ಶ್ರೀನಿವಾಸಗೌಡರು ರಾಜ್ಯಸಭೆ ಚುನಾವಣೆಯಲ್ಲಿ ಅಡ್ಡ ಮತದಾನ ಮಾಡುವ ಮೂಲಕ ಜೆಡಿಎಸ್ ಅಭ್ಯರ್ಥಿಗೆ ಕೈ ಕೊಟ್ಟಿದ್ದಾರೆ. ಈ ವಿಚಾರ ತಿಳಿದು ಗರಂ ಆದ ಎಚ್ಡಿಕೆ, ಆ ಮನುಷ್ಯನಿಗೆ ಮಾನ-ಮರ್ಯಾದೆ ಇದ್ಯಾ? ಕೋಲಾರ ಜನರನ್ನು ವಂಚಿಸಿದ್ದಾರೆ. ವಿಪ್ ಕಾಟಾಚಾರಕ್ಕಿದೆ. ಜೆಡಿಎಸ್ ಶಾಸಕರನ್ನು ಸಿದ್ದರಾಮಯ್ಯ ಹೈಜಾಕ್ ಮಾಡಿ ಕೀಳು ಮಟ್ಟದ ರಾಜಕಾರಣ ಮಾಡಿದರು. ಇವರು ಪ್ರಜಾಪ್ರಭುತ್ವ ಉಳಿಸುತ್ತಾರಾ? ಬಿಜೆಪಿಯವರಿಗಿಂತ ಇವರೇನು ಕಡಿಮೆ? ಬಿಜೆಪಿ ಅಭ್ಯರ್ಥಿಯನ್ನ ಗೆಲ್ಲಿಸಲು ಅವರೆಲ್ಲಾ ಈ ರೀತಿ ಆಟವಾಡಿದರು. ಇವರಿಗೆ ನೈತಿಕತೆ ಇದ್ಯಾ? ಎಂದು ಕಟುವಾಗಿಯೇ ಪ್ರಶ್ನಿಸಿದರು. ಇದು ಕೋಲಾರ ಜನರಿಗೆ ಮಾಡಿದ ಅವಮಾನ. ಪಕ್ಷದಿಂದ ಕ್ರಮ ತೆಗೆದುಕೊಳ್ಳುವುದರಿಂದ ಏನು ಪ್ರಯೋಜನ ಇಲ್ಲ ಎಂದರು.
