3.8 ಲಕ್ಷ ಗಿಡಗಳು ನಾಟಿಗೆ ಸಿದ್ಧ: ರಿಯಾಯಿತಿ ದರದಲ್ಲಿ ಮಾರಾಟ ; ಅರಣ್ಯ ಇಲಾಖೆ ಸಹಕಾರ

ನರೇಂದ್ರ ಎಸ್.ಮರಸಣಿಗೆ

ಮುಂಗಾರು ಮಳೆ ಉತ್ತಮವಾಗಿ ಸುರಿಯುತಿದ್ದು, ಗಿಡಗಳನ್ನು ನೆಡಲು ಅರಣ್ಯ ಇಲಾಖೆ ಸಜ್ಜಾಗಿದೆ. ಈ ಬಾರಿ ಕುಂದಾಪುರ ವಲಯದ ವತಿಯಿಂದ 3,80,000 ಗಿಡಗಳು ನಾಟಿಗೆ ತಯಾರಾಗಿದೆ. ಹೆಬ್ರಿ ಪ್ರಾದೇಶಿಕ ಅರಣ್ಯ ಗಿಡಗಳನ್ನು ನೆಡಲಾಗಿದೆ. ಸರ್ಕಾರಿ ಕಚೇರಿ, ಸರ್ಕಾರಿ ಜಾಗ, ರಾಷ್ಟ್ರೀಯ ಹೆದ್ದಾರಿ ಸಾಗುವ ರಸ್ತೆ ಇಕ್ಕೆಲ, ಮಡಾಮಕ್ಕಿ, ಕುಚ್ಚೂರು ಬೆಳ್ವೆ ರಾಜ್ಯ ಹೆದ್ದಾರಿ, ಜಿಪಂ ರಸ್ತೆ, ಹಾಗೂ ಲೋಕೋಪಯೋಗಿ ಇಲಾಖೆ ರಸ್ತೆಗಳ ಪಕ್ಕದಲ್ಲಿ ಗಿಡ ನೆಡಲು ಯೋಜನೆ ರೂಪಿಸಲಾಗಿದೆ. 4000 ಗಿಡಗಳನ್ನು ಅರಣ್ಯ ಇಲಾಖೆ ನೆಟ್ಟಿದ್ದು, ಉಳಿದ 6000 ಗಿಡ ಸಾರ್ವಜನಿಕ ವಿತರಣೆಗೆ ವಿತರಿಸಲು ಯೋಜನೆ ಹಾಕಿಕೊಳ್ಳಲಾಗಿದೆ.

ಬೈಂದೂರು 46320, ಕುಂದಾಪುರ 40720, ಶಂಕರನಾರಾಯಣ 68466, ಉಡುಪಿ 42240, ಹೆಬ್ರಿ 16100, ಕಾರ್ಕಳ 79489, ಮೂಡುಬಿದಿರೆ 59124, ವೇಣೂರು 26840 ವಲಯದಲ್ಲಿ 79299 ಸಸಿ ಬೆಳೆಯಲಾಗಿದೆ.

ಹಣ್ಣಿನ ಗಿಡಗಳ ನಾಟಿ

ಮಂಗಗಳು ಹಾಗೂ ಇತರ ಪ್ರಾಣಿಗಳನ್ನು ಗಮನದಲ್ಲಿಟ್ಟುಕೊಂಡು ಅವುಗಳ ರುಚಿಗೆ ಹೊಂದಿಕೊಂಡಂತೆ ತಾರೆ ಹಣ್ಣು, ಕಾಯಿದೂಪ, ಪೇರಳೆ, ಮಾವು, ಹಲಸು, ಹೆಬ್ಬಲಸು, ಹತ್ತಿ, ನೆಲ್ಲಿಕಾಯಿ, ನೇರಳೆ ಹಣ್ಣುಗಳ ಗಿಡ ನಾಟಿ ಮಾಡಲಾಗಿದೆ. ನಾಡಿಗೆ ಬರುವ ಮಂಗಗಳ ಹಾವಳಿ ಕೂಡ ಇದರಿಂದ ತಡೆಯಬಹುದು.ವಿವಿಧ ಜಾತಿಯ ಸಸಿಗಳು ಸಾರ್ವಜನಿಕರಿಗೆ, ರೈತರಿಗೆ ಸರ್ಕಾರದ ರಿಯಾಯಿತಿ ದರ 3 ಮತ್ತು 6 ರೂ.ಗಳಲ್ಲಿ ಮಾರಾಟಕ್ಕೆ ಮಾಡಲಾಗುತ್ತಿದೆ.

ಲಭ್ಯವಿರುವ ಸಸಿಗಳು

ಧೂಪ, ಕಿರಾಲುಬೋಗಿ, ಹೊಳೆಮತ್ತಿ, ಹಲಸು, ಹೆಬ್ಬೆಲಸು, ಮಾವು, ಮಹಾಗನಿ, ಹೊಳೆ ದಾಸವಾಳ, ಬಾದಾಮಿ, ನೇರಳೆ, ನೆಲ್ಲಿ, ಸಂಪಿಗೆ, ಹೊನ್ನೆ, ರಾಮಪತ್ರೆ, ಗಾಳಿ, ಸೀತಾಫಲ, ಸಾಗುವಾನಿ, ಮುತ್ತುಗ, ಪುನರ್ಪುಳಿ, ಶ್ರೀಗಂಧ, ರಕ್ತ ಚಂದನ, ರೇಂಜ, ಗುಳಮಾವು, ಬಿಲ್ವಪತ್ರೆ, ಮತ್ತಿ, ಹುಣಸೆ, ಬೀಟೆ, ದಾಲ್ಚಿನಿ ಜಾತಿ ಗಿಡ ದೊರೆಯುತ್ತದೆ.

ಪೋಷಣೆಗೆ ಪೋತ್ಸಾಹಧನ

ಗಿಡ ನೆಟ್ಟು ಬರ ದೂರ ಮಾಡಿಕೊಳ್ಳುಲು ಅರಣ್ಯ ಇಲಾಖೆ ಗಿಡನೆಡಲು ಸಾರ್ವಜನಿಕರಿಗೆ ಸಹಕಾರ ನೀಡಲು ಮುಂದಾಗಿದೆ. ಈಗಾಗಲೇ ಇಲಾಖೆ ಸ್ವಇಚ್ಛೆಯಿಂದ ಗಿಡ ನೆಡುವುದಾದರೆ ನರೇಗಾ ಯೋಜನೆ ಸಹಕಾರ ಪಡೆಯಬಹುದು. ಅದರಲ್ಲೂ ಅರಣ್ಯ ಇಲಾಖೆ ಗಿಡನೆಟ್ಟು ಪೋಷಿಸಿದರೆ ಗಿಡವೊಂದಕ್ಕೆ 120 ರೂ. ಪ್ರೋತ್ಸಾಹಧನ ನೀಡುತ್ತಿದೆ. ಗಿಡನೆಟ್ಟು ಬರ ದೂರ ಮಾಡುವುದೆ ಅರಣ್ಯ ಇಲಾಖೆ ಉದ್ದೇಶವಾಗಿದೆ.

https://www.vijayavani.net/home-environmental-cleanliness-is-a-priority

https://www.vijayavani.net/disruption-of-pipeline-work