ಮಂಡ್ಯ ಸಂಸದೆ ಸುಮಲತಾ ಸಹೋದರಿಗೆ ವಂಚನೆ! ಖಾಲಿ ಪತ್ರಕ್ಕೆ ಸಹಿ ಹಾಕುವಂತೆ ಧಮ್ಕಿ

ಬೆಂಗಳೂರು: ಮಂಡ್ಯ ಸಂಸದೆ ಸುಮಲತಾ ಅಂಬರೀಶ್​ ಅವರ ಸಹೋದರಿಗೆ ಬ್ಯಾಂಕ್​ ಮ್ಯಾನೇಜರ್​ವೊಬ್ಬರಿಂದ ವಂಚನೆಯಾಗಿದ್ದು, ಖಾಲಿ ಪೇಪರ್​ನಲ್ಲಿ ಸಹಿ ಹಾಕುವಂತೆ ಆರೋಪಿಯು ಸುಮಲತಾ ಸಹೋದರಿಗೆ ಧಮ್ಕಿ ಹಾಕಿದ್ದಾರೆ ಎಂದು ಕೇಸ್​ ದಾಖಲಾಗಿದೆ.

ಸುಮಲತಾಗೆ ಇಬ್ಬರು ಅಕ್ಕಂದಿರು, ಒಬ್ಬ ಅಣ್ಣ, ಓರ್ವ ತಂಗಿ ಇದ್ದಾರೆ. ಈ ಪೈಕಿ ಹಿರಿಯ ಅಕ್ಕ ರೇಣುಕಾ ವಂಚನೆಗೊಳಗಾಗಿದ್ದಾರೆ.

ಹೆಚ್​ಡಿಎಫ್​ಸಿ ಬ್ಯಾಂಕ್ ಮ್ಯಾನೇಜರ್ ಆಗಿದ್ದ ವಿಶಾಕ್ಷಿಭಟ್ ಎಂಬಾಕೆ ಬ್ಯಾಂಕ್​ನಲ್ಲಿ ರೇಣುಕಾರಿಂದ 60 ಲಕ್ಷ ಹಣ ಹೂಡಿಕೆ ಮಾಡಿಸಿ ವಂಚಿಸಿದ್ದಾರೆ ಎಂದು 2015ರಲ್ಲಿ ಸುಬ್ರಮಣ್ಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿತ್ತು.

ಈ ಪ್ರಕರಣ ನ್ಯಾಯಾಲಯದಲ್ಲಿ ವಿಚಾರಣಾ ಹಂತದಲ್ಲಿ ಇರುವಾಗಲೇ ರೇಣುಕಾರ ಮನೆಗೆ ನುಗ್ಗಿದ ಆರೋಪಿತೆ ವಿಶಾಲಾಕ್ಷಿ ಭಟ್, ಖಾಲಿ ಪೇಪರ್​ಗೆ ಸಹಿ ಹಾಕುವಂತೆ ಧಮ್ಕಿ ಹಾಕಿದ್ದಾರೆ. ಇದರಿಂದ ಬೇಸತ್ತ ರೇಣುಕಾ, ಕೋಣನಕುಂಟೆ ಪೊಲೀಸ್ ಠಾಣೆಯಲ್ಲಿ ವಿಶಾಲಾಕ್ಷಿ ವಿರುದ್ಧ ದೂರು ನೀಡಿದ್ದಾರೆ. ಪ್ರಕರಣ ಸಂಬಂಧ ವಿಶಾಲಾಕ್ಷಿಗಾಗಿ ಪೊಲೀಸರು ಶೋಧಕಾರ್ಯ ಮುಂದುವರಿಸಿದ್ದಾರೆ.

https://www.vijayavani.net/devraguda-high-school-teacher-mallappa-talawara-case/

https://www.vijayavani.net/a-madhugiri-kodigenahalli-nagarajappa-case/

https://www.vijayavani.net/a-delhi-girl-cant-ride-her-new-scooty-because-the-number-plate-has-sex/