VIDEO: 10 ಸಾವಿರ ರೂ. ನೀಡಲಿಲ್ಲ ಎಂಬ ಕಾರಣಕ್ಕೆ ಫೇಸ್​ಬುಕ್​ ಲೈವ್​ ಬಂದು ಆತ್ಮಹತ್ಯೆಗೆ ಶರಣಾದ ನಟಿ!

ಸುಶಾಂತ್​ ಸಿಂಗ್​ ಆತ್ಮಹತ್ಯೆ ಬೆನ್ನಲ್ಲೆ ಸಾಲು ಸಾಲು ಕಲಾವಿದರು ಆತ್ಮಹತ್ಯೆಗೆ ಶರಣಾದರು. ಕನ್ನಡದ ಕಿರುತೆರೆ ಕಲಾವಿದ ಸಹ ನೇಣಿಗೆ ಶರಣಾಗಿದ್ದರು. ಇದೀಗ ಮತ್ತೋರ್ವ ನಟಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಮುಂಬೈನಲ್ಲಿ ನಡೆದಿದೆ.

40 ವರ್ಷದ ಭೋಜಪುರಿ ನಟಿಯಾದ ಅನುಪಮಾ ಪಾಠಕ್​ ಮುಂಬೈನ ದಹಿಸರ್ ನಲ್ಲಿರುವ ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಬಿಹಾರ ಮೂಲದ ಪೂರ್ಣಿಯಾ ಜಿಲ್ಲೆಯ ಅನುಪಮಾ ಕಳೆದ ಹಲವು ವರ್ಷಗಳಿಂದ ಸಿನಿಮಾ ಇಂಡಸ್ತ್ರಿಯಲ್ಲಿ ತೊಡಗಿಸಿಕೊಂಡಿದ್ದರು. ಟಿವಿ ಶೋಗಳಲ್ಲಿಯೂ ಭಾಗವಹಿಸಿದ್ದರು.

ಇದನ್ನೂ ಓದಿ: ಸುಶಾಂತ್ ಪ್ರಕರಣಕ್ಕೆ ಹೊಸ ತಿರುವು

ಹಣಕಾಸಿನ ವಿಚಾರಕ್ಕೆ ಸಂಬಂಧಪಟ್ಟಂತೆ ಅನುಪಮಾ ಮೋಸಹೋಗಿದ್ದು, ಆ ವಿಚಾರವನ್ನು ಫೇಸ್​ಬುಕ್​ನಲ್ಲಿ ಲೈವ್​ ಮೂಲಕ ಬಂದು ಶೇರ್​ ಮಾಡಿದ್ದರು. ಇದೀಗ ಆ ವಿಡಿಯೋ ಆಧರಿಸಿ ದೂರು ದಾಖಲಾಗಿದ್ದು, ನಿರ್ಮಾಪಕರೊಬ್ಬರು ತಮಗೆ ಕೊಡಬೇಕಾಗಿದ್ದ 10 ಸಾವಿರ ನೀಡದ ಕಾರಣ ಮತ್ತು ಬೈಕ್​​ ವಾಪಾಸ್​ ಮಾಡದ ಮತ್ತೊಬ್ಬರ ವಿರುದ್ಧ ಆರೋಪ ಮಾಡಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಹಿಂದಿ ಕಿರುತೆರೆಯ ನಟ ಸಮೀರ್ ಶರ್ಮಾ ಆಗಸ್ಟ್ 6ರಂದು ಆತ್ಮಹತ್ಯೆ ಮಾಡಿಕೊಂಡಿದ್ದರು. ಇದೀಗ ಅವರ ಬೆನ್ನೆಲ್ಲೆ ಮತ್ತೋರ್ವ ನಟಿ ನೇಣಿಗೆ ಶರಣಾಗಿದ್ದಾರೆ. (ಏಜೆನ್ಸೀಸ್​)

https://www.vijayavani.net/pics-from-miheeka-bajajs-haldi-ceremony/