ತಿರುವನಂತಪುರಂ: ಇತ್ತೀಚೆಗೆ ಸಾಲು ಸಾಲು ಹಿಟ್ ಸಿನಿಮಾಗಳ ಮೂಲಕ ಮಲಯಾಳಂ ಸಿನಿ ಉದ್ಯಮವು ಇತರೆ ಚಿತ್ರರಂಗ ತನ್ನತ್ತ ತಿರುಗಿ ನೋಡುವಂತೆ ಮಾಡಿದೆ. ಬಿಗ್ ಬಜೆಟ್ ಮತ್ತು ಸ್ಟಾರ್ ಹೀರೋಗಳ ಚಿತ್ರಗಳಷ್ಟೇ ಅಲ್ಲ, ಯಾವುದೇ ನಿರೀಕ್ಷೆಗಳಿಲ್ಲದೆ ಚಿತ್ರಮಂದಿರಕ್ಕೆ ಲಗ್ಗೆಯಿಟ್ಟ ಸಣ್ಣ ಚಿತ್ರಗಳು ಕೂಡ ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸಿವೆ. ಅವುಗಳಲ್ಲಿ ಮಂಜುಮ್ಮೇಲ್ ಬಾಯ್ಸ್ ಸಿನಿಮಾ ಕೂಡ ಒಂದು.
ಪರವ ಫಿಲಂಸ್ ಬ್ಯಾನರ್ ಅಡಿಯಲ್ಲಿ ಸೌಬಿನ್ ಶಾಹಿರ್, ಬಾಬು ಶಾಹಿರ್ ಮತ್ತು ಶಾನ್ ಆಂಟೋನಿ ನಿರ್ಮಿಸಿರುವ ಈ ಚಿತ್ರಕ್ಕೆ ಚಿದಂಬರಂ ನಿರ್ದೇಶನ ಮಾಡಿದ್ದಾರೆ. ಈ ಸಿನಿಮಾ ಮಾಲಿವುಡ್‌ನಲ್ಲಿ ಫೆಬ್ರವರಿ 22ರಂದು ಬಿಡುಗಡೆಯಾಗಿ ಸಿಕ್ಕಾಪಟ್ಟೆ ಹಿಟ್ ಆಯಿತು. ಅಲ್ಲದೆ, ತೆಲುಗು ಮತ್ತು ತಮಿಳಿನಲ್ಲೂ ಇತ್ತೀಚೆಗೆ ಬಿಡುಗಡೆಯಾಗಿ ಭಾರಿ ಸದ್ದು ಮಾಡಿತು.
ಈ ಸಿನಿಮಾದಲ್ಲಿ ಸೌಬಿನ್ ಶಾಹಿರ್, ಶ್ರೀನಾಥ್ ಭಾಸಿ, ಬಾಲು ವರ್ಗೀಸ್, ಗಣಪತಿ ಎಸ್, ದೀಪಕ್ ಪರಂಬೋಲ್ ನಟಿಸಿದ್ದಾರೆ. ಒಟಿಟಿಯಲ್ಲೂ ರಿಲೀಸ್ ಆಗಿದ್ದು, ಅದ್ಭುತ ಪ್ರತಿಕ್ರಿಯೆ ಸಿಕ್ಕಿದೆ. 20 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಾಣವಾದ ಈ ಸಿನಿಮಾ ಬರೋಬ್ಬರಿ 250 ಕೋಟಿ ರೂ. ಲೂಟಿ ಮಾಡಿದೆ.
ಈ ಚಿತ್ರವು 2006ರಲ್ಲಿ ನಡೆದ ನೈಜ ಘಟನೆಯನ್ನು ಆಧರಿಸಿದೆ. ಕೊಚ್ಚಿಯ ಮಂಜುಮ್ಮೇಲ್ ಗ್ರಾಮದ 10 ಹುಡುಗರು ತಮಿಳುನಾಡಿನ ಕೊಡೈಕೆನಾಲ್‌ಗೆ ವಿಹಾರಕ್ಕೆ ಹೋಗುತ್ತಾರೆ. ಅವರು ಅಲ್ಲಿನ ಅತ್ಯಂತ ಪ್ರಸಿದ್ಧವಾದ ಗುಣ ಗುಹೆಗಳಿಗೆ ಭೇಟಿ ನೀಡುತ್ತಾರೆ. ಈ ಪ್ರದೇಶ ನಿಷೇಧಿತ ಪ್ರದೇಶ ಎಂದು ಗೊತ್ತಿದ್ದರೂ ಅಲ್ಲಿಗೆ ಹೋಗುತ್ತಾರೆ. ಈ ವೇಳೆ ಅನಿರೀಕ್ಷಿತವಾಗಿ ಸುಭಾಷ್ ಎಂಬ ಸ್ನೇಹಿತ ಆಳವಾದ ಕಣಿವೆಗೆ ಬೀಳುತ್ತಾನೆ. ಬಳಿಕ ಸಾಕಷ್ಟು ಪ್ರಯತ್ನ ಮಾಡಿ ಅವನನ್ನು ಹೊರಗೆ ಕರೆತರುವುದೇ ಈ ಸಿನಿಮಾ ಕತೆ. ಚಿತ್ರಕತೆಯಂತೂ ಸಖತ್ತಾಗಿ ಮೂಡಿಬಂದಿದೆ. ಹೀಗಾಗಿ ಎಲ್ಲೆಡೆ ಮಂಜುಮ್ಮೇಲ್ ಬಾಯ್ಸ್ ಸಿನಿಮಾ ಬಗ್ಗೆ ಒಳ್ಳೆಯ ಮಾತುಗಳು ಕೇಳಿಬರುತ್ತಿವೆ.
ಇದರ ನಡುವೆ ನಿರ್ದೇಶಕ ಚಿದಂಬರಂ ಈ ಸಿನಿಮಾದ ಬಗ್ಗೆ ಇಂಟ್ರೆಸ್ಟಿಂಗ್ ಸುದ್ದಿಯೊಂದನ್ನು ಹಂಚಿಕೊಂಡಿದ್ದಾರೆ. ಕ್ಲೈಮ್ಯಾಕ್ಸ್ ದೃಶ್ಯಕ್ಕೆ ಓರಿಯೊ ಬಿಸ್ಕೆಟ್ ಬಳಸಿದ್ದಾಗಿ ತಿಳಿಸಿದ್ದಾರೆ.
ಈ ಸಿನಿಮಾದಲ್ಲಿ ಸುಭಾಷ್ ಪಾತ್ರದಲ್ಲಿ ಶ್ರೀನಾಥ್ ಭಾಸಿ ನಟಿಸಿದ್ದಾರೆ. ಕಣಿವೆ ಒಳಗೆ ಬಿದ್ದಾಗ ಗಾಯಗಳು ಗಂಭೀರವಾಗಿ ಕಾಣುವಂತೆ ಮಾಡಲು ಓರಿಯೊ ಬಿಸ್ಕತ್ತುಗಳನ್ನು ಬಳಸಲಾಯಿತು ಎಂದಿದ್ದಾರೆ. ಓರಿಯೊ ಬಿಸ್ಕೆಟ್‌ನಲ್ಲಿದ್ದ ಕ್ರೀಮ್‌ನಿಂದ ಸುಭಾಷ್‌ಗೆ ಮೇಕಪ್ ಮಾಡಲಾಗಿತ್ತು. ಈ ಎಲ್ಲ ತಂತ್ರವನ್ನು ಮೇಕಪ್ ಮ್ಯಾನ್ ರೋನೆಕ್ಸ್ ಕ್ಸೇವಿಯರ್ ಮಾಡಿದ್ದಾರೆ. ಈ ಶ್ರೇಯ ಅವರಿಗೆ ಸಲ್ಲುತ್ತದೆ. ಈ ಮೇಕಪ್ನಿಂದ ಶ್ರೀನಾಥ್ ಭಾಸಿ ತುಂಬಾ ಮುಜುಗರಕ್ಕೊಳಗಾಗಿದ್ದರು. ಬಿಸ್ಕೆಟ್ ಕ್ರೀಂನ ವಾಸನೆಗೆ ಇರುವೆಗಳು ಅವನ ಸುತ್ತಲೂ ಸುತ್ತಿಕೊಂಡವು. ಈ ದೃಶ್ಯವನ್ನು ಚಿತ್ರೀಕರಿಸುವಾಗ, ಇರುವೆಗಳು ಕಚ್ಚಲು ಪ್ರಾರಂಭಿಸಿದವು. ಆದ್ರೂ ಅದರ ಬಗ್ಗೆ ಯೋಚಿಸದೇ ಆ ದೃಶ್ಯದಲ್ಲಿ ಶ್ರೀನಾಥ್ ಚೆನ್ನಾಗಿ ನಟಿಸಿದ್ದಾರೆ ಎಂದು ನಿರ್ದೇಶಕ ಚಿದಂಬರಂ ಹೊಗಳಿದರು. (ಏಜೆನ್ಸೀಸ್)
ಮಂಜುಮ್ಮೇಲ್ ಬಾಯ್ಸ್ಗೆ ಶಾಕ್ ಕೊಟ್ಟ ಇಳಯರಾಜ! ಆದ್ರೆ ನಿಜವಾದ ಟ್ವಿಸ್ಟ್ ಚಿತ್ರದ ಕತೆಯಷ್ಟೇ ರೋಚಕ
ಅಯ್ಯೋ ದುರ್ವಿಧಿಯೇ! ತಂದೆ ಮಾಡಿದ ತಪ್ಪಿಗೆ ಮಗನ IAS ಕನಸು ಛಿದ್ರ, ತಾಯಿಯ ನರಳಾಟ ಕಂಡು ಕಣ್ಣೀರಿಟ್ಟ ಜನ