ಮನೆ ಬಾಗಿಲಿಗೆ ಬಂದ ಗಿಫ್ಟ್​ ಕೂಪನ್​ ಆಸೆಗಾಗಿ 65 ಸಾವಿರ ರೂ. ಕಳೆದುಕೊಂಡ ಮಧುಗಿರಿಯ ಕುರಿಗಾಹಿ!

ತುಮಕೂರು: ಪ್ರತಿಷ್ಠಿತ ಕಂಪನಿಗಳ ಹೆಸರಲ್ಲಿ ಬರುವ ಗಿಫ್ಟ್​ ಕೂಪನ್​ ಆಸೆಗಾಗಿ ಕುರಿಗಾಹಿಯೊಬ್ಬರು 65 ಸಾವಿರ ರೂಪಾಯಿ ಕಳೆದುಕೊಂಡಿದ್ದಾರೆ.

ಮಧುಗಿರಿ ತಾಲೂಕು ದೊಡ್ಡೇರಿಯ ರಂಗನಾಥ್​ ಎಂಬಾತ ಗಿಫ್ಟ್​ ಕಾರ್ಡ್​ನ ಸ್ಕ್ರಾಚ್​ ಮಾಡಿದ ವೇಳೆ 12.50 ಲಕ್ಷ ರೂ. ನಗದು ಬಹುಮಾನ ಬಂದಿದ್ದು, ಇದನ್ನು ಪಡೆಯುವ ಆಸೆಗೆ ಈವರೆಗೆ 65 ಸಾವಿರ ರೂ. ಕಳೆದುಕೊಂಡಿದ್ದಾರೆ.

ರಂಗನಾಥ್​ ಅವರ ಮನೆ ವಿಳಾಸಕ್ಕೆ ಪ್ರತಿಷ್ಠಿತ ಕಂಪನಿಯೊಂದರ ಹೆಸರಲ್ಲಿ ಕೂಪನ್​ ಬಂದಿದ್ದು, ನಂತರ ಮೊಬೈಲ್​ ಸಂಖ್ಯೆ 9355059216 ನಿಂದ ಕರೆ ಮಾಡಿ 'ನಿಮಗೆ ಕೂಪನ್​ ಮೂಲಕ ಬಂದಿರುವ 12.50 ಲಕ್ಷ ರೂಪಾಯಿ ವರ್ಗಾಯಿಸಲು ಜಿಎಸ್​ಟಿ ಹಣ ಪಾವತಿಸಬೇಕು. ಆಗ ನಿಮಗೆ ಹಣ ವರ್ಗಾಯಿಸಲು ಸಾಧ್ಯ'ವೆಂದು ಪುಸಲಾಯಿಸಲಾಗಿದೆ.

ಅದನ್ನು ನಂಬಿ ದೇವನಹಳ್ಳಿಯ ಎಸ್​ಬಿಎಂ ಶಾಖೆ ಖಾತೆ ಸಂಖ್ಯೆ 38500334422 ಹಾಗೂ 36049406861 ಗಳಿಗೆ ಹಂತ ಹಂತವಾಗಿ ಒಟ್ಟು 50,000 ರೂಪಾಯಿಯನ್ನು ರಂಗನಾಥ್​ ವರ್ಗಾಯಿಸಿದ್ದಾರೆ. ಆ ಬಳಿಕ 15,000 ರೂಪಾಯಿಯನ್ನು ಯುಪಿಐ ಟ್ರಾನ್ಸ್​ಫರ್​ ಮಾಡಿದ್ದಾರೆ. ಇಷ್ಟಕ್ಕೆ ಸುಮ್ಮನಾಗದ ವಂಚಕರು, ಬೇರೆ ಬೇರೆ ಸಂಖ್ಯೆಯಿಂದ ಕರೆ ಮಾಡಿ ಹಣಕ್ಕಾಗಿ ಬೇಡಿಕೆ ಇಟ್ಟಿದ್ದಾರೆ. ಕೊನೆಗೆ ರಂಗನಾಥ್​ ಸೈಬರ್​ ಕ್ರೈಂ ಠಾಣೆ ಮೆಟ್ಟಿಲೇರಿದ್ದು, ಪ್ರಕರಣ ದಾಖಲಾಗಿದೆ.

https://www.vijayavani.net/a-bidadi-ramanagar-grandmother-fake-document-bank-money/

https://www.vijayavani.net/a-newly-married-woman-death-case-in-nanjanagudu/

https://www.vijayavani.net/a-addition-of-acb-to-lokayukta-high-courts-important-order/