೇನೆ ಎಂದಿದ್ದಾರೆ!
‘ರಶ್ಮಿ ರಾಕೆಟ್’ ಎಂಬ ಕ್ರೀಡಾ ಪ್ರಧಾನ ಚಿತ್ರದಲ್ಲಿ ಓಟಗಾರ್ತಿಯ ಪಾತ್ರ ನಿರ್ವಹಿಸುತ್ತಿರುವ ತಾಪ್ಸೀ ಅವರನ್ನು ಹಿಂದಿನಿಂದ ತೋರಿಸುವ ಚಿತ್ರವೊಂದು ಇತ್ತೀಚೆಗೆ ಹೊರಬಿದ್ದಿತ್ತು. ಈ ಬಗ್ಗೆ ಬಾಲಿವುಡ್ ಕಿ ನ್ಯೂಸ್ ಎಂಬ ಟ್ವಿಟರ್ ಖಾತೆಯಲ್ಲಿ ‘ಈ ಗಂಡಸಿನ ದೇಹ ಹೊಂದಿರುವವಳು ತಾಪ್ಸೀನೇ ಆಗೋಕೆ ಸಾಧ್ಯ’ ಎಂದು ಟ್ವೀಟ್ ಮಾಡಿತ್ತು.
ಇದನ್ನೂ ಓದಿ: ‘ಟೈಗರ್ 3’ನಲ್ಲಿ ನಟಿಸ್ತಿದ್ದೀನಿ ಅಂತ ಯಾರು ಹೇಳಿದ್ದು? ಇಮ್ರಾನ್ ಪ್ರಶ್ನೆ
ಇದಕ್ಕೆ ಉತ್ತರಿಸಿರುವ ತಾಪ್ಸೀ, “ನಾನು ಹೇಳೋದಿಷ್ಟೇ… ಈ ಲೈನನ್ನು ನೆನಪಿಟ್ಟುಕೊಳ್ಳಿ ಮತ್ತು ಸೆಪ್ಟೆಂಬರ್ 23ಕ್ಕಾಗಿ ಕಾಯಿರಿ. ಹಾಗೂ ನಿಮಗೆ ಮುಂಗಡವಾಗಿ ಥ್ಯಾಂಕ್ಯೂ … ಏಕೆಂದರೆ ನಾನು ಈ ಹೊಗಳಿಕೆಗಾಗಿ ತುಂಬಾ ಕಷ್ಟ ಪಟ್ಟಿದ್ದೇನೆ” ಎಂದು ಟ್ವೀಟ್ ಮಾಡಿದ್ದಾರೆ.
All I will say is…. Just remember this line and wait for 23rd September 🙂
And advance mein THANK YOU I really worked hard for this compliment 🙏🏽 https://t.co/O5O8zMRzP0— taapsee pannu (@taapsee) September 20, 2021
ಆಕರ್ಷ್ ಖುರಾನಾ ನಿರ್ದೇಶಿಸಿರುವ ರಶ್ಮಿ ರಾಕೆಟ್ ಚಿತ್ರಕ್ಕಾಗಿ ತೀವ್ರ ತೆರನ ಫಿಟ್ನೆಸ್ ರುಟೀನ್ ಕೈಗೊಂಡಿದ್ದ ತಮ್ಮ ಫೋಟೋಗಳನ್ನು ಈ ಮುನ್ನ ತಾಪ್ಸೀ ಶೇರ್ ಮಾಡಿದ್ದರು. ಆ ಚಿತ್ರ ಅಕ್ಟೋಬರ್ 15ಕ್ಕೆ ಜೀ5ನಲ್ಲಿ ತೆರೆಕಾಣಲಿದೆ. ಹೀಗಾಗಿ ಸೆ.23ಕ್ಕೆ ಏನು ವಿಶೇಷ ಎಂದು ಸಿನಿ ಆಸಕ್ತರು ಪ್ರಶ್ನಿಸುತ್ತಿದ್ದಾರೆ. (ಏಜೆನ್ಸೀಸ್)
‘ಪ್ರತಿಯೊಂದು ರೂಪಾಯಿ ಸರತಿಯಲ್ಲಿ ಕಾಯುತ್ತಿದೆ!’ ಮೌನ ಮುರಿದ ನಟ ಸೋನು ಸೂದ್, ಐಟಿ ಸಮೀಕ್ಷೆ ಬಗ್ಗೆ ಹೇಳಿದ್ದೇನು?
ಟೀಚರ್ಗೆ ಗಿಫ್ಟ್ ತಂದಿದೀನಿ ಎನ್ನುತ್ತಾ ಮಚ್ಚಿನಿಂದ ಹಲ್ಲೆ ಮಾಡಿದ ಯುವಕ!