ಆಂಬುಲೆನ್ಸ್​ನಲ್ಲೇ ಹೆರಿಗೆ

ರಾಯಚೂರು: ಆಸ್ಪತ್ರೆಗೆ ತೆರಳುವ ಮಾರ್ಗಮಧ್ಯೆ ಆಂಬುಲೆನ್ಸ್​ನಲ್ಲೇ ಮಹಿಳೆಯೊಬ್ಬರು ಹೆಣ್ಣು ಮಗುವಿಗೆ ಜನ್ಮನೀಡಿದ್ದಾರೆ.

ಸಿರವಾರ ತಾಲೂಕಿನ ಚಾಗಬಾವಿ ಗ್ರಾಮದ ನಿರ್ಮಲಾ ಅವರಿಗೆ ಹೆರಿಗೆ ನೋವು ಕಾಣಿಸಿಕೊಂಡಿತ್ತು. ಆಂಬುಲೆನ್ಸ್​ ಮೂಲಕ ಅವರನ್ನು ತಾಲೂಕು ಆಸ್ಪತ್ರೆಗೆ ಕರೆತರಲಾಗುತ್ತಿತ್ತು. ಆದರೆ, ಮಾರ್ಗ ಮಧ್ಯೆ ಹೆರಿಗೆ ನೋವು ಹೆಚ್ಚಾಗಿದೆ. ಹಾಗಾಗಿ ಸಿಬ್ಬಂದಿ ವೀರೇಶ ಮತ್ತು ಚಾಲಕ ಬಸವರಾಜ ಅವರೇ ನಿರ್ಮಲಾಗೆ ಹೆರಿಗೆ ಮಾಡಿದ್ದಾರೆ. ಇದನ್ನೂ ಓದಿರಿ ಕುರಿಗಳಿಗೂ ಕ್ವಾರಂಟೈನ್​, ಮಾಂಸ ಪ್ರಿಯರೇ ಜಾಗ್ರತೆ!

ಕರೊನಾ ಹಿನ್ನೆಲೆ ಸಿರವಾರ ಆಸ್ಪತ್ರೆ ಸೀಲ್​ಡೌನ್ ಆಗಿದೆ. ಹಾಗಾಗಿ ತಾಯಿ ಮತ್ತು ಮಗುವನ್ನು ದೇವದುರ್ಗದ ಅರಕೇರಿ ಆಸ್ಪತ್ರೆ ದಾಖಲಿಸಲಾಗಿದೆ. ತಾಯಿ-ಮಗು ಸುರಕ್ಷಿತವಾಗಿದ್ದಾರೆ.

ಕರೊನಾದಂತಹ ಸಂದಿಗ್ಧ ಪರಿಸ್ಥಿತಿಯಲ್ಲಿ ತುರ್ತು ಸಂದರ್ಭದಲ್ಲೂ ಆಂಬುಲೆನ್ಸ್​ಗಳ ಸ್ಥಳಕ್ಕೆ ಬರುತ್ತಿಲ್ಲ, ಬಂದರೂ ವಿಳಂಬ ಎಂಬ ಆರೋಪ ಕೇಳಿಬರುತ್ತಿವೆ. ಈ ನಡುವೆ ಆಂಬುಲೆನ್ಸ್​ ಸಿಬ್ಬಂದಿಯೇ ಮಹಿಳೆಗೆ ಹೆರಿಗೆ ಮಾಡುವ ಮೂಲಕ ತಾಯಿ-ಮಗುವನ್ನು ಉಳಿಸಿರುವ ಕಾರ್ಯಕ್ಕೆ ಸಾರ್ವಜನಿಕರಿಂದ ಪ್ರಶಂಸೆ ಕೇಳಿಬರುತ್ತಿವೆ.

https://www.vijayavani.net/congress-and-bjp-leaders-clashed-with-the-public-in-muddebihala/