ನವದೆಹಲಿ: ಅನೇಕ ಸಂಸ್ಕೃತಿಗಳಲ್ಲಿ ಮದುವೆಗೆ ತನ್ನದೇಯಾದ ಮೌಲ್ಯವಿದೆ. ಇದು ಓರ್ವ ವ್ಯಕ್ತಿಯ ಜೀವಮಾನದ ಬದ್ಧತೆಯಾಗಿ ಕಂಡುಬರುತ್ತದೆ. ಮದುವೆಯಾದ ಬಳಿಕ ಕೆಲವರು ಸಂತೋಷದ ಜೀವನ ಸಾಗಿಸಿದರೆ, ಇನ್ನು ಕೆಲವರು ಮೋಸ, ಕೌಟುಂಬಿಕ ಹಿಂಸೆ, ಅವಮಾನದಂತಹ ಹಲವಾರು ಸಮಸ್ಯೆಗಳನ್ನು ಎದುರಿಸುತ್ತಾರೆ. ಆದಾಗ್ಯೂ ಸಮಾಜ ಏನು ಹೇಳುತ್ತದೆ ಎಂಬ ಭಯದಿಂದ ವೈವಾಹಿಕ ಜೀವನದಲ್ಲಿ ಎಷ್ಟೇ ಸಮಸ್ಯೆಗಳು ಎದುರಾದರೂ ಒಟ್ಟಿಗೆ ಇರುತ್ತಾರೆ. ಆದರೆ, ಅದೆಲ್ಲವನ್ನು ದಾಟಿ, ತಮ್ಮ ಉತ್ತಮ ಭವಿಷ್ಯಕ್ಕಾಗಿ ವಿಚ್ಛೇದನ ತೆಗೆದುಕೊಳ್ಳಲು ಕೆಲವರು ಮುಂದಾಗುತ್ತಾರೆ. ಆದರೆ, 56 ವರ್ಷದ ನಂತರ ಈ ವಿಚ್ಛೇದನ ನಿರ್ಧಾರ ತೆಗೆದುಕೊಳ್ಳುವವರು ತೀರಾ ಕಡಿಮೆ ಎಂದು ಹೇಳಬಹುದು.
