ಡಿಕೆಶಿ​ಗೆ ಕಾದಿದ್ಯಾ ಗಂಡಾಂತರ? ಡಿ.14ರಂದು ಎಲ್ಲವನ್ನೂ ಬಿಚ್ಚಿಡ್ತಾರಂತೆ ರಮೇಶ್​ ಜಾರಕಿಹೊಳಿ!

ಬೆಳಗಾವಿ: ಡಿ.ಕೆ.ಶಿವಕುಮಾರ್​ಗೆ ಡಿ. 14ರಂದು ಉತ್ತರ ಕೊಡುವೆ. ಅಂದು ನಮ್ಮಿಬ್ಬರ ನಡುವೆ ಓಪನ್​ ವಾರ್​ ಆಗಿಬಿಡಲಿ ಎಂದು ರಮೇಶ್​ ಜಾರಕಿಹೊಳಿ ಗುಡುಗಿದ್ದಾರೆ.

ಅಂದು ಒಂದು ತಾಸು ಬೇಕಾದರೂ ಪತ್ರಿಕಾಗೋಷ್ಠಿ ನಡೆಸಿ ಎಲ್ಲ ವಿವರ ಕೊಡುತ್ತೇನೆ. 1985ರಿಂದ ಹಿಡಿದು ಈವರೆಗೂ ನನ್ನ ವ್ಯಕ್ತಿತ್ವ ಹೇಗಿತ್ತು? ಅವರ ವ್ಯಕ್ತಿತ್ವ ಹೇಗಿತ್ತು? ನಮ್ಮ ಕುಟುಂಬ ಹೇಗಿತ್ತು? ಶಿವಕುಮಾರ್​ ಕುಟುಂಬ ಯಾವ ರೀತಿಯಲ್ಲಿತ್ತು? ಎಂದು ಬಹಿರಂಗ ಪಡಿಸುವೆ. ಬ್ಲ್ಯಾಕ್​ ಮೇಲ್ ಮಾಡುತ್ತಿರುವವರು ಯಾರು ಎನ್ನುವುದನ್ನ ಡಿ.14ರಂದು ತಿಳಿಸುತ್ತೇನೆ. ಅವರು ಶಾಸಕ ಸ್ಥಾನ ಉಳಿಸಿಕೊಳ್ಳಲು ಎಂದು ಬೆಳಗಾವಿಯಲ್ಲಿ ಬುಧವಾರ ರಮೇಶ್ ಜಾರಕಿಹೊಳಿ ಸವಾಲು ಹಾಕಿದರು.

ರಮೇಶ ಜಾರಕಿಹೊಳಿ ಬಿಜೆಪಿಯನ್ನು ಬ್ಲ್ಯಾಕ್​ ಮೇಲ್​ ಮಾಡುತ್ತಿದ್ದಾರೆ. ಅಂಥ ಕೊಳಕನ್ನು ಕಾಂಗ್ರೆಸ್​ನಲ್ಲಿ ಒಂದು ಕ್ಷಣವೂ ಇಟ್ಟುಕೊಳ್ಳುತ್ತಿರಲಿಲ್ಲ ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್​ ಆರೋಪಿಸಿದ್ದರು. ಇದಕ್ಕೆ ಗರಂ ಆದ ರಮೇಶ್​ ಜಾರಕಿಹೊಳಿ, ಡಿಕೆಶಿ ನನ್ನ ಕುರಿತು ಮಾಡಿರುವ ಆರೋಪಗಳಿಗೆ ಡಿ. 14ರಂದು ಚುನಾವಣಾ ಫಲಿತಾಂಶ ಬಂದ ದಿನ ಪ್ರತಿಕ್ರಿಯೆ ನೀಡುತ್ತೇನೆ. ಅತ್ಯಂತ ಕಠೋರವಾಗಿ ಉತ್ತರ ನೀಡುತ್ತೇನೆ. ಆ ದಿನ ಬೇಕಾದರೆ ನಮ್ಮಿಬ್ಬರ ನಡುವೆ ಯುದ್ಧವೇ ಆಗಿಬಿಡಲಿ. ಅಂದು ಡಿಕೆಶಿ ಇತಿಹಾಸ ಬಿಚ್ಚಿಡುವೆ ಎಂದರು.

ಬಿಜೆಪಿ, ಆರ್​ಎಸ್​ಎಸ್​ ವರಿಷ್ಠರ ಆಶೀರ್ವಾದ ನನ್ನ ಮೇಲೆ ಇಲ್ಲದಿದ್ರೆ ಇಷ್ಟೊತ್ತಿಗೆ ಷಡ್ಯಂತ್ರ ಮಾಡಿ ನನ್ನನ್ನು ಅವರು ಮುಗಿಸಿ ಬಿಡ್ತಿದ್ರು ಎಂದ ರಮೇಶ್​ ಜಾರಕಿಹೊಳಿ, ವಿಧಾನ ಪರಿಷತ್​ ಚುನಾವಣೆ ಫಲಿತಾಂಶ ಬಂದ ದಿನ ಡಿಕೆಶಿಯ ಎಲ್ಲ ಆರೋಪಗಳಿಗೆ ಉತ್ತರ ನೀಡುತ್ತೇನೆ. ವರಿಷ್ಠರ ಆಶೀರ್ವಾದ ನನ್ನ ಮೇಲೆ ಇದೆ. ಅದೇ ಕಾರಣಕ್ಕೆ ಇನ್ನೂ ಜೀವಂತ ಇದ್ದೇನೆ. ಪ್ರಮುಖ ನಾಯಕನಾಗಿ ಹೊರಹೊಮ್ಮಿದ್ದೇನೆ ಎಂದರು.

ಪ್ರಸ್ತುತ ವಿಧಾನ ಪರಿಷತ್​ ಚುನಾವಣೆಯಲ್ಲಿ ಮೊದಲ ಪ್ರಾಶಸದ ಮತವನ್ನು ಬಿಜೆಪಿ ಅಭ್ಯರ್ಥಿ ಮಹಾಂತೇಶ ಕವಟಗಿಮಠ ಪರವಾಗಿಯೇ ಕೇಳುತ್ತಿದ್ದೇವೆ. ಅದಕ್ಕಾಗಿ ಜಿಲ್ಲೆಯ ಮೂಲೆ&ಮೂಲೆಗೂ ಭೇಟಿ ನೀಡುತ್ತಿದ್ದೇನೆ ಎಂದು ರಮೇಶ್​ ಜಾರಕಿಹೊಳಿ ಸ್ಪಷ್ಟಪಡಿಸಿದರು.

https://www.vijayavani.net/devraguda-high-school-teacher-mallappa-talawara-case/

https://www.vijayavani.net/a-congress-mlc-candidate-kgf-babu-crying-in-pressmeet/

https://www.vijayavani.net/a-delhi-girl-cant-ride-her-new-scooty-because-the-number-plate-has-sex/