ಸ್ಟಾರ್ ಇಂಡಿಯಾ ಮತ್ತು ಸೋನಿ ನೆಟ್ವರ್ಕ್ ಈ ಹಿಂದಿನಿಂದಲೂ ಐಪಿಎಲ್ ಪ್ರಸಾರ ಹಕ್ಕಿನ ಖರೀದಿಗೆ ನಿಕಟ ಪೈಪೋಟಿ ನಡೆಸುತ್ತಿದ್ದವು. 2008ರಿಂದ 2017ರವರೆಗೆ ಸೋನಿ ವಶದಲ್ಲಿದ್ದ ಹಕ್ಕು, 2018ರಲ್ಲಿ ಸ್ಟಾರ್ಗೆ ಒಲಿದಿತ್ತು. ಈ ಬಾರಿ ರಿಲಯನ್ಸ್ (ವಿಯಾಕಾಮ್18) ಮತ್ತು ಅಮೆಜಾನ್ ಕೂಡ ಐಪಿಎಲ್ ಪ್ರಸಾರ ಹಕ್ಕು ಖರೀದಿಗೆ ಭಾರಿ ಪೈಪೋಟಿ ಒಡ್ಡಲು ಸಜ್ಜಾಗಿವೆ. ರಿಲಯನ್ಸ್ ಹೊಸ ಕ್ರೀಡಾ ಚಾನಲ್ ಆರಂಭಿಸುವ ಸಿದ್ಧತೆಯಲ್ಲಿದ್ದು, ಅದಕ್ಕೆ ಐಪಿಎಲ್ ಪ್ರಸಾರ ಹಕ್ಕು ದೊಡ್ಡ ಮಾರುಕಟ್ಟೆ ತಂದುಕೊಡಲಿದೆ. ಇನ್ನು ಒಟಿಟಿ ಕಂಪನಿ ಅಮೆಜಾನ್ ಪ್ರೈಮ್ಗೂ ಭಾರತದಲ್ಲಿ ಬಳಕೆದಾರರ ಸಂಖ್ಯೆ ಹಿಗ್ಗಿಸಲು ಐಪಿಎಲ್ ದೊಡ್ಡ ಅಸವಾಗಲಿದೆ. ಆದರೆ ಟಿವಿಯಲ್ಲೂ ಐಪಿಎಲ್ ಪ್ರಸಾರವಾಗಬೇಕೆಂದು ಬಿಸಿಸಿಐ ಬಯಸುವುದರಿಂದ ಅಮೆಜಾನ್, ಟಿವಿ ಚಾನಲ್ ಒಂದರ ಜತೆಗೂ ಪಾಲುದಾರಿಕೆ ಹೊಂದುವುದು ಅಗತ್ಯವಾಗಿದೆ. ಇತ್ತ ಸ್ಟಾರ್ಗೂ ಭಾರತದಲ್ಲಿ ಡಿಸ್ನಿ-ಹಾಟ್ಸ್ಟಾರ್ ಬಳಕೆದಾರರನ್ನು ಸೆಳೆಯಲು ಐಪಿಎಲ್ ಪ್ರಮುಖ ಅಸ ಎಂಬುದು ಈಗಾಗಲೆ ಸಾಬೀತಾಗಿದೆ. ಹೀಗಾಗಿ ಅದೂ ಹಕ್ಕು ಬಿಟ್ಟುಕೊಡಲು ಸಿದ್ಧವಿಲ್ಲ. ಇನ್ನು ಸೋನಿ ಸಂಸ್ಥೆ ಈಗ ಝೀ ಎಂಟರ್ಟೈನ್ಮೆಂಟ್ ಎಂಟರ್ಪ್ರೈಸಸ್ ಜತೆಗೆ ವಿಲೀನವಾಗಿದ್ದು, ಐಪಿಎಲ್ ಹಕ್ಕು ಮರಳಿ ಪಡೆಯಲು ದೊಡ್ಡ ಮೊತ್ತದ ಬಿಡ್ ಯೋಜನೆಯಲ್ಲಿದೆ.
