‘ಆ್ಯಕ್ಸಿಡೆಂಟ್ ಜೋನ್’ ಕುಂಬ್ರ ಸರ್ಕಲ್ ! : ವೃತ್ತ ಬಳಸದೇ ತಿರುವು ಪಡೆಯುವುದೇ ಕಾರಣ : ರಿಕ್ಷಾ ಪಾರ್ಕಿಂಗ್ ಸ್ಥಳವೇ ಅಡ್ಡದಾರಿ

ಶಶಿ ಕುತ್ಯಾಳ ಈಶ್ವರಮಂಗಲ

ರಸ್ತೆ ಸರ್ಕಲ್‌ಗಳಿಗೆ ಸುತ್ತುಬಳಸಿಯೇ ತಿರುವು ಪಡೆದುಕೊಳ್ಳಬೇಕು ಎಂಬ ನಿಯಮವಿದ್ದು, ಆದರೆ ಕುಂಬ್ರ ಜಂಕ್ಷನ್‌ನಲ್ಲಿ ಮಾತ್ರ ನಿಯಮ ಗಾಳಿಗೆ ತೂರಲಾಗಿದೆ. ಪಕ್ಕದಲ್ಲೇ ಇರುವ ರಿಕ್ಷಾ ನಿಲ್ದಾಣದ ಸ್ಥಳದಲ್ಲಿ ಹೆಚ್ಚಿನ ವಾಹನ ಸವಾರರು ತಿರುವು ಪಡೆದುಕೊಳ್ಳುತ್ತಿದ್ದು, ಇದರಿಮದ ಕುಂಬ್ರ ಜಂಕ್ಷನ್ ಅಪಘಾತ ವಲಯವಾಗಿ ಬದಲಾಗಿದೆ.

ಮಾಣಿ ಮೈಸೂರು ರಾಷ್ಟ್ರೀಯ ಹೆದ್ದಾರಿಗೆ ಸೇರುವ ಕುಂಬ್ರ ಜಂಕ್ಷನ್‌ನಲ್ಲಿ ಕುಂಬ್ರ ಕಟ್ಟೆ ಸರ್ಕಲ್ ಇದ್ದು, ಬೆಳ್ಳಾರೆ ರಸ್ತೆ ಕಡೆಗೆ ಕವಲೊಡೆಯವ ನಡುವೆ ರಿಕ್ಷಾ ಪಾರ್ಕಿಂಗ್ ಸ್ಥಳವಿದೆ. ಸುಳ್ಯದಿಂದ ಬಂದು ಕುಂಬ್ರದಲ್ಲಿ ಬೆಳ್ಳಾರೆ ಕಡೆಗೆ ಸಾಗುವ ವಾಹನಗಳು ಹಾಗೂ ಬೆಳ್ಳಾರೆ- ಮಾಡಾವು ಕಡೆಯಿಂದ ಬಂದು ಸುಳ್ಯ ಕಡೆಗೆ ತೆರಳುವ ವಾಹನಗಳು ಸರ್ಕಲ್ ಮೂಲಕ ತಿರುವು ಪಡೆಯುದೇ ನೇರವಾಗಿ ರಿಕ್ಷಾ ಪಾರ್ಕಿಂಗ್ ಸ್ಥಳವಾಗಿ ಹಾಗೂ ಅಂಗಡಿ ಕಟ್ಟಡಗಳ ಮಧ್ಯ ಭಾಗದಲ್ಲಿ ತಿರುವು ಪಡೆಯುತ್ತಿರುವುದು ಸಮಸ್ಯೆಗೆ ಕಾರಣವಾಗಿದೆ.

ತಡೆ ಕಂಬ ಅಳವಡಿಕೆಗೆ ಆಗ್ರಹ: ಸರ್ಕಲ್ ಮೂಲಕವೇ ತಿರುವು ಪಡೆದುಕೊಳ್ಳುವಂತಾಗಲು ಹಾಗೂ ರಿಕ್ಷಾ ನಿಲ್ದಾಣ ಮೂಲಕ ತಿರುವು ಪಡೆಯುವುದು ತಡೆಯುವ ನಿಟ್ಟಿನಲ್ಲಿ ರಿಕ್ಷಾ ನಿಲ್ದಾಣದ ಬದಿಯಲ್ಲಿ ತಡೆ ಕಂಬಳ ಅಳವಡಿಸಬೇಕು ಎಂದು ಎರಡು ವರ್ಷಗಳ ಹಿಂದೆಯೇ ಗ್ರಾಮಸ್ಥರು ಆಗ್ರಹಿಸಿದ್ದು, ಪಂಚಾಯಿತಿ ಅಧಿಕಾರಿಗಳಿಂದ ಪೂರಕ ಭರವಸೆಯೂ ದೊರಕಿತ್ತು. ಪಂಚಾಯಿತಿ ಪ್ರಯತ್ನವೂ ವಿಫಲವಾಗಿದೆ. ರಿಕ್ಷಾ ಪಾರ್ಕಿಂಗ್ ಸ್ಥಳವಾಗಿ ದ್ವಿಚಕ್ರ ಮತ್ತು ತ್ರಿಚಕ್ರ ವಾಹನಗಳ ಹೊರತುಪಡಿಸಿ ಉಳಿದ ವಾಹನಗಳು ವಾಹನಗಳು ಪ್ರವೇಶವಾಗದಂತೆ ತಡೆಗಾಗಿ ಅಳವಡಿಸಿದ್ದ ಕಂಬಗಳು ಈಗ ಇಲ್ಲವಾಗಿವೆ. ಪಟ್ಟು ಬಿಡದ ಪಂಚಾಯಿತಿ ರಿಕ್ಷಾ ಪಾರ್ಕಿಂಗ್ ಸ್ಥಳದಲ್ಲಿ ಬ್ಯಾರಿಕೇಡ್ ಅಳವಡಿಸಲು ಮುಂದಾದಾಗ ಕೆಲವರು ವಿರೋಧಿಸಿ ಅಡ್ಡಿಪಡಿಸಿದ್ದರು.

• ಅವಘಡ ನಿರ್ವಹಣೆಯಲ್ಲಿ ಗ್ರಾಪಂ ವಿಫಲ
• ಅಳವಡಿಸಿದ್ದ ತಡೆಕಂಬಗಳೂ ಮಾಯ
• ಶೀಘ್ರ ಕ್ರಮಕ್ಕೆ ಸ್ಥಳೀಯರ ಒತ್ತಡ

---------ೆಟೋ-------

ಐಎಸ್‌ಎಂ-23-ಆಗಸ್ಟ್-1(ಎ)

ಕುಂಬ್ರ ಜಂಕ್ಷನ್‌ನಲ್ಲಿರುವ ಅಪಾಯಕಾರಿ ಸ್ಥಳ.

ಐಎಸ್‌ಎಂ-23-ಆಗಸ್ಟ್-1(ಬಿ)

ತ್ರಿವೇಣಿ ಪಲ್ಲತ್ತಾರು.