ನವದೆಹಲಿ: ಬಹುಭಾಷಾ ನಟಿ ಪ್ರಗತಿ ಅವರು ಪೋಷಕ ಪಾತ್ರಗಳ ಮೂಲಕ ಚಿತ್ರರಂಗದಲ್ಲಿ ಗಮನ ಸೆಳೆದಿದ್ದಾರೆ. ನಟನೆ ಬಿಟ್ಟು ವೇಟ್ ಲಿಫ್ಟಿಂಗ್ ಸಾಹಸಕ್ಕೆ ನಟಿ ಕೈ ಹಾಕಿದ್ದಾರೆ. ಭಾರತ ಪವರ್‌ಲಿಫ್ಟಿಂಗ್ ಸೀನಿಯರ್ ಮತ್ತು ಜೂನಿಯರ್ ಸ್ಪರ್ಧೆಗಳು 2024 ರಲ್ಲಿ ಭಾಗವಹಿಸಿ ಪ್ರಗತಿ ಬೆಳ್ಳಿ ಪದಕ ಗೆದ್ದು ದ್ವಿತೀಯ ಸ್ಥಾನ ಪಡೆದರು.
ನಟಿ ಪ್ರಗತಿ ಅನೇಕ ಚಲನಚಿತ್ರಗಳಲ್ಲಿ ತಾಯಿ ಮತ್ತು ಚಿಕ್ಕಮ್ಮನ ಪಾತ್ರಗಳೊಂದಿಗೆ ಎಲ್ಲಾ ತೆಲುಗು ಹಾಗೂ ಕನ್ನಡ ಪ್ರೇಕ್ಷಕರಿಗೆ ಪರಿಚಯಿಸಲ್ಪಟ್ಟಿದ್ದಾರೆ. ಈಗಲೂ ನಿಯಮಿತವಾಗಿ ಸಿನಿಮಾ ಮಾಡಿ ಪ್ರೇಕ್ಷಕರ ಮನಸೂರೆಗೊಳ್ಳುತ್ತಿದ್ದಾರೆ. ವ್ಯಾಯಾಮದ ವೀಡಿಯೊಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡುತ್ತಾರೆ. ದಿನಕ್ಕೆ ಸುಮಾರು 8 ಗಂಟೆಗಳ ಕಾಲ ಜಿಮ್‌ನಲ್ಲಿ ವರ್ಕೌಟ್ ಮಾಡುತ್ತೇನೆ ಎಂದು ಪ್ರಗತಿ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ. ಈ ಹಿಂದೆಯೂ ಹಲವು ಬಾರಿ ಜಿಮ್‌ನಲ್ಲಿ ಪ್ರಗತಿಯ ವರ್ಕೌಟ್ ವಿಡಿಯೋಗಳು ಮತ್ತು ಫೋಟೋಗಳು ವೈರಲ್ ಆಗಿದ್ದವು. ನಟಿ ವರ್ಕೌಟ್‌ಗಳನ್ನು ನೋಡಿ ಎಲ್ಲರೂ ಆಶ್ಚರ್ಯಚಕಿತರಾದರು.
ಪ್ರಗತಿ ಇತ್ತೀಚೆಗೆ ನಡೆದ ದಕ್ಷಿಣ ಭಾರತ ಪವರ್‌ಲಿಫ್ಟಿಂಗ್ ಸೀನಿಯರ್ ಮತ್ತು ಜೂನಿಯರ್ ಸ್ಪರ್ಧೆಗಳು 2024 ರಲ್ಲಿ ಭಾಗವಹಿಸಿದ್ದರು. ಈ ಸ್ಪರ್ಧೆಗಳಲ್ಲಿ ಪ್ರಗತಿ ಬೆಳ್ಳಿ ಪದಕ ಗೆದ್ದು ದ್ವಿತೀಯ ಸ್ಥಾನ ಪಡೆದರು. ಈ ವಿಡಿಯೋವನ್ನು ತನ್ನ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾಳೆ. ಈ ವಿಡಿಯೋ ವೈರಲ್ ಆಗಿದೆ.
47 ನೇ ವಯಸ್ಸಿನಲ್ಲಿ ಪ್ರಗತಿ ಅವರು ತುಂಬಾ ಕಷ್ಟಪಟ್ಟು ಪವರ್‌ಲಿಫ್ಟಿಂಗ್‌ನಲ್ಲಿ ದಕ್ಷಿಣ ಭಾರತದ ಚಾಂಪಿಯನ್ ಆದಾಗ ಎಲ್ಲರೂ ಆಶ್ಚರ್ಯಚಕಿತರಾಗಿದ್ದಾರೆ ಮತ್ತು ಅಭಿನಂದಿಸಿದ್ದಾರೆ. ಅನೇಕ ಸೆಲೆಬ್ರಿಟಿಗಳು ಮತ್ತು ನೆಟಿಜನ್‌ಗಳು ಪ್ರಗತಿಯನ್ನು ಅಭಿನಂದಿಸುತ್ತಿದ್ದಾರೆ. ಸದ್ಯದಲ್ಲೇ ಪ್ರಗತಿ ರಾಷ್ಟ್ರೀಯ ಚಾಂಪಿಯನ್‌ಶಿಪ್‌ನಲ್ಲಿ ಭಾಗವಹಿಸಲಿದ್ದಾರೆ ಎಂದು ವರದಿಯಾಗಿದೆ.
ಈ ವಯಸ್ಸಿನಲ್ಲಿ ಪ್ರಗತಿ ಒಂದು ಕಡೆ ನಟಿಸುತ್ತಾ ಇನ್ನೊಂದು ಕಡೆ ತನ್ನ ಬಾಡಿ ಬಿಲ್ಡ್‌ನತ್ತ ಗಮನ ಹರಿಸಿ ಈ ರೀತಿ ಚಾಂಪಿಯನ್‌ಶಿಪ್ ಗೆಲ್ಲುವುದು ಸಾಮಾನ್ಯ ಸಂಗತಿಯಲ್ಲ, ಎಷ್ಟೋ ಮಹಿಳೆಯರಿಗೆ ಮಾದರಿಯಾಗಿದ್ದಾರೆ.
ಹಣಕ್ಕಾಗಿ ರಶ್ಮಿಕಾ ಮಂದಣ್ಣ ಡೀಪ್‌ಫೇಕ್ ವಿಡಿಯೋ ಮಾಡಿದೆ; ಡೀಪ್‌ಫೇಕ್ ಆರೋಪಿ
ಅವರನ್ನ ಬಿಟ್ಟು.. ಇವ್ರನ್ನ ಬಿಟ್ಟು.. ಈ ಸಲ ಬಿಗ್ಬಾಸ್ ಗೆಲ್ಲೋದು ಇವ್ರೇ…