ಟೇಕ್ವಾಂಡೋ ಚಾಂಪಿಯನ್‌ಷಿಪ್‌ನಲ್ಲಿ ಸಾಧನೆ : ತಲಪಾಡಿ ಶಾರದಾ ವಿದ್ಯಾನಿಕೇತನ ಪಬ್ಲಿಕ್ ಸ್ಕೂಲ್ ವಿದ್ಯಾರ್ಥಿಗಳಿಗೆ ಆರು ಪದಕ

ಉಳ್ಳಾಲ: ಥೈಲ್ಯಾಂಡ್ ಬ್ಯಾಂಕಾಕ್‌ನ ಫ್ಯಾಶನ್ ಐಲ್ಯಾಂಡ್ ಒಳಾಂಗಣ ಕ್ರೀಡಾಂಗಣದಲ್ಲಿ ಅ.24ರಿಂದ 27ರವರೆಗೆ ನಡೆದ ಥೈಲ್ಯಾಂಡ್ ಓಪನ್ ಇಂಟರ್ ನ್ಯಾಷನಲ್ ಟೇಕ್ವಾಂಡೋ ಚಾಂಪಿಯನ್‌ಷಿಪ್‌ನಲ್ಲಿ ತಲಪಾಡಿ ಶಾರದಾ ವಿದ್ಯಾನಿಕೇತನ ಪಬ್ಲಿಕ್ ಸ್ಕೂಲ್‌ನ ಐವರು ವಿದ್ಯಾರ್ಥಿಗಳು 6 ಪದಕ ಪಡೆದಿದ್ದಾರೆ.

14 ವರ್ಷದೊಳಗಿನ ಪುರುಷರ ವಿಭಾಗದಲ್ಲಿ ಕಾನಿಷ್ಕ್ ಶೆಟ್ಟಿ, ಗಣೇಶ್ ಕಲ್ಲಪನಹಳ್ಳಿ ಮತ್ತು ಹರ್ಷಿತ್ ಆನಂದ್ ಪೂಮ್ಸೆ ಗುಂಪಿನಲ್ಲಿ ಚಿನ್ನದ ಪದಕ ಪಡೆದಿದ್ದಾರೆ. ರಕ್ಷಣ್ ವಿಜಯ್ 1 ಬೆಳ್ಳಿ ಮತ್ತು ವೈಯಕ್ತಿಕ ಪೂಮ್ಸೆಯಲ್ಲಿ 1 ಕಂಚು ಹಾಗೂ ಗಣೇಶ್ ಕಲ್ಲಪನಹಳ್ಳಿ 1 ಕಂಚಿನ ಪದಕ ಪಡೆದಿದ್ದಾರೆ. 17 ವರ್ಷದೊಳಗಿನ ಪುರುಷರ ವಿಭಾಗದಲ್ಲಿ ನವನೀತ್ ಅರಿಶಿನಗುಪ್ಪೆ 1 ಬೆಳ್ಳಿ ಮತ್ತು ವೈಯಕ್ತಿಕ ಪೂಮ್ಸೆಯಲ್ಲಿ 1 ಬೆಳ್ಳಿ ಪದಕ ಪಡೆದಿದ್ದಾರೆ.

ಕರ್ನಾಟಕ ಟೇಕ್ವಾಂಡೋ ಅಸೋಸಿಯೇಷನ್‌ನ ಕಾರ್ಯಕಾರಿ ಮಂಡಳಿ ಸದಸ್ಯರಾಗಿರುವ ಶಾರದಾ ಗ್ರೂಪ್ ಆಫ್ ಎಜುಕೇಶನ್‌ಗೆ ಟೇಕ್ವಾಂಡೋ ತರಬೇತುದಾರ ಡಾ.ಗುರುರಾಜ ಇಟಗಿ ತರಬೇತಿ ನೀಡಿದ್ದಾರೆ. ಶಾರದಾ ಸಮೂಹ ಶಿಕ್ಷಣ ಸಂಸ್ಥೆಗಳ ಅಧ್ಯಕ್ಷ ಡಾ.ಎಂ.ಬಿ.ಪುರಾಣಿಕ್ ಸಾಧಕ ತಂಡವನ್ನು ಅಭಿನಂದಿಸಿದ್ದಾರೆ.

https://www.vijayavani.net/short-story-essay-competition

https://www.vijayavani.net/diwali-dosa-habba-cow-pooja-tomorrow