ಭೂ ವೀಕ್ಷಣಾ ಉಪಗ್ರಹ EOS-04 ಸೇರಿ ಮೂರು ಉಪಗ್ರಹಗನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದ ಇಸ್ರೋ

Published on:

14 Feb 2022, 4:36 am

ಶ್ರೀಹರಿಕೋಟ: ಮಹತ್ವಾಕಾಂಕ್ಷೆಯ ಭೂ ಸರ್ವೇಕ್ಷಣಾ ಉಪಗ್ರಹ ಇಒಎಸ್-04 ಸ್ಯಾಟಲೈಟ್ ಸೇರಿ ಒಟ್ಟು ಮೂರು ಉಪಗ್ರಹಗಳನ್ನು ಇಂದು(ಸೋಮವಾರ) ಮುಂಜಾನೆ ಆಂಧ್ರಪ್ರದೇಶದ ಶ್ರೀಹರಿಕೋಟಾದಿಂದ ಇಸ್ರೋ(ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ) ಯಶಸ್ವಿಯಾಗಿ ಉಡಾವಣೆ ಮಾಡಿದೆ.

ಇಒಎಸ್-04, ಇನ್ಸ್ಪೈರ್ಸ್ಯಾಟ್-1 ಹಾಗೂ ಐಎನ್ಎಸ್-2ಬಿ ಉಪಗ್ರಹಗಳನ್ನು ಹೊತ್ತ ಪಿಎಸ್‌ಎಲ್‌ವಿ ಸಿ-52 ರಾಕೆಟ್‌ ಇಂದು ಬೆಳಗ್ಗೆ 5.59ಕ್ಕೆ ಶ್ರೀಹರಿಕೋಟದ ಸತೀಶ್‌ ಧವನ್‌ ಬಾಹ್ಯಾಕಾಶ ಕೇಂದ್ರದಿಂದ ಯಶಸ್ವಿಯಾಗಿ ನಭಕ್ಕೆ ಚಿಮ್ಮಿತು.

ಈ ವರ್ಷದ ಮೊದಲ ಉಡಾವಾಣೆಯಾಗಿ ಇಒಎಸ್-04 ಉಪಗ್ರಹವನ್ನು ಅಂತರಿಕ್ಷಕ್ಕೆ ರವಾನಿಸಿದ ಇಸ್ರೋ, ಇದೊಂದು ಅವಿಸ್ಮರಣೀಯ ಕ್ಷಣ ಎಂದು ಬಣ್ಣಿಸಿದೆ. ಭೂಮಿ ಮೇಲೆ ನಿಗಾ ಇರಿಸುವ ಸರಣಿಯಲ್ಲಿ ನಾಲ್ಕನೇಯದ್ದಾದ ಇಒಎಸ್-04 ಸ್ಯಾಟಲೈಟ್ನ ಬಾಳ್ವಿಕೆ ಅವಧಿ ಸುಮಾರು 10 ವರ್ಷ. ಈ ಭೂಮಿ ವೀಕ್ಷಣಾ ಉಪಗ್ರಹ ಕೃಷಿ, ಅರಣ್ಯ ಮತ್ತು ತೋಟಗಳು, ಎಂಥಹದ್ದೇ ಪ್ರತಿಕೂಲ ಹವಾಮಾನ ಪರಿಸ್ಥಿತಿಯಲ್ಲೂ ಕೂಡ ಉತ್ತಮ ಗುಣಮಟ್ಟದ ಚಿತ್ರಗಳನ್ನು ಭೂಮಿಗೆ ರವಾನಿಸುವಂತೆ ವಿನ್ಯಾಸ ಮಾಡಲಾಗಿದೆ.

ಇಸ್ರೋ ಈ ವರ್ಷ ಚಂದ್ರಯಾನ-3 ಸೇರಿ 19 ಯೋಜನೆಗಳನ್ನು ಹಮ್ಮಿಕೊಂಡಿದೆ. ಕಳೆದ ಎರಡು ವರ್ಷದಲ್ಲಿ ಇಸ್ರೋದ ಮೂರು ಬಾಹ್ಯಾಕಾಶ ಯೋಜನೆಗಳು ಮಾತ್ರ ಸಫಲವಾಗಿವೆ. ಕಾರ್ಟೊಸ್ಯಾಟ್ ಮಾಲಿಕೆಯ ಈ ಉಪಗ್ರಹಗಳು ಭೂ ಮೇಲ್ಮೈನ ಮಾಹಿತಿ ಒದಗಿಸುವ ಮೂಲಕ ನೆ ತಯಾರಿಗೆ ಅನುಕೂಲ ಮಾಡಿಕೊಡುತ್ತದೆ.

ಸಾಗರ, ಅರಣ್ಯ, ಪರ್ವತಗಳನ್ನು ಕರಾರುವಕ್ಕಾಗಿ ಗುರುತಿಸುವಿಕೆ. ಖನಿಜ ಸಂಪತ್ತ ಪತ್ತೆ, ಹವಾಮಾನ ಬದಲಾವಣೆಯ ಮಾಹಿತಿ, ಮಣ್ಣಿನ ಗುಣಮಟ್ಟ ಸೇರಿ ಭೂಗೋಳದ ಬಾಹ್ಯರೇಖೆಯ ಸಂಪೂರ್ಣ ಮಾಹಿತಿಯನ್ನು EOS-04 ಸ್ಯಾಟಲೈಟ್ ಒದಗಿಸುತ್ತದೆ. ಇಒಎಸ್-01 ಸ್ಯಾಟಲೈಟ್ ಅನ್ನು 2020ರ ನವೆಂಬರ್ನಲ್ಲಿ ಉಡಾವಣೆ ಮಾಡಲಾಯಿತು. ಇಒಎಸ್-02 ಸಣ್ಣ ಸ್ಯಾಟಲೈಟ್ ಆಗಿದ್ದು, ಇದು ಎಸ್ಎಸ್ಎಲ್ವಿ ರಾಕೆಟ್ನಲ್ಲಿ ಉಡಾವಣೆ ಆಗಬೇಕಿದೆ. ಇಒಎಸ್-03 ಕಳೆದ ವರ್ಷ ಆಗಸ್ಟ್ನಲ್ಲಿ ಉಡಾವಣೆ ಆಯಿತಾದರೂ ವಿಫಲವಾಯಿತು.

Launch of PSLV-C52/EOS-04 https://t.co/naTQFgbm7b
— ISRO (@isro) February 13, 2022

2012ರಲ್ಲಿ ಉಡಾವಣೆಯಾದ ಈಗ ಕಾರ್ಯ ಸ್ಥಗಿತಗೊಳಿಸಿರುವ ರಿಸ್ಯಾಟ್-1 ಉಪಗ್ರಹದ ಬದಲಿಯಾಗಿ 1,710 ಕೆ.ಜಿ. ತೂಕದ ಇಒಎಸ್-04 ಸ್ಯಾಟಲೈಟ್ ಅನ್ನು ಕಳುಹಿಸಲಾಗಿದೆ. ಉತ್ತಮ ಗುಣಮಟ್ಟದ ಚಿತ್ರಗಳನ್ನು ಇದು ರವಾನಿಸುತ್ತದೆ. ಇನ್ಸ್ಪೈರ್ಸ್ಯಾಟ್-1 ಅನ್ನು ತಿರುವನಂತಪುರದ ಭಾರತೀಯ ಬಾಹ್ಯಾಕಾಶ ವಿಜ್ಞಾನ ಮತ್ತು ತಂತ್ರಜ್ಞಾನ ಸಂಸ್ಥೆಯ ವಿದ್ಯಾರ್ಥಿ ಸಿದ್ಧಪಡಿಸಿದ್ದಾನೆ. ಅಮೆರಿಕದ ಕೊಲೊರಾಡೊ ವಿವಿ ಆತನಿಗೆ ನೆರವು ನೀಡಿದೆ. ಐಎನ್ಎಸ್-2ಟಿಡಿ ಉಪಗ್ರಹವು ಭೂತಾನ್ ಜತೆಗೂಡಿ ಭಾರತ ಕೈಗೊಂಡಿರುವ ಮೊದಲ ಬಾಹ್ಯಾಕಾಶ ಅನ್ವೇಷಣೆಯದ್ದಾಗಿದೆ.

Koo App

A proud moment for all Indians indeed! Heartiest congratulations to the team of ISRO on the successful launch of radar imaging satellite EOS-04 and two others onboard PSLV-C52.This mission will serve India in the sectors of agriculture, disaster management and assessment, carbon inventory, forest and plantation management and many more sectors.-Nitin Gadkari (@nitin.gadkari)14 Feb 2022

https://www.vijayavani.net/a-shivamogga-hospital-nurse-ganavi-gowda-donated-organ/

https://www.vijayavani.net/a-kolar-srinivasapura-chaitras-braindead-story/

https://www.vijayavani.net/a-veda-river-kaduru-woman-lovers-slippers-police/

India