4,4,6,6,6,4 ಟ್ರಾವಿಸ್​ ಹೆಡ್​ ಬಿರುಸಿನ ಆಟಕ್ಕೆ ಬೆಚ್ಚಿದ ಆಂಗ್ಲರು; ಇಲ್ಲಿದೆ ನೋಡಿ ವೈರಲ್​ ವಿಡಿಯೋ

ಸೌಥಂಪ್ಟನ್: ಇಲ್ಲಿನ ರೋಸ್​ ಬೌಲ್​ ಕ್ರೀಡಾಂಗಣದಲ್ಲಿ ಆಸ್ಟ್ರೇಲಿಯಾ ಹಾಗೂ ಇಂಗ್ಲೆಂಡ್​ ನಡುವೆ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಪ್ರವಾಸಿ ತಂಡವು ಆತಿಥೇಯರ ವಿರುದ್ಧ 28 ರನ್​ಗಳ ಜಯ ಸಾಧಿಸಿದ್ದು, ಆರಂಭಿಕ ಟ್ರಾವಿಸ್​ ಹೆಡ್​ ಸಿಡಿಲಬ್ಬರದ ಬ್ಯಾಟಿಂಗ್​ ಫಲವಾಗಿ ಇದು ಸಾಧ್ಯವಾಯಿತು ಎಂದರೆ ತಪ್ಪಾಗಲಾರದು.

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಆಸ್ಟ್ರೇಲಿಯಾ ತಂಡವು ಆರಂಭಿಕರಾದ ಟ್ರಾವಿಸ್ ಹೆಡ್ ಹಾಗೂ ಮ್ಯಾಥ್ಯೂ ಶಾರ್ಟ್ ಸ್ಪೋಟಕ ಆರಂಭ ಒದಗಿಸಿದರು. ಮೊದಲ ಓವರ್​ನಿಂದಲೇ ಅಬ್ಬರಿಸಲಾರಂಭಿಸಿದ ಹೆಡ್ ಸಿಕ್ಸ್​-ಫೋರ್​ಗಳ ಸುರಿಮಳೆಗೈದರು. ಪವರ್​ಪ್ಲೇನ 5ನೇ ಓವರ್​ನಲ್ಲಿ ಅಬ್ಬರಿಸಿದ ಹೆಡ್​ ಒಂದೇ ಓವರ್​ನಲ್ಲಿ ಸರಿಸುಮಾರು 30 ರನ್​ ಗಳಿಸಿದರು.  ಈ ಸಿಡಿಲಬ್ಬರದ ಬ್ಯಾಟಿಂಗ್​ ನೆರವಿನಿಂದ ಟ್ರಾವಿಸ್ ಹೆಡ್ ಕೇವಲ 19 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು.

ಕ್ರೀಸ್​ನಲ್ಲಿ ಇದ್ದಷ್ಟು ಸಮಯ ಇಂಗ್ಲೆಂಡ್​ ಬೌಲರ್​ಗಳಿಗೆ ತಲೆನೋವಾಗಿ ಪರಿಣಮಿಸಿದ್​ ಹೆಡ್​ 23 ಎಸೆತಗಳಲ್ಲಿ 4 ಭರ್ಜರಿ ಸಿಕ್ಸ್ ಹಾಗೂ 8 ಫೋರ್​ಗಳೊಂದಿಗೆ 59 ರನ್​ ಗಳಿಸಿದರು. 180 ರನ್​ಗಳ ಗುರಿ ಪಡೆದ ಇಂಗ್ಲೆಂಡ್ ತಂಡವು ನಿರೀಕ್ಷಿತ ಆರಂಭ ಪಡೆಯದ ಹೊರತಾಗಿ 19.2 ಓವರ್​ಗಳಲ್ಲಿ 151 ರನ್​ಗಳಿಸಿ ಆಲೌಟ್ ಆಯಿತು. ಈ ಮೂಲಕ ಮೂರು ಪಂದ್ಯಗಳ ಟಿ20 ಸರಣಿಯ ಮೊದಲ ಮ್ಯಾಚ್​ನಲ್ಲಿ ಆಸ್ಟ್ರೇಲಿಯಾ ತಂಡವು 28 ರನ್​ಗಳ ಜಯ ಸಾಧಿಸಿದೆ.

https://www.vijayavani.net/three-killed-in-hit-and-run-case

https://www.vijayavani.net/jeet-pakki-samjho-vinesh-phogat-files-nomination-from-julana-for-haryana-polls-after-joining-congress-video

https://www.vijayavani.net/will-devara-break-the-rajamouli-curse