ಬೀಜಿಂಗ್: ಮಹಾಮಾರಿ ಕರೊನಾ ವೈರಸ್ ಇಡೀ ಜಗತ್ತನ್ನೇ ತಲ್ಲಣಗೊಳಿಸಿದೆ. ಆರ್ಥಿಕತೆ ಸೇರಿದಂತೆ ಇಡೀ ಜನ-ಜೀವನವನ್ನೇ ಅಸ್ತವ್ಯಸ್ತಗೊಳಿಸಿದೆ. ಚೀನಾದ ವುಹಾನ್ ನಗರದಲ್ಲಿ ಸ್ಫೋಟಗೊಂಡ ವೈರಸ್ ಇಡೀ ಜಗತ್ತನ್ನೇ ಆವರಿಸಿದ ಬಗ್ಗೆ ತನಿಖೆ ನಡೆಸಲು ವಿಶ್ವ ಆರೋಗ್ಯ ಸಂಸ್ಥೆಯ (ಡಬ್ಲ್ಯುಎಚ್ಒ) ವಿಜ್ಞಾನಿಗಳ ತಂಡ ವುಹಾನ್ಗೆ ಭೇಟಿ ನೀಡಿದೆ.
ಇದರ ಬೆನ್ನಲ್ಲೇ ವುಹಾನ್ ಲ್ಯಾಬ್ನಲ್ಲಿ ಕೆಲಸ ಮಾಡುವ ವಿಜ್ಞಾನಿಗಳು ಸ್ಫೋಟಕ ರಹಸ್ಯವೊಂದನ್ನು ಹೊರಗೆಡವಿದ್ದಾರೆ. ಕರೊನಾ ಸೋಂಕಿತ ಬಾವಲಿಗಳ ಆವಾಸ ಸ್ಥಾನವಾಗಿರುವ ಗುಹೆಯಲ್ಲಿ ಸ್ಯಾಂಪಲ್ಸ್ ಸಂಗ್ರಹಿಸುವಾಗ ಬಾವಲಿಗಳ ಕಡಿತಕ್ಕೆ ಒಳಗಾಗಿದ್ದಾಗಿ ವಿಜ್ಞಾನಿಗಳು ಒಪ್ಪಿಕೊಂಡಿದ್ದಾರೆ.
ಇದನ್ನೂ ಓದಿರಿ: ಸೆಕ್ಸ್ ವೇಳೆ ಹಂದಿಯಂತೆ ಕಿರುಚಬೇಡ ಎಂದು ಪತ್ರ ಬರೆದ ನೆರೆಮನೆಯವರಿಗೆ ಮಹಿಳೆ ಕೊಟ್ಟ ಉತ್ತರ ವೈರಲ್!
ಸಂಶೋಧಕರೊಬ್ಬರು ಮಾತನಾಡಿ, ಬಾವಲಿಯ ಕೋರೆಹಲ್ಲುಗಳು, ಸೂಜಿಯಂತೆ ಕೈಗೆ ಹಾಕಿದ್ದ ರಬ್ಬರ್ ಗ್ಲೌಸ್ ಒಳಗೆ ತೂರಿಕೊಂಡಿತು ಎಂದು ತಿಳಿಸಿದ್ದಾರೆ.
ಚೀನಾದ ಮಾಧ್ಯಮವೊಂದು 2017ರಲ್ಲಿ ಸೆರೆಹಿಡಿದು ಬಿತ್ತರಿಸಿದ ದೃಶ್ಯದಲ್ಲಿ ಯಾವುದೇ ಸುರಕ್ಷತಾ ಸಾಧನಗಳಿಲ್ಲದೆ ಡಬ್ಲ್ಯುಎಚ್ಒ ಸುರಕ್ಷತಾ ನಿಯಮಗಳನ್ನು ಗಾಳಿಗೆ ತೂರಿ ಬಾವಲಿಗಳ ಗುಹೆಯನ್ನು ಪ್ರವೇಶಿಸಿರುವುದು ದೃಶ್ಯದಲ್ಲಿದೆ. ಗ್ಲೌಸ್ ಧರಿಸದೆ, ಫೇಸ್ ಮಾಸ್ಕ್ ಬಳಸದೆ ಸೋಂಕಿತ ಬಾವಲಿಗಳ ನಿರ್ವಹಣೆ ಮಾಡಿರುವ ವಿಡಿಯೋ ಇದೀಗ ವೈರಲ್ ಆಗಿದೆ.
ಇದರ ಬೆನ್ನಲ್ಲೇ ವುಹಾನ್ ಲ್ಯಾಬ್ ವಿಜ್ಞಾನಿಗಳು ಸ್ಯಾಂಪಲ್ ಸಂಗ್ರಹ ವೇಳೆ ಬಾವಲಿಗಳ ಕೈಯಲ್ಲಿ ಕಚ್ಚಿಸಿಕೊಂಡಿದ್ದಾಗಿ ಒಪ್ಪಿಕೊಂಡಿದ್ದಾರೆ. ಇದೀಗ ಈ ಸ್ಫೋಟಕ ಬಹಿರಂಗವು ಡಬ್ಲ್ಯುಎಚ್ಒ ತನಿಖಾ ತಂಡಕ್ಕೆ ಮತ್ತಷ್ಟು ಪ್ರಶ್ನೆಗಳನ್ನು ಹುಟ್ಟು ಹಾಕಿವೆ.
ವುಹಾನ್ ಭೇಟಿಗೆ ಚೀನಾ ಸರ್ಕಾರ ನಕಾರ ವ್ಯಕ್ತಪಡಿಸಿದರೂ ತನ್ನ ಪಟ್ಟ ಸಡಿಲಿಸದ ಡಬ್ಲ್ಯುಎಚ್ಒ ತಂಡ ತಿಂಗಳುಗಳ ಕಾದಾಟದ ನಂತರ ಕರೊನಾ ಮೂಲವನ್ನು ತನಿಖೆ ನಡೆಸುತ್ತಿದೆ. (ಏಜೆನ್ಸೀಸ್)
ಅಶ್ಲೀಲ ಚಿತ್ರ ತೆಗೆದು ಧಮಕಿ ಹಾಕುತ್ತಿದ್ದ ಪತಿರಾಯನ ಕರಾಳ ಮುಖ ಬಿಚ್ಚಿಟ್ಟ ಪತ್ನಿ..!
ವೈರಲ್ ಆಗಿರೋ ಯುವತಿಯ ಫೋಟೋ ಬಗೆಗಿನ ಸಂದೇಶವನ್ನು ನಂಬಬೇಡಿ: ಇಲ್ಲಿದೆ ನೋಡಿ ಸತ್ಯಾಂಶ!