ಹಳೇ ಸೊರಬ ಶಾಲೆಗೆ ಡಿಮಾಂಡ್

ರಾಜಕಾರಣಿಗಳ ಶಿಫಾರಸು ಶಾಲೆಯಲ್ಲಿ ತಮ್ಮ ಮಕ್ಕಳಿಗೆ ಸೀಟು ಸಿಗದಿದ್ದರೆ ರಾಜಕಾರಣಿಗಳು, ನಾಯಕರು, ಅಕಾರಿಗಳಿಂದ ಶಿಾರಸು ಮಾಡಿಸಿದ್ದಾರೆ. ಆದರೂ ಸೀಟು ಸಿಕ್ಕಿಲ್ಲ. ಶಾಲೆಗೆ ಎಷ್ಟು ಬೇಡಿಕೆ ಇದೆ ಎಂದರೆ ರಾಜ್ಯದ ಪ್ರಭಾವಿ ರಾಜಕಾರಣಿಯೊಬ್ಬರು ಮುಖ್ಯ ಶಿಕ್ಷಕರಿಗೆ ದೂರವಾಣಿ ಮೂಲಕ ಮಾತನಾಡಿ ಒಂದನೇ ತರಗತಿಗೆ ಒಂದು ಸೀಟು ಅವಕಾಶ ಇದ್ದರೆ ಪರಿಗಣಿಸಿ ಎಂದು ಕೋರಿದ್ದಾರೆ. ಅಲ್ಲದೆ ಸಚಿವರ ವಿಶೇಷ ಅಕಾರ ಪರಿಗಣಿಸಿ ಸೀಟು ನೀಡುವಂತೆ ಒಬ್ಬ ಸಚಿವ ಕೂಡ ಒತ್ತಾಯಿಸಿದ್ದಾರೆ. ಇರುವುದೊಂದೇ ಶೌಚಗೃಹ ಪಟ್ಟಣದ ಹಳೇ ಸೊರಬ ಶಾಸಕರ ಸರ್ಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ (ಪಿಎಂಶ್ರೀ) ಸೀಟಿಗೆ ಬೇಡಿಕೆಯೇನೋ ಇದೆ. ಆದರೆ ಶಾಲೆಯಲ್ಲಿ ಪ್ರತ್ಯೇಕ ಶೌಚಗೃಹ ಇಲ್ಲದಂತಾಗಿದೆ. ಇತ್ತೀಚೆಗೆ ಕಾರಣಾಂತರದಿಂದ ಒಂದನ್ನು ತೆರವು ಮಾಡಿದ್ದರಿಂದ ಬಾಲಕರಿಗೆ ಶೌಚಗೃಹ ಇಲ್ಲದಂತಾಗಿದೆ. 300 ಮಕ್ಕಳಿಗೆ ಒಂದೇ ಶೌಚಗೃಹ ಇರುವುದರಿಂದ ಸಮಸ್ಯೆ ಉಂಟಾಗಿದೆ. ಶೀಘ್ರವೇ ಸೌಲಭ್ಯ ಕಲ್ಪಿಸಬೇಕಾದ ಅನಿವಾರ್ಯತೆಯಿದೆ. ಗಮನಹರಿಸಲಿ ಶಿಕ್ಷಣ ಸಚಿವ ಶಾಲೆಯಲ್ಲಿ ಎಸ್‌ಡಿಎಂಸಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ. ಪದಾಕಾರಿಗಳ ಶ್ರಮವಹಿಸಿ ದಾನಿಗಳು ಹಾಗೂ ಪಾಲಕರಿಂದ ಹಣ ಸಂಗ್ರಹಿಸಿ ತಗಡಿನ ಶೀಟ್ ಅಳವಡಿಸಿ ತಾತ್ಕಾಲಿಕವಾಗಿ ತರಗತಿ ನಡೆಸಲು ಹಾಗೂ ಊಟಮಾಡಲು ವ್ಯವಸ್ಥೆ ಮಾಡಲಾಗಿದೆ. ಬೇಡಿಕೆ ಇರುವ ಶಾಲೆಗೆ ಕೊಠಡಿಗಳು, ಶಿಕ್ಷಕರು, ಶೌಚಗೃಹ, ದಾಸೋಹ ಕೊಠಡಿ, ಮೈದಾನ ಮತ್ತಿತರ ಮೂಲ ಸೌಲಭ್ಯ ಕಲ್ಪಿಸಬೇಕಾದ ಹೊಣೆಗಾರಿಕೆ ಇದೇ ಕ್ಷೇತ್ರದ ಶಾಸಕ, ಶಿಕ್ಷಣ ಸಚಿವರೂ ಆದ ಮಧು ಬಂಗಾರಪ್ಪ ಅವರ ಮೇಲಿದೆ. ಸರ್ಕಾರಿ ಶಾಲೆಯಲ್ಲಿ ಗುಣಮಟ್ಟದ ಶಿಕ್ಷಣ ಸಿಕ್ಕರೆ ಬೇಡಿಕೆ ಹೆಚ್ಚಾಗುವುದು ಸಹಜ. ಅದರಂತೆ ಶಾಸಕರ ಮಾದರಿಯ ಈ ಶಾಲೆಗೆ ಹೆಚ್ಚಿನ ಬೇಡಿಕೆ ಇದೆ. ಶಾಲೆಗೆ ಶಿಕ್ಷಕರು ಹಾಗೂ ಕೊಠಡಿಗಳ ಅಗತ್ಯವಿದೆ. ಸುಸಜ್ಜಿತ ಶೌಚಗೃಹ ನಿರ್ಮಾಣಕ್ಕೆ ಶಾಸಕರು 20 ಲಕ್ಷ ರೂ. ಅನುದಾನ ನೀಡುವ ಭರವಸೆ ನೀಡಿದ್ದಾರೆ. ಒಂದನೇ ತರಗತಿಗೆ ಹೆಚ್ಚಿನ ಬೇಡಿಕೆ ಇದೆ. ಈ ಶಾಲೆಯಲ್ಲಿ ಸೀಟು ಕೊಡುವಂತೆ ಪ್ರತಿಷ್ಠಿತ ವ್ಯಕ್ತಿಗಳು ಶಿಾರಸು ಮಾಡಿದ್ದಾರೆ. ಆದರೆ ಸರ್ಕಾರದ ನಿಯಮಾವಳಿಯಂತೆ ಮಕ್ಕಳ ಸಂಖ್ಯೆ ನಿಗದಿಗೊಳಿಸಲಾಗಿದೆ. ಅದರಂತೆ ಮಕ್ಕಳನ್ನು ದಾಖಲು ಮಾಡಿಕೊಂಡಿದ್ದೇವೆ. ಈ ಶಾಲೆಗೆ ಮೂಲ ಸೌಕರ್ಯ ಕೊರತೆಯಿದೆ. ಗಣಪತಿ ಹಳೇ ಸೊರಬದ ಶಾಸಕರ ಸರ್ಕಾರಿ ಮಾದರಿ ಶಾಲೆಗೆ ಮಕ್ಕಳನ್ನು ಸೇರಿಸಲು ಪಾಲಕರಿಂದ ಹೆಚ್ಚಿನ ಬೇಡಿಕೆ ಇದೆ. ಕೊಠಡಿಗಳ ಕೊರತೆಯಿದೆ. ವಿವೇಕ ಯೋಜನೆಯಡಿ 2 ಹಾಗೂ ಪಿಎಂಶ್ರೀ ಯೋಜನೆಯಡಿ 1 ಕೊಠಡಿ ಮುಂಜೂರಾಗಿದೆ. ಟೆಂಡರ್‌ಪ್ರಕ್ರಿಯೆ ಬಾಕಿ ಇದೆ. ಪುಷ್ಪಾ, ಕ್ಷೇತ್ರ ಶಿಕ್ಷಣಾಕಾರಿ