ಮಗಳ ಮದುವೆಗಾಗಿ 16 ಲಕ್ಷ ಸಾಲ ಮಾಡಿ ಬೀದಿಗೆ ಬಿದ್ದ ದಂಪತಿ: ಸಹಾಯ ಕೇಳಿದ್ರೆ ತಿರುಗಿ ನೋಡದ ಪುತ್ರಿ! Daughter Wedding

Daughter Wedding : ಮಗಳ ಅದ್ಧೂರಿ ಮದುವೆಗಾಗಿ ಬ್ಯಾಂಕ್​ನಿಂದ ಪಡೆದ ಸಾಲವನ್ನು ಮರುಪಾವತಿಸಲು ಸಾಧ್ಯವಾಗದೆ ಕುಟುಂಬವೊಂದು ಸಂಕಷ್ಟದಲ್ಲಿದೆ.

ಕೇರಳದ ನೀಲೇಶ್ವರದ ಪಲ್ಲಿಕ್ಕರದ ಮುಂಡೇಮಾಡದಲ್ಲಿರುವ ಪದ್ಮನಾಭನ್ ದೇವಿ ಮತ್ತು ಅವರ ಪತ್ನಿಯ ಮನೆ ಮತ್ತು ಭೂಮಿಯನ್ನು ಬ್ಯಾಂಕ್ ವಶಪಡಿಸಿಕೊಂಡಿದೆ. ಅಲ್ಲದೆ, ದಂಪತಿ ವಾಸಿಸುತ್ತಿರುವ ಶೆಡ್ ಅನ್ನು ಸಹ ಖಾಲಿ ಮಾಡುವಂತೆ ಬ್ಯಾಂಕ್ ಅಲ್ಟಿಮೇಟಮ್ ನೀಡಿದೆ.

70 ವರ್ಷದ ಪದ್ಮನಾಭನ್ 2015ರಲ್ಲಿ ತಮ್ಮ ಮನೆ ಮತ್ತು ಭೂಮಿಯನ್ನು ಅಡವಿಟ್ಟು ನೀಲೇಶ್ವರಂ ಯೂನಿಯನ್ ಬ್ಯಾಂಕಿನಿಂದ 16 ಲಕ್ಷ ರೂ. ಸಾಲ ಪಡೆದಿದ್ದರು. ಈ ಸಾಲವನ್ನು ತಮ್ಮ ಮಗಳು ಸಜಿತಾಳ ಮದುವೆ ಮತ್ತು ಮನೆ ನವೀಕರಣಕ್ಕಾಗಿ ತೆಗೆದುಕೊಳ್ಳಲಾಗಿತ್ತು. ಈಗಾಗಲೇ 13 ಲಕ್ಷ ರೂ. ಮರುಪಾವತಿಸಲಾಗಿದೆ. ಕೋವಿಡ್ ಅವಧಿಯಲ್ಲಿ ಅವರ ಮಗ ಕೆಲಸ ಕಳೆದುಕೊಂಡಾಗ ಮರುಪಾವತಿ ವಿಳಂಬವಾಯಿತು.

2023ರಲ್ಲಿ ಬ್ಯಾಂಕ್ ಮನೆಯನ್ನು ವಶಪಡಿಸಿಕೊಂಡಿತು. ನಂತರ ದಂಪತಿ ತಮ್ಮ ಹೊಲದಲ್ಲಿ ಟಾರ್ಪಲ್ ಮುಚ್ಚಿದ ಗುಡಿಸಲಿನಲ್ಲಿ ವಾಸಿಸುತ್ತಿದ್ದರು. ಈಗ ಬ್ಯಾಂಕ್ ನೌಕರರು ಆ ಸ್ಥಳವನ್ನು ಖಾಲಿ ಮಾಡಲು ದಂಪತಿಗೆ ಅಲ್ಟಿಮೇಟಮ್ ನೀಡಿದ್ದಾರೆ. ಬ್ಯಾಂಕಿಗೆ ಸುಮಾರು 25 ಲಕ್ಷ ರೂ.ಗಳನ್ನು ಬಾಕಿ ಪಾವತಿಸಬೇಕಾಗಿದೆ. ತಮ್ಮ ಜೀವನವನ್ನು ಕೊನೆಗೊಳಿಸುವುದನ್ನು ಬಿಟ್ಟು ಬೇರೆ ದಾರಿಯಿಲ್ಲ ಎಂದು ಕುಟುಂಬ ಹೇಳುತ್ತಿದೆ.

ಇದನ್ನೂ ಓದಿ: ಶುಕ್ರ ಗ್ರಹದಲ್ಲಿನ ಬದಲಾವಣೆಯಿಂದಾಗಿ ಜುಲೈ ತಿಂಗಳಲ್ಲಿ ಈ 3 ರಾಶಿಯವರಿಗೆ ಅದೃಷ್ಟವೋ ಅದೃಷ್ಟ: ಆರ್ಥಿಕ ಸಮಸ್ಯೆ ದೂರ! Astrology

ಸಾಲ ಮರುಪಾವತಿಸಲು ಸಹಾಯ ಮಾಡುವಂತೆ ತಮ್ಮ ಮಗಳು ಸಜಿತಾಳನ್ನು ಸಂಪರ್ಕಿಸಿದೆವು ಆದರೆ, ಆಕೆ ನಮ್ಮನ್ನು ತಿರುಗಿ ಸಹ ನೋಡಲಿಲ್ಲ ಎಂದು ದಂಪತಿ ಕಣ್ಣೀರಿಟ್ಟಿದ್ದಾರೆ. ತಮ್ಮ ಮಗಳಿಗೆ ಕಷ್ಟಪಟ್ಟು ದುಡಿದು ಕಲಿಸಿದರು. ಕೆಲಸ ಸಿಕ್ಕ ನಂತರ ತಾಯಿ ಮತ್ತು ತಂದೆಗೆ ಒಂದು ರೂಪಾಯಿಯನ್ನೂ ನೀಡಲಿಲ್ಲ ಎಂದು ತಾಯಿ ದೇವಿ ಹೇಳಿದರು.

ಸಜಿತಾ ಪರಿಯಾರಂ ವೈದ್ಯಕೀಯ ಕಾಲೇಜಿನಲ್ಲಿ ದಂತ ಸಹಾಯಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಅವರ ಹೆಸರಿನಲ್ಲಿರುವ ಸಾಲಕ್ಕೆ ಮನೆಯೇ ಮೇಲಾಧಾರವಾಗಿದೆ. ಬೀದಿ ವ್ಯಾಪಾರಿ ಪದ್ಮನಾಭನ್ ಪ್ರಸ್ತುತ ಅನಾರೋಗ್ಯದ ಕಾರಣ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಅವರ ಮಗ ಆಟೋ ಓಡಿಸುವ ಮೂಲಕ ಗಳಿಸುವ ಆದಾಯದ ಮೇಲೆ ಕುಟುಂಬ ಬದುಕುಳಿಯುತ್ತಿದೆ. ಬ್ಯಾಂಕಿನ ಅಂತಿಮ ಗಡುವಿನೊಂದಿಗೆ, ಕುಟುಂಬವು ಮುಂದೆ ಏನು ಮಾಡಬೇಕೆಂಬುದರ ಬಗ್ಗೆ ತುಂಬಾ ಚಿಂತಿತವಾಗಿದೆ. (ಏಜೆನ್ಸೀಸ್​)

https://www.vijayavani.net/actress-madhubala-daughters-who-left-us-speechless-upon-seeing-them

https://www.vijayavani.net/actor-life-story-actor-mahesh-anand-who-is-completely-immersed-cant-even-afford-to-buy-a-water-bottle