ನಾನು ಪತ್ರಿಕೆಗಳಿಗೆ ಸಾಕಷ್ಟು ಲೇಖನ ಬರೆದಿದ್ದೇನೆ. ಸಾಮಾಜಿಕ ಜಾಲತಾಣದಲ್ಲೂ ಬರೆದು ಹಾಕಿದ್ದೇನೆ. ವಸುಧೈವ ಕುಟುಂಬಕಂ ಅನ್ನೋ ಪದ ಬಳಸಿದ್ದೇನೆ. ಜೊತೆಜೊತೆಯಲಿ ಕುಟುಂಬ ನನ್ನ ಕುಟುಂಬ. ತುಂಬಾ ಸಲ ಈ ಮಾತು ಹೇಳಿದ್ದೇನೆ. ಈಗಲೂ ಇದನ್ನೇ ಹೇಳುತ್ತಿರುವೆ. 3 ವರ್ಷ 2 ತಿಂಗಳು ಆ ಸೀರಿಯಲ್ ಜೊತೆ ಕೆಲಸ ಮಾಡಿದ್ದೇನೆ. ಆದರೆ ಸಣ್ಣ ಮನಸ್ತಾಪಕ್ಕೆ ಇಷ್ಟೆಲ್ಲಾ ಮಾಡಿದರು. ಏಕ್ದಮ್ ಡಿವೋರ್ಸ್ ನಿರ್ಧಾರಕ್ಕೆ ಬಂದರು. ಮನಸ್ತಾಪ ಮೂಡಿದ್ದರೂ ನಾನು ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿರಲಿಲ್ಲ. 'ಮಾಧ್ಯಮದವರು ಪ್ರತಿಕ್ರಿಯೆ ಕೇಳ್ತಿದ್ದಾರೆ, ಏನ್ ಹೇಳಬೇಕು?' ಅಂತ ನಾನು ಅವರಿಗೇ ಕೇಳಿದ್ದೇನೆ. ಯಾಕಂದ್ರೆ ಜೊತೆಜೊತೆಯಲಿ ಕುಟುಂಬ ನನ್ನ ಕುಟುಂಬ ಆಗಿದ್ದರಿಂದ ಬೀದೀಲಿ ಮರ್ಯಾದೆ ತೆಗೆಯಲಿಕ್ಕೆ ಇಷ್ಟ ಇರಲಿಲ್ಲ. ಆದರೆ ಅವರು ನನ್ನ ಮೇಲೆ ಆರೋಪಗಳ ಸುರಿಮಳೆಗೈದಿದ್ದಾರೆ. ಆರೂರು ಜಗದೀಶ್ ಮಾತಾಡ್ತಾ 'ನಂಗೆ ಒತ್ತಡ ಇದೆ' ಅನ್ನೋ ಪದ ಬಳಸಿದ್ದಾರೆ. ಆದರೆ, ಅವರಿಗೆ ಒತ್ತಡ ಹಾಕಿದ್ದು ಯಾರು? ಅಷ್ಟಕ್ಕೂ ಅವರಿಗೆ ಯಾವ ಒತ್ತಡ ಇತ್ತು ಗೊತ್ತಿಲ್ಲ. ಅವರು ಒಮ್ಮೆ ನನಗೆ ಕಾಲ್ ಮಾಡಿ ಕರೆದಿದ್ದರೆ ನಾನು ಹೋಗ್ತಿದ್ದೆ. ಆದರೆ, ಅವರು ನನ್ನನ್ನು ಕರೆಯಲಿಲ್ಲ. ಬರೀ ಆರೋಪಗಳನ್ನ ಮಾಡಿದರು. ಕೊನೆಗೆ ನಾನು ಮಕ್ಕಳ ಮೇಲೆ ಆಣೆ ಮಾಡಿ ಎಂದಾಗ ಸುಮ್ಮನಾದರು, ಆಣೆ ಮಾಡಲಿಲ್ಲ, ಇಲ್ಲಿ ತಮ್ಮತನಕ್ಕಿಂತ ಪಾತ್ರ ಮುಖ್ಯ ಆಗುತ್ತೆ. ಹೀಗಾಗಿ ಕಾಲ್ ಮಾಡ್ಲಿ ಅಂತ ಕಾದೆ, ಅವರು ಕಾಲ್ ಮಾಡದೇ ಕೈಬಿಟ್ಟುಬಿಟ್ಟರು ಎಂದರು ಅನಿರುದ್ಧ್ ವಿವರಿಸಿದರು.
