ವಿಷಾಹಾರ ಸೇವಿಸಿ ಅನಾಥಾಶ್ರಮದಲ್ಲಿ ಇಬ್ಬರು ಮಕ್ಕಳು ಸಾವು: 16 ಮಕ್ಕಳ ಸ್ಥಿತಿ ಚಿಂತಾಜನಕ...orphanage

ಉತ್ತರ ಪ್ರದೇಶ: ( orphanage )  ಅನಾಥಾಶ್ರಮದಲ್ಲಿ ವಿಷಾಹಾರ ಸೇವಿಸಿ ಇಬ್ಬರು ಮಕ್ಕಳು ಸಾವನ್ನಪ್ಪಿದ್ದು, ಹತ್ತಾರು ಮಕ್ಕಳು ಅಸ್ವಸ್ಥರಾಗಿದ್ದು, 16 ಮಕ್ಕಳು ಇನ್ನೂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಘಟನೆ ಲಕ್ನೋದಲ್ಲಿ ನಡೆದಿದೆ.

ಮಾರ್ಚ್ 23 ರ ರಾತ್ರಿ ಅನಾಥಾಶ್ರಮದ ಕೇಂದ್ರದಲ್ಲಿ ಆಹಾರ ಸೇವಿಸಿದ ನಂತರ ಸುಮಾರು 20 ಮಕ್ಕಳು ಅಸ್ವಸ್ಥರಾದಾಗ ಆಹಾರ ವಿಷದ ಘಟನೆ ಬೆಳಕಿಗೆ ಬಂದಿತು.ವಾಂತಿ ಮತ್ತು ಹೊಟ್ಟೆ ನೋವು ಕಾಣಿಸಿಕೊಂಡ ನಂತರ ಮಕ್ಕಳನ್ನು ಆಸ್ಪತ್ರೆಗೆ ದಾಖಲಿಸಲಾಯಿತ್ತು.  ಇಬ್ಬರು ಮಕ್ಕಳು ಪ್ರಾಣ ಕಳೆದುಕೊಂಡರು, ಆದರೆ 16 ಮಕ್ಕಳು ಇನ್ನೂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಪ್ರಾಥಮಿಕ ವರದಿಗಳ ಪ್ರಕಾರ, ಮಕ್ಕಳು ಖಿಚಡಿ ಮತ್ತು ಮೊಸರು ಸೇವಿಸಿದ ನಂತರ ಅಸ್ವಸ್ಥರಾದರು. ಪ್ರಾಥಮಿಕವಾಗಿ, ಕೇಂದ್ರದ ನಿರ್ಲಕ್ಷ್ಯವೇ ಅನಾಥ ಮಕ್ಕಳ ದುರಂತ ಸಾವಿಗೆ ಕಾರಣವೆಂದು ತೋರುತ್ತದೆ. ಈ ಘಟನೆಯ ಬಗ್ಗೆ ಸ್ಥಳೀಯ ಅಧಿಕಾರಿಗಳು ತನಿಖೆ ನಡೆಸುವಂತೆ ಸೂಚಿಸಿದ್ದಾರೆ.

ಕಾರಣವನ್ನು ನಿರ್ಧರಿಸಲು ಲಕ್ನೋ ಜಿಲ್ಲಾ ಮ್ಯಾಜಿಸ್ಟ್ರೇಟ್ ಸಮಿತಿಯನ್ನು ರಚಿಸಿದ್ದಾರೆ. ಆರೋಗ್ಯ ಇಲಾಖೆ ಮತ್ತು ಆಹಾರ ಸುರಕ್ಷತಾ ಇಲಾಖೆಯ ಅಧಿಕಾರಿಗಳು ಬಾಧಿತ ಮಕ್ಕಳನ್ನು ಭೇಟಿಯಾದರು.  ಆಹಾರ ಮಾದರಿಗಳನ್ನು ತೆಗೆದುಕೊಂಡಿತು. ತನಿಖಾ ವರದಿಯ ಆಧಾರದ ಮೇಲೆ ಕ್ರಮ ಕೈಗೊಳ್ಳಲಾಗುತ್ತದೆ.