ಹರ್ಷನ ಜೀವನವನ್ನು ನಾನು ಹತ್ತಿರದಿಂದ ನೋಡಿದ್ದೆ. ಅವನ ಮೇಲೆ ಅನೇಕ ಕೇಸ್ ಇತ್ತು. ಆದರೆ, ಅದ್ಯಾವುದೂ ವೈಯಕ್ತಿಕ ಕೇಸ್ ಅಲ್ಲ. ಹರ್ಷನ ವಿರುದ್ಧ ಕೊತ್ತಂಬರಿ ಸೊಪ್ಪು ತರಲು, ಹುಡುಗಿ ಜತೆ ಹೋದ ಕೇಸ್ ಇಲ್ಲ. ಗಣೇಶ ಮೂರ್ತಿ ಕೂರಿಸೋ ಬಗ್ಗೆ ಮಾತ್ರ ಕೇಸ್ ಇರೋದು. ಅವರ ತಾಯಿ ಆತನಿಗೆ ಮದುವೆ ಆಗು ಮಗನೇ ಅಂತಿದ್ರು. ಎಲ್ಲರೂ ಮದುವೆಯಾದ್ರೆ, ದೇಶಕ್ಕಾಗಿ ಕೆಲಸ ಮಾಡೋರು ಯಾರು ಅಂತಿದ್ದ ಹರ್ಷ. ಕೇಸರಿ ಶಾಲು ಅಲ್ಲಿಂದ, ಇಲ್ಲಿಂದ ತಂದ್ರು ಅನ್ನೋ ಮಾಹಿತಿ ಇರೋ ಕಾಂಗ್ರೆಸ್ನವರಿಗೆ, ಹರ್ಷನ ಕೊಲೆ ಮಾಡೋ ಬಗ್ಗೆ ಮಾಹಿತಿ ಇರಲಿಲ್ವಾ? ಎಂದು ಭಾರತಿ ಶೆಟ್ಟಿ ಕಿಡಿಕಾರಿದ್ದಾರೆ. ಹರ್ಷನ ಸಾವಿಗೆ ನ್ಯಾಯ ಸಿಗಬೇಕು. ಅಪರಾಧಿಗಳಿಗೆ ಕಠಿಣ ಶಿಕ್ಷೆ ನೀಡಬೇಕು ಎಂದು ಆಗ್ರಹಿಸಿದ್ದಾರೆ.
