ಮುಂಬೈ: 70, 80ರ ದಶಕದಲ್ಲಿ ಸುನೀಲ್ ಗಾವಸ್ಕರ್ ವಿಶ್ವ ಶ್ರೇಷ್ಠ ಬ್ಯಾಟ್ಸ್ಮನ್ಗಳಲ್ಲಿ ಒಬ್ಬರು ಎನಿಸಿದ್ದ ಆಟಗಾರ. ವಿಶ್ವ ಕ್ರಿಕೆಟ್ ಭೂಪಟದಲ್ಲಿ ಭಾರತ ಗುರುತಿಸುವಂತೆ ಮಾಡಿದವರ ಪೈಕಿ ಗಾವಸ್ಕರ್ ಕೂಡ ಒಬ್ಬರು. ಲಿಟ್ಟಲ್ ಮಾಸ್ಟರ್ ಖ್ಯಾತಿಯ ಮುಂಬೈನ ಗಾವಸ್ಕರ್ ಟೆಸ್ಟ್ ಕ್ರಿಕೆಟ್ನಲ್ಲಿ 10 ಸಾವಿರ ರನ್ ಪೂರೈಸಿದ ವಿಶ್ವದ ಮೊದಲ ಬ್ಯಾಟ್ಸ್ಮನ್. ಅದೆಷ್ಟೋ ಯುವ ಕ್ರಿಕೆಟಿಗರಿಗೆ, ವಿದೇಶಿ ಆಟಗಾರರಿಗೆ ಸ್ಫೂತಿರ್ಯ ಸೆಲೆಯಾಗಿದ್ದ ಸುನೀಲ್ ಗಾವಸ್ಕರ್. ಭಾರತದ ಮಾಜಿ ವಿಕೆಟ್ ಕೀಪರ್ ಕಿರಣ್ ಮೋರೆ ಮಾತ್ರ ಗಾವಸ್ಕರ್, ನೆಟ್ಸ್ನಲ್ಲಿ ಅತ್ಯಂತ ಕೆಟ್ಟ ಆಟಗಾರ ಎಂದಿದ್ದಾರೆ.
ಇದನ್ನೂ ಓದಿ: 2019ರ ವಿಶ್ವಕಪ್ ವೇಳೆ ಪಾಕ್ ತಂಡದಲ್ಲಿತ್ತು ಭಯದ ವಾತಾವರಣ
ಟೆಸ್ಟ್ ಕ್ರಿಕೆಟ್ನಲ್ಲಿ ತಾಂತ್ರಿಕವಾಗಿ ಸಾಕಷ್ಟು ನೈಪುಣ್ಯತೆ ಹೊಂದಿದ್ದ ಗಾವಸ್ಕರ್ ಮಂದಗತಿಯ ಬ್ಯಾಟಿಂಗ್ ಮೂಲಕ ದಿನಗಟ್ಟಲೇ ಕ್ರೀಸ್ನಲ್ಲಿ ನಿಲ್ಲುತ್ತಿದ್ದರು. ಆದರೆ, ಗಾವಸ್ಕರ್ ಪಂದ್ಯ ಹಿಂದಿನ ಮಾತ್ರ ಸೂಕ್ತರಿತಿಯಲ್ಲಿ ತಯಾರಿ ಮಾಡುಕೊಳ್ಳುತ್ತಿರಲಿಲ್ಲ ಎಂದು ಕಿರಣ್ ಮೋರೆ ಹೇಳಿದ್ದಾರೆ. ನಾವು ನಾಳೆ ಹೇಗೆ ಆಡುತ್ತಾರೆ, ಯಾವುದೇ ತಯಾರಿ ಮಾಡಿಕೊಳ್ಳುತ್ತಿಲ್ಲ. ರನ್ ಹೇಗೆ ಗಳಿಸುತ್ತಾರೆ ಎಂದು ಯೋಚಿಸುತ್ತಿದ್ದರೆ, ಪಂದ್ಯದ ದಿನ ಅವರ ಬ್ಯಾಟಿಂಗ್ ನೋಡುತ್ತಿದ್ದರೆ ವಾವ್ ಎನ್ನುತ್ತಿದ್ದೇವು ಎಂದು ಮೋರೆ ಹೇಳಿಕೊಂಡಿದ್ದಾರೆ. ಅವರಿಗಿದ್ದ ಏಕಾಗ್ರತೆಯೇ ದೇವರ ಕೊಡುಗೆ, ಅವರ ಯಶಸ್ಸಿನ ಹಿಂದೆ ಏಕಾಗ್ರತೆಯೇ ಗುಟ್ಟು, ಯಾರು ನಂಬಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: 5 ಬಾರಿ ಕರೊನಾ ಪಾಸಿಟಿವ್ ಬಂದರೂ ಪಾರಾದ ಬಾಕ್ಸರ್ ಡಿಂಗ್ಕೊ
ಸುನೀಲ್ ಗಾವಸ್ಕರ್, 125 ಟೆಸ್ಟ್ ಪಂದ್ಯಗಳಿಂದ 34 ಶತಕ ಒಳಗೊಂಡಂತೆ 10122 ರನ್ ಸಿಡಿಸಿದ್ದಾರೆ. 2005ರಲ್ಲಿ ಸಚಿನ್ ತೆಂಡುಲ್ಕರ್ ಈ ದಾಖಲೆ ಹಿಂದಿಕ್ಕಿದರು. 1983 ಏಕದಿನ ವಿಶ್ವಕಪ್ ವಿಜೇತ ಭಾರತ ತಂಡದ ಭಾಗವಾಗಿದ್ದರು. 70 ವರ್ಷ ಗಾವಸ್ಕರ್ ಸದ್ಯ ವೀಕ ವಿವರಣೆಗಾರರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಜುಲೈ 10ಕ್ಕೆ 71ನೇ ವರ್ಷಕ್ಕೆ ಕಾಲಿಡುತ್ತಿದ್ದಾರೆ.