ಪುರಸಭೆ ಮುಂಭಾಗದ 10, ಮೇಲಂತಸ್ತಿನ ಮಳಿಗೆ, ಖಾಸಗಿ ಬಸ್ ನಿಲ್ದಾಣದ ಮಳಿಗೆಗಳು, ಸಂತೆ ಮೈದಾನದ ಶಿಶುವಿಹಾರದ ಹತ್ತಿರದ ಮಳಿಗೆಗಳು, ಪಂಪ್ಹೌಸ್ ಹತ್ತಿರ ಇರುವ ಮಳಿಗೆಗಳು, ರಾಜಾಜಿ ನಗರದ ಮಳಿಗೆಗಳು ಸೇರಿದಂತೆ ಸಂತೆ ಮೈದಾನದ ವಾಣಿಜ್ಯ ಮಳಿಗೆಗಳನ್ನು ಬಹಿರಂಗ ಹರಾಜು ಪ್ರಕ್ರಿಯೆಗೆ ಒಳಪಡಿಸಲಾಗಿತ್ತು. ಆದರೆ ಪುರಸಭೆ ಮುಂಭಾಗದಲ್ಲಿರುವ 7 ಮಳಿಗೆಯ ಬಾಡಿಗೆದಾರರು ಮಳಿಗೆಯಲ್ಲಿ ಮುಂದುವರಿಯುವ ಸಲುವಾಗಿ ನ್ಯಾಯಾಲಯದ ಮೊರೆ ಹೋಗಿ ಹರಾಜು ಪ್ರಕ್ರಿಯೆಯಲ್ಲಿ ಅವರ ಮಳಿಗೆಗಳು ಒಳಪಡದಂತೆ ತಡೆಯಾಜ್ಞೆ ತಂದಿದ್ದರು. ಅಂಥ ಮಳಿಗೆಗಳನ್ನು ಬಿಟ್ಟು ಉಳಿದ ಮಳಿಗೆಗಳನ್ನು ಹರಾಜು ಮಾಡುತ್ತೇವೆ ಎಂದು ಪುರಸಭೆ ಮುಖ್ಯಾಧಿಕಾರಿ ಪ್ರಕಾಶ್ ತಿಳಿಸಿದಾಗ ಬಿಡ್ದಾರರು ಆಕ್ಷೇಪ ವ್ಯಕ್ತಪಡಿಸಿದರು.
