ನ್ಯೂಯಾರ್ಕ್: ವಿಶ್ವದ ಅತ್ಯಂತ ತೂಕದ ಮತ್ತು ಉದ್ದದ ಹಾವು ಯಾವುದು ಗೊತ್ತಾ? ದಾಖಲೆಯು ಹಸಿರು ಅನಕೊಂಡ ಹೆಸರಿನಲ್ಲಿದೆ. ಇದರ ಗಾತ್ರ ಮತ್ತು ಉದ್ದ ಎಷ್ಟು ಅಂತಾ ಗೊತ್ತಾದ್ರೆ ಒಂದು ಕ್ಷಣ ಹುಬ್ಬೇರುವುದಂತೂ ಖಚಿತ. ಈ ಹಸಿರು ಅನಕೊಂಡ 250 ಕೆಜಿ ತೂಕ ಮತ್ತು 30 ಉದ್ದದವರೆಗೂ ಬೆಳೆಯಬಲ್ಲದು.
ಈ ಹಸಿರು ಅನಕೊಂಡಗಳು ದಕ್ಷಿಣ ಅಮೇರಿಕಾ ಮತ್ತು ಟ್ರಿನಿಡಾಡ್ ಕೆರಿಬಿಯನ್ ದ್ವೀಪದಲ್ಲಿ ಕಂಡುಬರುತ್ತವೆ. ಇವುಗಳ ಅತ್ಯಂತ ಪ್ರಸಿದ್ಧ ಆವಾಸಸ್ಥಾನವೆಂದರೆ ಅಮೆಜಾನ್ ಮಳೆಕಾಡು. ಆದಾಗ್ಯೂ, ಇದು ಉದ್ದದ ವಿಚಾರಕ್ಕೆ ಬಂದಾಗ, ಅನಕೊಂಡಗಳು ಅಗ್ರ ಸರೀಸೃಪವಲ್ಲ.
ರೆಟಿಕ್ಯುಲೇಟೆಡ್ ಹೆಬ್ಬಾವು ವಿಶ್ವದ ಅತಿ ಉದ್ದದ ಹಾವು ಎಂಬ ದಾಖಲೆಯನ್ನು ಹೊಂದಿದೆ. ದಕ್ಷಿಣ ಮತ್ತು ಆಗ್ನೇಯ ಏಷ್ಯಾದಲ್ಲಿ ಕಂಡುಬರುವ ಇವು ಸಾಮಾನ್ಯವಾಗಿ 28 ಅಡಿ ಉದ್ದದವರೆಗೆ ಬೆಳೆಯುತ್ತವೆ ಎಂದು ಭಾವಿಸಲಾಗಿದೆ. 1912 ರಲ್ಲಿ ಇಂಡೋನೇಷ್ಯಾದ ಸುಲವೆಸಿಯಲ್ಲಿ ಕಂಡುಬಂದ ಒಂದು ಹಾವು 32 ಅಡಿ 9.5 ಇಂಚು ಉದ್ದವಿತ್ತು. ಅಲ್ಲದೆ, 145 ಕೆಜಿ ವರೆಗೆ ತೂಗುತ್ತಿತ್ತು.
ಭೂಮಿಯ ಮೇಲಿನ ಅತ್ಯಂತ ಉದ್ದವಾದ ಮತ್ತು ಭಾರವಾದ ಸೆರೆಯಲ್ಲಿರುವ ಹಾವು ಯಾವುದು ಎಂದು ನಿಮಗೆ ತಿಳಿದಿದೆಯೇ? ಅಮೆರಿಕದ ಮಿಸೌರಿಯ ಕಾನ್ಸಾಸ್ ನಗರದಲ್ಲಿ ಫುಲ್‌ಮೂನ್ ಪ್ರೊಡಕ್ಷನ್ಸ್ ಎಂಬ ಕಂಪನಿಯು ರೆಟಿಕ್ಯುಲೇಟೆಡ್ ಹೆಬ್ಬಾವನ್ನು ಬೆಳೆಸಿದೆ. ಈ ಬೃಹತ್ ಹೆಣ್ಣು ಹಾವಿನ ಹೆಸರು ಮೆಡುಸಾ. ಇದು 25 ಅಡಿ 2 ಇಂಚುಗಳಿಗಿಂತ ಹೆಚ್ಚು ಉದ್ದ ಮತ್ತು 158.8 ಕೆಜಿ ತೂಕವಿದೆ.
2011 ರಲ್ಲಿ ಮೆಡುಸಾ ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ಅನ್ನು ಪ್ರವೇಶಿಸಿತು. ಅಂದಿನಿಂದ ಬೆಳೆದ ಮೆಡುಸಾದ ಪ್ರಸ್ತುತ ಉದ್ದವು ಅಸ್ಪಷ್ಟವಾಗಿದೆ. 19 ವರ್ಷ ವಯಸ್ಸಿನ ಮೆಡುಸಾವನ್ನು ಸಂಪೂರ್ಣವಾಗಿ ಮೇಲೆತ್ತಲು ಸುಮಾರು 15 ಜನರು ತೆಗೆದುಕೊಳ್ಳುತ್ತಾರೆ. ಮೆಡುಸಾದ ನೆಚ್ಚಿನ ಆಹಾರವೆಂದರೆ ಜಿಂಕೆ ಮತ್ತು ರಕೂನ್. (ಏಜೆನ್ಸೀಸ್)
ರನ್ವೇನಲ್ಲಿ ಕುಳಿತು ಪ್ರಯಾಣಿಕರಿಂದ ಆಹಾರ ಸೇವನೆ: ಇಂಡಿಗೋಗೆ ಬಿತ್ತು 1.2 ಕೋಟಿ ರೂ. ದಂಡ
ಅಯೋಧ್ಯೆಯಲ್ಲಿ ಅರುಣ್ ಯೋಗಿರಾಜ್ ಮಸ್ತ್ ಡಾನ್ಸ್: ಶಿಲ್ಪ ಕೆತ್ತನೆಯ ಕ್ಷಣಗಳು ಅವಿಸ್ಮರಣೀಯ ಎಂದ ಮೈಸೂರಿನ ಶಿಲ್ಪಿ
ಅಯೋಧ್ಯೆ ಬಾಲರಾಮ ದೇವರ ಪ್ರಾಣ ಪ್ರತಿಷ್ಠೆಗೆ 54 ದೇಶಗಳ 100 ಪ್ರತಿನಿಧಿಗಳು!