ಆಂಧ್ರಪ್ರದೇಶ: ಸೂಪರ್‌ಸ್ಟಾರ್ ರಜನಿಕಾಂತ್ ನಟನೆಯ ಬಹುನಿರೀಕ್ಷಿತ ‘ಜೈಲರ್’ ಚಿತ್ರದ ಬಿಡುಗಡೆಗೆ ಕ್ಷಣಗಣನೆ ಆರಂಭಗೊಂಡಿದ್ದು, ಈ ಮಧ್ಯೆ ಚಿತ್ರದಲ್ಲಿ ತಲೈವಾ ಜತೆಯಲ್ಲಿ ಅಭಿನಯಿಸಿರುವ ನಟಿ ತಮನ್ನಾ ಇದೀಗ ಹೈದರಾಬಾದ್‌ ಕಾಲೇಜಿಗೆ ಭೇಟಿ ನೀಡಲಿದ್ದಾರೆ.
ಇದನ್ನೂ ಓದಿ: ರೈತರ ಪ್ರಗತಿಗೆ ವಿಎಸ್ಸೆಸ್ಸೆನ್ ಕೊಡುಗೆ ಅಪಾರ
ಜುಲೈ 26, 2023 ರಂದು ಹೈದರಾಬಾದ್‌ನ ಸಿಎಂಆರ್ ಕಾಲೇಜಿಗೆ ಆಗಮಿಸಲಿದ್ದಾರೆ. ಇದಕ್ಕೆ ಕಾರಣ ಜೈಲರ್ ಚಿತ್ರದ ಹಿಟ್ ಹಾಡು ‘ಕಾವಾಲಯ್ಯ’ ತಮಿಳಿನಲ್ಲಿ ರಿಲೀಸ್ ಆಗಿ ಭಾರೀ ವೈರಲ್ ಆಗಿತ್ತು. ಇದೀಗ ಅದರ ತೆಲುಗು ಆವೃತ್ತಿಯನ್ನು ಬಿಡುಗಡೆಗೊಳಿಸಲು ಭೇಟಿ ನೀಡಲಿದ್ದಾರೆ ಎಂದು ಹೇಳಲಾಗಿದೆ. ಅನಿರುದ್ಧ್ ರವಿಚಂದರ್ ಅವರ ಸಂಗೀತ ಸಂಯೋಜನೆಯಲ್ಲಿ ಈ ಹಾಡಿಗೆ ‘ಕಾವಾಲಿ’ ಎಂದು ಹೆಸರಿಡಲಾಗಿದೆ.
‘ಜೈಲರ್’ ಚಿತ್ರ ಇದೇ ಆಗಸ್ಟ್ 10, 2023 ರಂದು ದೇಶಾದ್ಯಂತ ಭರ್ಜರಿ ಓಪನಿಂಗ್ ಪಡೆಯಲು ಸಜ್ಜಾಗಿದೆ. ಚಿತ್ರದ ರಿಲೀಸ್ಗಾಗಿ ರಜನಿಕಾಂತ್ ಅಭಿಮಾನಿಗಳು ತೀವ್ರ ಕುತೂಹಲದಿಂದ ಕಾಯುತ್ತಿದ್ದಾರೆ. ಈ ಸಿನಿಮಾವನ್ನು ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶಿಸಿದ್ದು, ಕಲಾನಿತಿ ಮಾರನ್ ನಿರ್ಮಾಣ ಮಾಡಿದ್ದಾರೆ,(ಏಜೆನ್ಸೀಸ್).