ಮತ್ತೋರ್ವ ಮುಖಂಡ ವೈ.ಕೆ.ದೇವರಾಜ್ ಮಾತನಾಡಿ, ಅಮಾಯಕರನ್ನು ಎತ್ತಿಕಟ್ಟಿ ಗಲಭೆ ಸೃಷ್ಟಿಸುವ ಹುನ್ನಾರಕ್ಕೆ ಶಾಸಕರು ಮುಂದಾಗಿರುವುದು ಶೋಭೆ ತರುವುದಿಲ್ಲ.ಮತದಾರರ ಮನಗೆಲ್ಲುವುದು ಎಲ್ಲರ ಆದ್ಯತೆಯಾಗಿದೆ. ಆದ್ದರಿಂದಲೇ ಪ್ರತಿ ಗ್ರಾಮಕ್ಕೆ ಭೇಟಿ ನೀಡಿ ಸಮಸ್ಯೆ ಆಲಿಸಿ ಪರಿಹರಿಸುವ ಪ್ರಾಮಾಣಿಕ ಪ್ರಯತ್ನಕ್ಕೆ ಸಂತೋಷ್ ಮುನ್ನುಡಿ ಬರೆದಿದ್ದಾರೆ. ಸೋಲಿನ ಭೀತಿ ಜತೆಗೆ ಹತಾಶೆಗೊಳಗಾಗಿರುವ ಶಿವಲಿಂಗೇಗೌಡರು ಕಾರ್ಯಕರ್ತರ ಮೂಲಕ ಸೇಡಿನ ರಾಜಕಾರಣಕ್ಕೆ ಬೀಜ ಬಿತ್ತಿದಂತಿದೆ ಎಂದು ಕಿಡಿಕಾರಿದರು.ತಾಪಂ ಮಾಜಿ ಸದಸ್ಯ ಭೋಜಾನಾಯ್ಕ, ಮುಖಂಡರಾದ ಶಿವನ್ರಾಜ್, ಲಾಳನಕೆರೆ ಯೋಗೀಶ್,ಉಮೇಶ್, ಕಿರಣ್, ಡಾಬಾ ರಘು, ಶಾನೆಗೆರೆ ಮಂಜು,ಕುಮಾರ್ ಸೇರಿ ಹಲವರು ಸಾಥ್ ನೀಡಿದರು. ಬಳಿಕ ಡಿವೈಎಸ್ಪಿ ಅಶೋಕ್ ಅವರಿಗೆ ಮನವಿ ಸಲ್ಲಿಸಿದರು.
