ನವದೆಹಲಿ: ಡೋಜ್ ಮೆಮೆಗೆ ಹೆಸರುವಾಸಿಯಾಗಿದ್ದ ಜಪಾನ್ ಮೂಲದ ಶ್ವಾನ ಕಬೋಸು ಮೇ 24ರಂದು ಮೃತಪಟ್ಟಿರುವುದಾಗಿ ಅದರ ಮಾಲೀಕರು ತಿಳಿಸಿದ್ದಾರೆ. ಕಬೋಸುಗೆ 19 ವರ್ಷ ವಯಸ್ಸಾಗಿತ್ತು ಎಂದು ತಿಳಿದು ಬಂದಿದೆ.
ಒಂದು ಕಾಲದಲ್ಲಿ ಕಬೋಸು ನಾಯಿಯ ಫೋಟೋ ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಇದರ ಮುಖವನ್ನು ಬಳಸಿಕೊಂಡು ಹಲವು ಮೀಮ್ಗಳನ್ನು ಮಾಡಲಾಗಿತ್ತು. ಇದೀಗ ಕಬೋಸು ನಿಧನ ವಾರ್ತೆ ಕೇಳಿ ಹಲವರು ಅಘಾತಕ್ಕೆ ಒಳಗಾಗಿದ್ದು, ಸಂತಾಪ ಸೂಚಿಸಿದ್ದಾರೆ.
ಇದನ್ನೂ ಓದಿ: ಮಹಿಳೆಯರಂತೆ ಮಾತನಾಡಿ ಏಳಕ್ಕೂ ಹೆಚ್ಚು ಅಪ್ರಾಪ್ತ ವಯಸ್ಕರಿಗೆ ಲೈಂಗಿಕ ದೌರ್ಜನ್ಯ; ಆರೋಪಿ ಸಿಕ್ಕಿಬಿದ್ದಿದ್ದೇ ರಣರೋಚಕ
ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿರುವ ಕಬೋಸು ಮಾಲೀಕರು, ನಾನು ಕಬೋಸುಳನ್ನು ಮುದ್ದಿಸುತ್ತಿದ್ದೆ. ಅವಳು ನಿದ್ರಿಸುತ್ತಿರುವಂತೆ ನನಗೆ ಅನಿಸಿತ್ತು. ಆದರೆ, ಅವಳು ಸದ್ದಿಲ್ಲದೆ ಸತ್ತುಹೋಗಿದ್ದಳು. ಡಾಜ್” ಮೇಮ್ ಮೂಲಕ ಆಕೆ ಜನಪ್ರಿಯಳಾಗಿದ್ದಳು. ಆಕೆ ವಿಶ್ವದ ಅತ್ಯಂತ ಸಂತೋಷದ ನಾಯಿ ಎಂದು ನಾನು ಭಾವಿಸುತ್ತೇನೆ. ಮತ್ತು ನಾನು ಆ ಸಂತೋಷದ ಮಾಲೀಕಳಾಗಿದ್ದೆ ಎಂಬುದು ಹೆಮ್ಮೆಯ ಸಂಗತಿ ಎಂದು ಕಬೋಸು ಮಾಲಕಿ ಸಾಟೊ ಬರೆದುಕೊಂಡಿದ್ದಾರೆ.
ಶಿಬಾ ಇನು ಜಾತಿಯ ನಾಯಿಯಾದ ಕಬೋಸು 19 ವರ್ಷ ಬದುಕಿದ್ದಳು. ಇದು ಈ ಜಾತಿಯ ನಾಯಿಯ ಸರಾಸರಿ ಜೀವಿತಾವಧಿಯನ್ನು ಮೀರಿದೆ. ಆಕೆಯ ಜನ್ಮದಿನವನ್ನು ನವೆಂಬರ್‌ನಲ್ಲಿ ಆಚರಿಸಲಾಗುತ್ತದೆ. ಮೇ 26ರಂದು ಅವಳಿಗೆ ವಿದಾಯ ಪಾರ್ಟಿ ನಡೆಯಲಿದೆ ಎಂದು ಆ ನಾಯಿಯ ಮಾಲೀಕರು ತಿಳಿಸಿದ್ದಾರೆ. ಕಬೋಸು ನಿಧನಕ್ಕೆ ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ಸೇರಿದಂತೆ ಅನೇಕರು ಸಂತಾಪ ಸೂಚಿಸಿ ಟ್ವೀಟ್ ಮಾಡಿದ್ದಾರೆ.