ಶಿರಸಿ: ನಗರದ ಪ್ರತಿಷ್ಠಿತಿ ಅಡಕೆ ವಹಿವಾಟು ಸಂಸ್ಥೆ ಟಿಎಸ್ಎಸ್ ನಲ್ಲಿ ಹಿಂದಿನ ಆಡಳಿತ ಮಂಡಳಿ ಮತ್ತು ಕೆಲ ಸಿಬ್ಬಂದಿಗಳ ಮೇಲೆ 100 ಕೋಟಿ ರೂ. ಅವ್ಯವಹಾರ ನಡೆಸಿದ್ದಾರೆ ಎಂದು ಮಾರುಕಟ್ಟೆ ಠಾಣೆಯಲ್ಲಿ ಪೊಲೀಸ್ ದೂರು ದಾಖಲಾಗಿದೆ.
ಸಂಸ್ಥೆಯ ಹಿಂದಿನ ಕಾರ್ಯಾಧ್ಯಕ್ಷ ರಾಮಕೃಷ್ಣ ಹೆಗಡೆ, ವ್ಯವಸ್ಥಾಪಕ ರವೀಶ ಹೆಗಡೆ, ಮಾಜಿ ಉದ್ಯೋಗಿ ಅನಿಲ ಮುಷ್ಠಗಿ, ಪ್ರವೀಣ ಹೆಗಡೆ ಮತ್ತು ಮಹಾಬಲೇಶ್ವರ ಹೆಗಡೆ ಎಂಬವರ ಮೇಲೆ ಸಂಸ್ಥೆಯ ಪ್ರಭಾರಿ ವ್ಯವಸ್ಥಾಪಕ ವಿಜಯಾನಂದ ಭಟ್ ದೂರು ನೀಡಿದ್ದಾರೆ. ಹಿಂದಿನ ಆಡಳಿತ ಮಂಡಳಿ ಅವಧಿಯಲ್ಲಿ ಅವ್ಯವಹಾರ ನಡೆದಿರುವ ಕುರಿತು ಈಗಾಗಲೇ ಈ ಕೆಲವರ ಮೇಲೆ 5 ದೂರುಗಳು ದಾಖಲಾಗಿದ್ದವು. ಈಗ ಸಂಸ್ಥೆಯಿAದ ಆರನೇ ದೂರು ದಾಖಲಾದಂತಾಗಿದೆ.
2020ರ ಮೇ 5ರಿಂದ 2024ರ ಮೇ 15ದರ ಅವಧಿಯಲ್ಲಿ ಅನಿಲಕುಮಾರ ಮುಷ್ಠಗಿ ಹೆಸರಿನಲ್ಲಿ 44.09 ಕೋಟಿ ರೂ., ಪ್ರವೀಣ ಹೆಗಡೆ ಅವರ ಹೆಸರಿನಲ್ಲಿ 33.66 ಕೋಟಿ ರೂ., ಮಹಾಬಲೇಶ್ವರ ಹೆಗಡೆ ಅವರ ಹೆಸರಿನಲ್ಲಿ 22.88 ಕೋಟಿ ರೂ., ಸಾಲ ನೀಡಲಾಗಿದೆ. ಗರಿಷ್ಠ ಮಿತಿ, ಸೂಕ್ತ ಭದ್ರತೆ ನಿಯಮಗಳನ್ನು ನಿರ್ಲಕ್ಷಿö್ಯಸಿ ಈ ಸಾಲ ನೀಡಲಾಗಿದೆ. ದೊಡ್ಡ ಮೊತ್ತದ ಸಾಲ ನೀಡುವಾಗ ಯಾವುದೇ ಆಸ್ತಿ ಮೌಲ್ಯಮಾಪನ ಅಥವಾ ಕಾನೂನು ಸಲಹೆ ಪಡೆಯದೇ ಸಾಲ ನೀಡಿದ್ದಾರೆ. ಇದರಿಂದಾಗಿ ಸಂಸ್ಥೆಯಲ್ಲಿ 100 ಕೋಟಿ ರೂ.ಗೂ ಅಧಿಕ ಅವ್ಯವಹಾರವಾಗಿದೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ. ಜೂ.4ರಂದು ಈ ದೂರು ಸಲ್ಲಿಕೆಯಾಗಿದೆ.
