ಪಂಚಿಂಗ್ ಡೈಲಾಗ್ನಿಂದಲೇ ಬಹುಬೇಗ ಖ್ಯಾತಿ ಪಡೆದಿದ್ದ ಗುರು ಕಶ್ಯಪ್, ಬಹುಬೇಡಿಕೆಯ ಸಂಭಾಷಣೆಕಾರ ಆಗಿದ್ದರು. ಪುಷ್ಪಕ ವಿಮಾನ, ಸುಂದರಾಂಗ ಜಾಣ, ಪ್ರಿಯಾಂಕಾ ದೇವಕಿ, ಇನ್ಸ್ಪೆಕ್ಟರ್ ವಿಕ್ರಂ ಸೇರಿದಂತೆ 15ಕ್ಕೂ ಹೆಚ್ಚು ಸಿನಿಮಾಗಳಿಗೆ ಕೆಲಸ ಮಾಡಿದ್ದರು. ಮಾನ್ಸೂನ್ ರಾಗ, ಬೈರಾಗಿ, ವ್ಹೀಲ್ ಚೇರ್ ರೋಮಿಯೋ... ಸೇರಿದಂತೆ ಹಲವು ಸಿನಿಮಾಗಳ ಪ್ರಾಜೆಕ್ಟ್ ಅನ್ನು ಕೈಗೆತ್ತಿಕೊಂಡಿದ್ದ ಗುರು ಕಶ್ಯಪ್, ಈ ಸಿನಿಮಾಗಳ ಡೈಲಾಗ್ ಬರೆಯುತ್ತಿದ್ದರು. ಸೋಮವಾರ ರಾತ್ರಿ ಎದೆನೋವು ಕಾಣಿಸಿಕೊಂಡಿದ್ದರಿಂದ ಕೂಡಲೇ ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ ಮಾರ್ಗಮಧ್ಯೆಯೇ ಕೊನೆಯುಸಿರೆಳೆದಿದ್ದಾರೆ. ಮೃತರಿಗೆ ಪತ್ನಿ ಮತ್ತು ಮಗಳು ಇದ್ದಾರೆ.
