ಬೆಂಗಳೂರು: ಟೀಮ್ ಇಂಡಿಯಾ ಆಟಗಾರ ಮಯಾಂಕ್ ಅಗರ್ವಾಲ್ ಫಿಟ್ನೆಸ್ ಬಗ್ಗೆ ಸಾಕಷ್ಟು ಎಚ್ಚರ ವಹಿಸುತ್ತಾರೆ. ಲಾಕ್ಡೌನ್ ವೇಳೆಯಲ್ಲೂ ವಿವಿಧ ದೈಹಿಕ ಕಸರತ್ತು ಮಾಡುವ ಮಾಡುವ ಮೂಲಕ ಫಿಟ್ನೆಸ್ನತ್ತ ಹೆಚ್ಚಿನ ಗಮನಹರಿಸಿದ್ದಾರೆ. ಇವರಿಗೆ ಕುಟುಂಬ ಸದಸ್ಯರು ಕೂಡ ಸಾಥ್ ನೀಡುತ್ತಾರೆ. ದಿನಂಪ್ರತಿ ಮಾಡುವ ದೈಹಿಕ ಕಸರತ್ತಿನ ವಿಡಿಯೋ , ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಮಯಾಂಕ್ ಪ್ರಕಟಿಸುತ್ತಾ ಬಂದಿದ್ದಾರೆ. ಶುಕ್ರವಾರ ಪ್ರಕಟಿಸಿದ್ದ ಫೋಟೋಗೆ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ, ವೇಗಿ ಇಶಾಂತ್ ಶರ್ಮ ಹಾಸ್ಯಮಯವಾಗಿ ಕಾಮೆಂಟ್ ಹಾಕುವ ಮೂಲಕ ಟ್ರೋಲ್ ಮಾಡಿದ್ದಾರೆ.
ಇದನ್ನೂ ಓದಿ: ನೆಟ್ಸ್ನಲ್ಲಿ ಸುನೀಲ್ ಗಾವಸ್ಕರ್ ಕೆಟ್ಟ ಬ್ಯಾಟ್ಸ್ಮನ್ ಎಂದು ಕಿರಣ್ ಮೋರೆ ಹೇಳಿದ್ಯಾಕೆ..!
ಜಿಮ್ನಲ್ಲಿ ದೇಹ ಸಮಾನತೆ ಕಾಯ್ದುಕೊಳ್ಳುವ ಸಲುವಾಗಿ ಮಯಾಂಕ್ ತಲೆಕೆಳಗಾಗಿ ಬ್ಯಾಲೆನ್ಸ್ ಮಾಡಿದ್ದರು. ಇದಕ್ಕೆ ಮಯಾಂಕ್ ಅಭಿಮಾನಿಗಳು ವಿವಿಧ ರೀತಿಯಲ್ಲಿ ಪ್ರತಿಕ್ರಿಯೆ ನೀಡಿದ್ದರೆ, ಕೊಹ್ಲಿ ಹಾಗು ಇಶಾಂತ್ ಶರ್ಮ ಮಾತ್ರ ಕರ್ನಾಟಕದ ಕ್ರಿಕೆಟಿಗನ ಕಾಲೆಳೆದಿದ್ದಾರೆ. ಕ್ಯಾ ಹೊ ಗಯಾ ಭಾಯ್, ನನ್ನ ಪ್ರಕಾರ ಲಾಕ್ಡೌನ್ ಎಲ್ಲ ಹಂತವನ್ನು ದಾಟಿದಂತಿದೆ ಎಂದು ಕೊಹ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ. ಜಗತ್ತು ತಲೆಕೆಳಗಾಗಿದೆ ಅಥವಾ ಏಣಿಯನ್ನು ನೋಡುತ್ತಿದೆ (ರಜೆ ದುನಿಯ ಉಲ್ಟಿ ದಿಖ್ ರಹಿ ಹೈ ಯಾ ಸೇಧಿ) ಎಂದು ಇಶಾಂತ್ ಬರೆದಿದ್ದಾರೆ. ಇದಕ್ಕೆ ಹಲವು ಕ್ರಿಕೆಟಿಗರು ಪ್ರತಿಕ್ರಿಯೆ, ಲೈಟ್ ನೀಡಿದ್ದಾರೆ.
ಇದನ್ನೂ ಓದಿ: ಕ್ರಿಕೆಟ್ vs ಕರೊನಾ ವೈರಸ್: 4 ದಿನಗಳಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಪುನರಾರಂಭ
2018ರಲ್ಲಿ ಟೆಸ್ಟ್ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ 29 ವರ್ಷದ ಮಯಾಂಕ್ ಅಗರ್ವಾಲ್, ಕಳೆದ ಡಿಸೆಂಬರ್ ತಿಂಗಳಿಂದ ಯಾವುದೇ ಟೆಸ್ಟ್ ಪಂದ್ಯ ಆಡಿಲ್ಲ. ಕಳೆದ ನ್ಯೂಜಿಲೆಂಡ್ ವಿರುದ್ಧದ ಸರಣಿಯಲ್ಲಿ ಏಕದಿನ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದರು. ಮೊದಲ ಪಂದ್ಯದಲ್ಲೆ 26 ರನ್ ಬಾರಿಸಿದ್ದರು. ಬೆಂಗಳೂರಿನಲ್ಲಿ ತಮ್ಮ ನಿವಾಸದಲ್ಲೇ ಲಾಕ್ ಆಗಿದ್ದಾರೆ. ಐಪಿಎಲ್ನಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ಪ್ರತಿನಿಧಿಸುತ್ತಿದ್ದಾರೆ.