VIDEO| ಒಂದು ಎಸೆತದಲ್ಲಿ 18 ರನ್​! ತಮಿಳುನಾಡು ಪ್ರೀಮಿಯರ್​ ಲೀಗ್​ನಲ್ಲಿ ಇತಿಹಾಸ ಸೃಷ್ಟಿ, ವಿಡಿಯೋ ವೈರಲ್​

ಚೆನ್ನೈ: 2023ನೇ ಸಾಲಿನ ತಮಿಳುನಾಡು ಪ್ರೀಮಿಯರ್​ ಲೀಗ್​ (ಟಿಎನ್​ಪಿಎಲ್​)ನಲ್ಲಿ ಚೆಪಾಕ್​ ಸೂಪರ್​ ಗಿಲ್ಲೀಸ್​ ಮತ್ತು ಸೇಲಂ ಸ್ಪಾರ್ಟನ್ಸ್​ ನಡುವಿನ ಪಂದ್ಯದಲ್ಲಿ ಹುಬ್ಬೇರಿಸುವ ದಾಖಲೆಯೊಂದು ಸೃಷ್ಟಿಯಾಗಿದೆ. ಸೇಲಂ ಸ್ಪಾರ್ಟನ್ಸ್​ ತಂಡದ ನಾಯಕ ಅಭಿಷೇಕ್​ ತನ್ವಾರ್​ ಇನ್ನಿಂಗ್ಸ್​ನ​ ಕೊನೆಯ 20ನೇ ಓವರ್​ನ ಅಂತಿಮ ಎಸೆತದಲ್ಲಿ ಚೆಪಾಕ್​ ಸೂಪರ್​ ಗಿಲ್ಲೀಸ್​ ತಂಡಕ್ಕೆ 18 ರನ್​ ಬಿಟ್ಟುಕೊಡುವ ಮೂಲಕ ಕಳಪೆ ಸಾಧನೆಗೆ ಗುರಿಯಾಗಿದ್ದಾರೆ.

2022ನೇ ಸಾಲಿನ ಟಿಎನ್​ಪಿಎಲ್​ನಲ್ಲಿ ಅತ್ಯಧಿಕ ವಿಕೆಟ್​ ಪಡೆದ ಬೌಲರ್​ ಎಂಬ ಹೆಗ್ಗಳಿಕೆ ಹೊಂದಿರುವ ತನ್ವಾರ್​, 2023ನೇ ಸಾಲಿನ ಟೂರ್ನಿಯಲ್ಲಿ ಸೂಪರ್​ ಗಿಲ್ಲಿಸ್​ ತಂಡದ ಎದುರು ಕೊನೆಯ ಎಸೆತ ಎಸೆಯಲು ಪರದಾಡಿದರು. ಇದರ ಪರಿಣಾಮ ಒಂದು ಎಸೆತದಲ್ಲಿ ಬರೋಬ್ಬರಿ 18 ರನ್​ ನೀಡಿದರು. ಈ ಮೂಲಕ ಸೂಪರ್​ ಗಿಲ್ಲೀಸ್​ ತಂಡ ಕೊನೆಯ ಓವರ್​ನಲ್ಲಿ 26 ರನ್​ಗಳೊಂದಿಗೆ 5 ವಿಕೆಟ್​ ನಷ್ಟಕ್ಕೆ 217 ರನ್​ಗಳ ಬೃಹತ್​ ಗುರಿಯನ್ನು ಕಲೆಹಾಕಿದರು.

19.5 ಓವರ್​ನಲ್ಲಿ ತನ್ವಾರ್​ ಎಸೆದ ಕೊನೆಯ ಬಾಲ್​ನಲ್ಲಿ ವಿಕೆಟ್​ ಬಿದ್ದಿತ್ತು. ಆದರೆ, ಅದು ನೋಬಾಲ್​ ಆಯಿತು. ನಂತರ ಫ್ರೀ ಹಿಟ್​ ಬಾಲ್​ನಲ್ಲಿ ಎದುರಾಳಿ ತಂಡದ ಬ್ಯಾಟರ್​ ಸಿಕ್ಸರ್​ ಬಾರಿಸಿದರು. ಆದರೆ, ಅದು ಕೂಡ ನೋಬಾಲ್​ ಆಯಿತು. ಅಲ್ಲಿಗೆ ಗಿಲ್ಲೀಸ್​ ತಂಡಕ್ಕೆ 8 ರನ್ ಸಿಕ್ಕಿತು ಮತ್ತು ಒಂದು ಎಸೆತ ಹಾಗೇ ಬಾಕಿ ಉಳಿದಿತ್ತು. ಆನಂತರ ಎಸೆದ ಎಸೆತವು ಸಹ ನೋ ಬಾಲ್​ ಆಯಿತು ಮತ್ತು ಬ್ಯಾಟರ್​ಗಳು ಎರಡು ರನ್​ ಗಳಿಸಿದರು. ಅಲ್ಲಿಗೆ ತಂಡದ ಮೊತ್ತ 11 ರನ್​ ಆಯಿತು. ನಂತರ ಎಸೆದ ಚೆಂಡು ವೈಡ್​ ಆಯಿತು. ಮತ್ತೊಂದು ರನ್​ ಉಚಿತ ಸೇರ್ಪಡೆಯಾಗಿ 12 ರನ್​ ಆಯಿತು. ಅಂತಿಮವಾಗಿ ಎಸೆದ ಎಸೆತ ಸರಿಯಾಗಿತ್ತು. ಆದರೆ, ಬ್ಯಾಟರ್​ ಆ ಚೆಂಡನ್ನು ಗಾಳಿಯಲ್ಲಿ ಬೌಂಡರಿ ಗೆರೆ ದಾಟಿಸಿದರು. ಅಲ್ಲಿಗೆ ಒಂದು ಎಸೆತದಲ್ಲಿ ಒಟ್ಟು 18 ರನ್​ ಬಂದಂತಾಯಿತು.

ಇದನ್ನೂ ಓದಿ: ಆನ್​ಲೈನ್​ ಜಾಬ್​ ಇಂಟರ್ವ್ಯೂವ್ ಹಿಂದೆ ಗೋಮುಖ ವ್ಯಾಘ್ರಗಳು: ಸ್ವಲ್ಪ ಯಾಮಾರಿದ್ರು ನರಕಯಾತನೆ ಫಿಕ್ಸ್​! ​

ಇದು ಕ್ರಿಕೆಟ್​ ಇತಿಹಾಸದಲ್ಲೇ ಅತ್ಯಂತ ದುಬಾರಿ ಎಸೆತ ಎಂಬ ಹೆಸರಿಗೆ ಭಾಜನವಾಗಿದೆ. ಈ ಬಗ್ಗೆ ಮಾತನಾಡಿರುವ ತನ್ವಾರ್​, ಕೊನೆಯ ಓವರ್‌ನ ಹೊಣೆಯನ್ನು ನಾನೇ ಹೊರಬೇಕಾಗಿದೆ. ಹಿರಿಯ ಬೌಲರ್ ಆಗಿ, ನಾಲ್ಕು ನೋ-ಬಾಲ್‌ ಎಸೆದಿದ್ದು ನಿರಾಶಾದಾಯಕವಾಯಿತು. ಇಲ್ಲಿ ಗಾಳಿಯು ದೊಡ್ಡ ಪಾತ್ರವನ್ನು ವಹಿಸಿತು ಎಂದು ಪಂದ್ಯದ ನಂತರ ಹೇಳಿದರು.

ಪಂದ್ಯದ ಫಲಿತಾಂಶ ವಿಚಾರಕ್ಕೆ ಬಂದರೆ, ಗಿಲ್ಲೀಸ್​ ತಂಡ ನೀಡಿದ್ದ 217 ರನ್​ ಗುರಿ ಬೆನ್ನತ್ತಿದ ಸ್ಪಾರ್ಟನ್ಸ್​ ತಂಡ 9 ವಿಕೆಟ್​ಗೆ 165 ರನ್​ ಗಳಿಸಿ, 52 ರನ್​ ಅಂತರದಲ್ಲಿ ಪಂದ್ಯವನ್ನು ಕೈಚೆಲ್ಲಿತು. (ಏಜೆನ್ಸೀಸ್​)

https://www.vijayavani.net/over-100-people-end-their-life-after-boat-capsizes-in-nigeria

https://www.vijayavani.net/bjp-outrage-against-congress-govt