ಅಮ್ಮ ಸತ್ತ ದಿನ ವಿಷ ಕುಡಿದ, ಅಪ್ಪ ಸತ್ತಾಗ ರೈಲಿಂದ ಜಿಗಿದ... ಆದರೂ ಬದುಕಿದ್ದವ ನಿನ್ನೆ ದುರಂತ ಅಂತ್ಯಕಂಡ

ಮೈಸೂರು: ತನ್ನ ತಾಯಿ ಸತ್ತ ದಿದ ಈ ಬದುಕೇ ಸಾಕೆನಿಸಿ ವಿಷ ಕುಡಿದಿದ್ದ ಯುವಕ ಬದುಕಿದ. ಇದಾದ ಕೆಲ ವರ್ಷದಲ್ಲಿ ತಂದೆ ಮೃತಪಟ್ಟರು. ಆ ದಿನವೂ ಸಾಯಲೇ ಬೇಕೆಂದು ನಿರ್ಧರಿಸಿ ಚಲಿಸುತ್ತಿದ್ದ ರೈಲಿಂದ ಕೆಳಗೆ ಜಿಗಿದಿದ್ದ. ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದ. ಎರಡು ಬಾರಿಯೂ ಸಾವಿನ ಮನೆಯ ಕದತಟ್ಟಿ ವಾಪಸ್​ ಬಂದಿದ್ದವ ನಿನ್ನೆ(ಗುರವಾರ) ದುರಂತ ಅಂತ್ಯ ಕಂಡಿದ್ದಾನೆ.

ಇಂತಹ ಘಟನೆ ಶ್ರೀರಂಗಪಟ್ಟಣದ ಪಶ್ಚಿಮ ವಾಹಿನಿಯಲ್ಲಿ ಸಂಭವಿಸಿದೆ. ಎಸ್.ಕಾರ್ತಿಕ್ (30) ಮೃತ ದುರ್ದೈವಿ. ಮೆಡಿಕಲ್ ರೆಪ್ರೆಸೆಂಟೇಟಿವ್ ಆಗಿ ಕೆಲಸ ಮಾಡುತ್ತಿದ್ದ ಕಾರ್ತಿಕ್​ ಎನ್.ಆರ್.ಮೊಹಲ್ಲಾದಲ್ಲಿ ವಾಸವಿದ್ದ.

ಕಾರ್ತಿಕ್​ ತಾಯಿ ಡಾ.ಪಾರ್ವತಿ ಕೆಲ ವರ್ಷಗಳ ಹಿಂದೆಷ್ಟೇ ಸಾವನ್ನಪ್ಪಿದ್ದರು. ನಂತರ ತಂದೆ ಶಿವಲಿಂಗಯ್ಯ ಕೂಡ ಮೃತಪಟ್ಟಿದ್ದರು. ಚಿಕ್ಕಮ್ಮನ ಆಸರೆಯಲ್ಲಿದ್ದ ಕಾರ್ತಿಕ್, ಇತ್ತೀಚಿಗೆ ಎನ್.ಆರ್.ಮೊಹಲ್ಲಾದಲ್ಲಿ ಬಾಡಿಗೆ ರೂಂ​ ಮಾಡಿಕೊಂಡು ವಾಸವಾಗಿದ್ದ.

ತಾಯಿ ಸಾವನ್ನಪ್ಪಿದ ದಿನವೇ ಕಾರ್ತಿಕ್ ವಿಷ ಸೇವಿಸಿದ್ದ. ಅಷ್ಟೇ ಅಲ್ಲನ ತಂದೆ ಸತ್ ದಿನ ರೈಲಿನಿಂದ ಕೆಳಗೆ ಜಿಗಿದಿದ್ದ‌. ಅದೃಷ್ಟವಶಾತ್ ಈ ಎರಡು ಬಾರಿಯೂ ಅಪಾಯದಿಂದ ಪಾರಾಗಿದ್ದ. ಪೋಷಕರ ಅಗಲಿಕೆಯಿಂದ ತೀವ್ರವಾಗಿ ಮನನೊಂದ ಕಾರ್ತಿಕ್​, ಮೂರನೇ ಬಾರಿಗೆ ಶ್ರೀರಂಗಪಟ್ಟಣದ ಪಶ್ಚಿಮ ವಾಹಿನಿಯಲ್ಲಿ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ತನ್ನ ಹುಟ್ಟು ಹಬ್ಬದ ದಿನವೇ ಮೃತಪಟ್ಟಿದ್ದಾನೆ. ಶ್ರೀರಂಗಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/a-sisters-life-end-in-the-husbands-house/

https://www.vijayavani.net/a-karahunnime-well-mother-and-childrens-tumkur/

https://www.vijayavani.net/a-beglihosaahalli-grama-panchayat-secretary-kavya-case/

https://www.vijayavani.net/a-illicit-relationship-husband-life-is-end/

https://www.vijayavani.net/a-illicit-relationship-poisoning-by-lovers/