ಮುಂಬೈ: ಬಾಲಿವುಡ್ನಲ್ಲಿ ತಮ್ಮ ವಿಚಿತ್ರ ವರ್ತನೆಯಿಂದಲೇ ಹೆಸರುವಾಸಿಯಾಗಿರುವ ನಟ ರಣವೀರ್ ಸಿಂಗ್ ಒಂದಿಲ್ಲೊಂದು ವಿಚಾರಕ್ಕೆ ಸದಾ ಸುದ್ದಿಯಲ್ಲಿರುತ್ತಾರೆ. ಇದೀಗ ಬಾಲಿವುಡ್ನ ಖ್ಯಾತ ನಟಿ ಪರಿಣೀತಿ ಚೋಪ್ರಾ ರಣವೀರ್ ವಿರುದ್ಧ ಮಾಡಿರುವ ಆರೋಪ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ವ್ಯಾಪಕ ಚರ್ಚೆಗೆ ಆಸ್ಪದ ಮಾಡಿಕೊಟ್ಟಿದೆ.
ಲೇಡೀಸ್ ವರ್ಸಸ್ ರಿಕಿ ಬೇಲ್ ಸೇರಿದಂತೆ ಅನೇಕ ಚಿತ್ರಗಳಲ್ಲಿ ರಣವೀರ್ ಹಾಗೂ ಪರಿಣೀತಿ ಜೊತೆಯಾಗಿ ನಟಿಸಿದ್ದು, ಹಳೆಯ ಸಂದರ್ಶನವೊಂದು ಈಗ ವೈರಲ್ ಆಗಿದೆ.
ಇದನ್ನೂ ಓದಿ: ಮಳೆಯಿಂದ ಫೈನಲ್ ಪಂದ್ಯ ರದ್ದಾದರೆ ಯಾರ ಪಾಲಾಗುತ್ತೆ ಟ್ರೋಫಿ; ಹೀಗಿದೆ ಲೆಕ್ಕಾಚಾರ
ರಣವೀರ್ ಸಿಂಗ್ ಕ್ಯಾಮರಾ ಮುಂದೆ ಮಾತ್ರವಲ್ಲದೇ, ಕ್ಯಾಮೆರಾ ಇಲ್ಲದಿದ್ದಾಗಲೂ ವಿಚಿತ್ರವಾಗಿ ಆಡುತ್ತಿರುತ್ತಾರೆ. ಅವನ ಕ್ಯಾರಾವ್ಯಾನ್ಗೆ ಹೋದರೆ ಆತ ಪ್ಯಾಂಟ್ ಹಾಕಿಕೊಳ್ಳದೆ ಅಂಡರ್ವೇರ್ನಲ್ಲೇ ಕೂತಿರುತ್ತಿದ್ದ. ನಾನು ಕ್ಯಾರಾವ್ಯಾನ್ಗೆ ಹೋದರೆ ಹಾಗೆಯೇ ನನ್ನ ಪಕ್ಕ ಬಂದು ಕುಳಿತುಕೊಳ್ಳುತ್ತಿದ್ದ ನನಗೆ ಬಹಳ ಮುಜುಗರ ಆಗುತ್ತಿತ್ತು, ಆದರೆ ರಣವೀರ್ಗೆ ಅದು ಏನು ಅನಿಸುತ್ತಿರಲಿಲ್ಲ. ಆತ ಆರಾಮವಾಗಿ ಇರುತ್ತಿದ್ದ. ಅವನಿಗೆ ನಾಚಿಕೆ, ಮುಜುಗರ ಏನೂ ಆಗುತ್ತಿರಲಿಲ್ಲ ಎಂದು ಹೇಳಿದ್ದಾರೆ.
ನಾನು ಯಾರದ್ದಾದರೂ ಕ್ಯಾರಾವ್ಯಾನ್ ಅಥವಾ ಮೇಕಪ್ ರೂಂಗೆ ಹೋಗಬೇಕೆಂದರೆ ಬಾಗಿಲು ತಟ್ಟಿ ಹೋಗುತ್ತೇನೆ. ಆದರೆ ರಣವೀರ್ ಸಿಂಗ್ ಕ್ಯಾರಾವ್ಯಾನ್ಗೆ ಹೋಗಬೇಕೆಂದರೆ ಅದರ ಅವಶ್ಯಕತೆ ಇರುವುದಿಲ್ಲ. ಒಂದೋ ಅವನು ನಿದ್ದೆ ಮಾಡುತ್ತಿರುತ್ತಾನೆ. ಆದರೆ ಅವನ ಕ್ಯಾರಾವ್ಯಾನ್ಗೆ ಹೋಗಲು ಇರುವ ದೊಡ್ಡ ಅಡ್ಡಿಯೆಂದರೆ ಆತ ಬಟ್ಟೆ ಹಾಕಿದ್ದಾನೆಯೋ ಇಲ್ಲವೋ ಎಂಬ ಅನುಮಾನ ಇರುತ್ತದೆ. ಕ್ಯಾರಾವ್ಯಾನ್ ಒಳಗೆ ಹೋದ ಕೆಲವರು ಬಟ್ಟೆ ಇಲ್ಲದ ರಣವೀರ್ ಸಿಂಗ್ನನ್ನು ಅನೇಕ ಬಾರಿ ನೋಡಿದ್ದಾರೆ ಎಂದು ನಟಿ ಪರಿಣೀತಿ ಚೋಪ್ರಾ ಸಂದರ್ಶನದಲ್ಲಿ ಹೇಳಿದ್ದಾರೆ.