ಶೂಟಿಂಗ್​ನಲ್ಲಿ ಭಾಗಿಯಾದ ನಟಿ ಹರಿಪ್ರಿಯಾ; ಆದ್ರೆ, ಇದು ಸಿನಿಮಾ ಅಲ್ಲ!

ಕಳೆದ ವರ್ಷ ಸಾಲು ಸಾಲು ಸಿನಿಮಾಗಳ ಶೂಟಿಂಗ್​ನಲ್ಲಿ ಬಿಜಿಯಾಗಿದ್ದ ಹರಿಪ್ರಿಯಾ, ಒಂದಷ್ಟು ದಿನ ರೆಸ್ಟ್ ಸಿಕ್ಕರೆ ಸಾಕಪ್ಪಾ ಎನ್ನುತ್ತಿದ್ದರು. ಅಷ್ಟೊತ್ತಿಗಾಗಲೇ ಕರೊನಾ ಲಾಕ್​ಡೌನ್​ ಶುರುವಾಗಿ, ಸುದೀರ್ಘ 6 ತಿಂಗಳು ಮನೆಯಲ್ಲಿ ಕಳೆದರು. ಇದೀಗ ಮತ್ತೆ ಸೆಟ್​ಗೆ ಆಗಮಿಸಿದ್ದಾರೆ.

ಇದನ್ನೂ ಓದಿ: ಅಟ್ಲಿ ನಿರ್ದೇಶನದ ಸಿನಿಮಾದಲ್ಲಿ ಶಾರುಖ್​ ನಟಿಸುವುದು ಯಾವಾಗ?; ಇಲ್ಲಿದೆ ಉತ್ತರ…

ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಸಿನಿಮಾ ಕೆಲಸಗಳು ಸ್ಥಗಿತಗೊಂಡಿದ್ದರಿಂದ ಸಿನಿಮಾ ಮಂದಿ ಶೂಟಿಂಗ್​ ಬದಿಗಿಟ್ಟು ಮನೆಯಲ್ಲಿಯೇ ಕಾಲ ಕಳೆದರು. ಇತ್ತೀಚೆಗೆ ಒಂದಷ್ಟು ಸಡಿಲಿಕೆ ನೀಡಿ ಶೂಟಿಂಗ್​ ಆರಂಭಿಸುವಂತೆ ಸರ್ಕಾರ ಆದೇಶವನ್ನೂ ಹೊರಡಿಸಿತು. ಅದರ ಅನ್ವಯ ಈಗಾಗಲೇ ಕೆಲ ಸಿನಿಮಾ ತಂಡಗಳು ಶೂಟಿಂಗ್​ನಲ್ಲಿ ತೊಡಗಿಸಿಕೊಂಡಿವೆ.

‘ಮತ್ತೆ ಕೆಲಸದತ್ತ.. ಶೂಟಿಂಗ್​ ಸೆಟ್​, ಮೇಕಪ್​, ವ್ಯಾನಿಟಿ ವ್ಯಾನ್​, ಸ್ಕ್ರಿಪ್ಟ್, ಸಿಬ್ಬಂದಿ, ಎಲ್ಲದಕ್ಕಿಂತ ಹೆಚ್ಚಾಗಿ ಕ್ಯಾಮರಾ ಎಲ್ಲವನ್ನೂ ಮಿಸ್​ ಮಾಡಿಕೊಳ್ಳುತ್ತಿದ್ದೆ. ಕಳೆದ ವರ್ಷ ಅತಿ ಹೆಚ್ಚು ಸಿನಿಮಾಗಳಲ್ಲಿ ಪಾಲ್ಗೊಂಡಿದ್ದೆ. ಈ ವರ್ಷ ಕರೊನಾ ಲಾಕ್​ಡೌನ್​ಗೆ ಧನ್ಯವಾದ ಹೇಳಬೇಕು. ಆರು ತಿಂಗಳು ರೆಸ್ಟ್ ನೀಡಿದೆ. ಇದೀಗ ಮತ್ತೆ ಸೆಟ್​ಗೆ ಆಗಮಿಸಿರುವುದು ಮಜವೆನಿಸಿದೆ. ಆದರೆ, ನಾನು ಸಿನಿಮಾ ಶೂಟಿಂಗ್​ನಲ್ಲಿ ಪಾಲ್ಗೊಂಡಿಲ್ಲ. ನಿಮಗೆನಾದರೂ ಗೊತ್ತಿದ್ದರೆ, ಊಹೆ ಮಾಡಿ’ ಎಂದು ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟ್ ಹಾಕಿದ್ದಾರೆ ಹರಿಪ್ರಿಯಾ.

https://www.vijayavani.net/rohith-dhawan-to-direct-rambo/