ಎರಡು ದಿನದ ಹಿಂದೆ ನಾಪತ್ತೆಯಾಗಿದ್ದ ಪ್ರೇಮಿಗಳು ಗ್ರಾಮದ ಜಮೀನೊಂದರಲ್ಲಿ ಶವವಾಗಿ ಪತ್ತೆ! ಆ ರಾತ್ರಿ ಆಗಿದ್ದೇನು?

ಹಾವೇರಿ: ಇಡೀ ದೇಶಕ್ಕೆ ದೇಶವೇ ಕರೊನಾ ಆತಂಕದಲ್ಲಿದೆ. ಆದರೆ ಇಲ್ಲೊಂದು ಜೋಡಿ ಒಟ್ಟಿಗೆ ಬಾಳಲು ಮನೆಯವರು ಅವಕಾಶ ಮಾಡಿಕೊಡುತ್ತಿಲ್ಲ ಎಂದು ಸಾವಿನ ಮನೆಯ ಕದ ತಟ್ಟಿದೆ.

ಹಾವೇರಿ ತಾಲೂಕಿನ ನಾಗನೂರು ಗ್ರಾಮದಲ್ಲಿ ಪ್ರೇಮಿಗಳಿಬ್ಬರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಇರ್ಷಾದ್ ಕುಡುಚಿ(22) ಮತ್ತು ವಿದ್ಯಾ ಗಾಳಿ(21) ಮೃತ ದುರ್ದೈವಿಗಳು. ಒಂದೇ ಗ್ರಾಮದ ಇವರಿಬ್ಬರೂ ಎರಡು ವರ್ಷದಿಂದ ಪರಸ್ಪರ ಪ್ರೀತಿಸುತ್ತಿದ್ದರು. ಇದನ್ನೂ ಓದಿರಿ ಆಸ್ಪತ್ರೆ ಆವರಣದಲ್ಲೇ ಕರೊನಾ ಸೋಂಕಿತ ನೇಣಿಗೆ ಶರಣು! ಆತ್ಮಹತ್ಯೆಗೆ ಅದೊಂದೇ ಕಾರಣ…

ಇವರಿಬ್ಬರ ಮದುವೆಗೆ ಮನೆಯಲ್ಲಿ ವಿರೋಧ ಇತ್ತು. ಈ ಕಾರಣಕ್ಕೆ ನೊಂದ ಪ್ರೇಮಿಗಳು ಬೇರೆಬೇರೆ ಆಗುವ ಆತಂಕದಲ್ಲಿ ಸಾಯಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ. ಮೂರು ದಿನದ ಹಿಂದೆ ಮನೆಯಿಂದ ನಾಪತ್ತೆಯಾಗಿದ್ದ ಪ್ರೇಮಿಗಳು ಗ್ರಾಮ ಹೊರವಲಯದ ಜಮೀನೊಂದರಲ್ಲಿ ನಿನ್ನೆ (ಭಾನುವಾರ) ಶವವಾಗಿ ಪತ್ತೆಯಾಗಿದ್ದಾರೆ. ಅಕ್ಕಪಕ್ಕದಲ್ಲೇ ಇಬ್ಬರ ಮೃತದೇಹಗಳು ಪತ್ತೆಯಾಗಿದ್ದು, ಈ ಘಟನೆಗೆ ಗ್ರಾಮಸ್ಗರು ಬೆಚ್ಚಿಬಿದ್ದಿದ್ದಾರೆ. ಶನಿವಾರ ರಾತ್ರಿಯೇ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ.

ಪ್ರೇಮಿಗಳಿಬ್ಬರೂ ವಿಷಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವ ಶಂಕೆ ವ್ಯಕ್ತವಾಗಿದ್ದು, ಸ್ಥಳಕ್ಕೆ ಭೇಟಿ ನೀಡಿದ ಪೊಲೀಸರು ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

https://www.vijayavani.net/a-corona-patient-in-srirangapattana-talluk-hospital/

https://www.vijayavani.net/a-actor-shanaya-katave-brother-rakesh-case/