ಮಂಡ್ಯದ ಶನಿದೇವರ ಬಸಪ್ಪ ಇನ್ನಿಲ್ಲ: 18 ವರ್ಷದ ಹಿಂದೆ ಭಕ್ತರೊಬ್ಬರ ಕಾಣಿಕೆ ರೂಪದಲ್ಲಿ ಬಂದಿದ್ದ ಬಸಪ್ಪ

ಮಂಡ್ಯ: ತಾಲೂಕಿನ ಗೋಪಾಲಪುರದ ಶ್ರೀ ಶನೈಶ್ಚರ ಸ್ವಾಮಿ ದೇಗುಲದ ಬಸಪ್ಪ ಕೊನೆಯುಸಿರೆಳೆದಿದೆ.

18 ವರ್ಷದ ಹಿಂದೆ ಭಕ್ತರೊಬ್ಬರು ಶನಿದೇವರಿಗೆ ಬಸಪ್ಪನನ್ನು ಕಾಣಿಕೆಯಾಗಿ ನೀಡಿದ್ದರು. ಅಂದಿನಿಂದ ಗ್ರಾಮದಲ್ಲಿ ಹಬ್ಬಗಳು ನಡೆಯುವ ಸಂದರ್ಭದಲ್ಲಿ ಬಸಪ್ಪನಿಗೆ ವಿಶೇಷ ಅಲಂಕಾರ ಮಾಡಲಾಗುತ್ತಿತ್ತು. ದೇಗುಲಕ್ಕೆ ಬರುವ ಭಕ್ತರು ಈ ಬಸಪ್ಪನಿಗೆ ವಿಶೇಷ ಪೂಜೆ ಸಲ್ಲಿಸಿ, ಆಶೀರ್ವಾದ ಪಡೆಯುತ್ತಿದ್ದು. ತಮ್ಮ ಕೋರಿಕೆ ಈಡೇರಿಸುವಂತೆ ಪ್ರಾರ್ಥನೆ ಸಲ್ಲಿಸುತ್ತಿದ್ದರು. ವಯೋಸಹಜವಾಗಿ ಮಂಗಳವಾರ ಶನಿದೇವರ ಬಸಪ್ಪ ನಿಧನ ಹೊಂದಿದೆ.

ಶನಿದೇವರ ಬಸಪ್ಪ ಇನ್ನಿಲ್ಲ ಎಂಬ ಸುದ್ದಿ ಕೇಳುತ್ತಿದ್ದಂತೆ ನೂರಾರು ಭಕ್ತರು ದೇಗುಲದ ಆವರಣಕ್ಕೆ ಆಗಮಿಸಿದರು. ಬಸಪ್ಪನ ಮೃತದೇಹಕ್ಕೆ ಪೂಜೆ ಸಲ್ಲಿಸಿ ಗ್ರಾಮದಲ್ಲಿ ಮೆರವಣಿಗೆ ಮಾಡಿದ ಗ್ರಾಮಸ್ಥರು, ಕೆರೆಯಂಗಳದ ಸಮೀಪದ ಕಾಳಮ್ಮ ಮತ್ತು ಶಿವಾಂಜನೇಯ ದೇವಸ್ಥಾನದ ಹತ್ತಿರ ಅಂತ್ಯಸಂಸ್ಕಾರ ನೆರವೇರಿಸಿದರು.

https://www.vijayavani.net/a-actor-digants-health-condition/

https://www.vijayavani.net/a-two-womans-tragic-end-case-mandya-police-investigation/