ಬೆಂಗಳೂರು: ಗಾಯಕ, ಸಂಗೀತ ನಿರ್ದೇಶಕ ಚಂದನ್ ಶೆಟ್ಟಿ ಜನ್ಮದಿನದ (ಸೆ. 17) ಸಂಭ್ರಮದಲ್ಲಿದ್ದಾರೆ. ಸ್ಯಾಂಡಲ್ವುಡ್ನ ಸಿನಿಮಾ ಸ್ನೇಹಿತರು ಅವರ ಜನ್ಮದಿನಕ್ಕೆ ಶುಭ ಹಾರೈಸುತ್ತಿದ್ದಾರೆ. ಅದೇ ರೀತಿ ಈ ಸಲದ ಅವರ ಜನ್ಮದಿನಕ್ಕೆ ವಿಶೇಷ ಹಾಡಿನ ಉಡುಗೊರೆಯೊಂದು ಅವರನ್ನು ತಲುಪಿದೆ.
ಇದನ್ನೂ ಓದಿ: ಯುವ ಗರ್ಜನೆ: ದೊಡ್ಡಪ್ಪ-ಚಿಕ್ಕಪ್ಪನಿಂದ ಟ್ರೇಲರ್ ಲಾಂಚ್…
ಬಿಗ್ಬಾಸ್ನಲ್ಲಿ ಚಂದನ್ ಶೆಟ್ಟಿಗೆ ಪರಿಚಯವಾಗಿದ್ದ ಕಾಮನ್ ಮನ್ ದಿವಾಕರ್ ಒಟ್ಟಿಗೆ ಫಿನಾಲೆ ವೇದಿಕೆ ಏರಿದ್ದರು. ಬಿಗ್ ಮನೆಯಲ್ಲಿ ಶುರುವಾದ ಅವರ ಸ್ನೇಹ ಇಂದಿಗೂ ಹಾಗೇ ಇದೆ. ಆ ಸ್ನೇಹಕ್ಕೆ ಏನಾದರೂ ನೀಡಬೇಕೆಂದು ನಿರ್ಧರಿಸಿದ ದಿವಾಕರ್, ಚಂದನ್ ಜನ್ಮದಿನಕ್ಕೆ ಹಾಡಿನ ಉಡುಗೊರೆ ನೀಡಿದ್ದಾರೆ.
ಗೊತ್ತಾ ಇವನು ಯಾರು… ಕರುನಾಡಿನ ಸಿಂಗರ್ರು.. ಸಾಹಿತ್ಯದಿಂದ ಶುರುವಾಗುವ ಹಾಡಿನಲ್ಲಿ ಚಂದನ್ ಶೆಟ್ಟಿ ಅವರನ್ನು ಗುಣಗಾನ ಮಾಡಲಾಗಿದೆ. ಈ ಹಾಡನ್ನು ಸ್ವತಃ ದಿವಾಕರ್ ಅವರೇ ನಿರ್ಮಾಣ ಮಾಡಿದ್ದು, ಹಿತನ್ ಹಾಸನ್ ಸಾಹಿತ್ಯ ಬರೆದಿದ್ದಾರೆ. ಹರ್ಷ ಕೊಗೊಡ್ ಸಂಗೀತ ನೀಡಿದರೆ, ಗಿರೀಶ್ ರಾಮಾಂಜನೇಯ ಧ್ವನಿ ನೀಡಿದ್ದಾರೆ.
ದಿವಾಕರ್ ಅವರ ಈ ವಿಡಿಯೋ ಕಾಮನ್ ಮ್ಯಾನ್ ದಿವಾಕರ್ ಹೆಸರಿನ ಯೂಟ್ಯೂಬ್ ಚಾನೆಲ್ನಲ್ಲಿ ಬಿಡುಗಡೆಯಾಗಿದ್ದು, ನೆಚ್ಚಿನ ಗಾಯಕನಿಗೆ ಶುಭಾಶಯ ತಿಳಿಸುತ್ತಿದ್ದಾರೆ.
ಅಕ್ಷಯ್ ಕುಮಾರ್ ‘ಲಕ್ಷ್ಮೀ ಬಾಂಬ್’ ಸಿನಿಮಾದ ಬಿಡುಗಡೆ ದಿನಾಂಕ ಫಿಕ್ಸ್