ನವದೆಹಲಿ: ಕ್ಯಾನ್ಸರ್ನಿಂದ ಬಳಲುತ್ತಿರುವ ಬಾಕ್ಸಿಂಗ್ ಲೆಜೆಂಡ್ ಏಷ್ಯಾಡ್ ಸ್ವರ್ಣ ಪದಕ ವಿಜೇತ ಡಿಂಗ್ಕೊ ಸಿಂಗ್ ಕರೊನಾ ವೈರಸ್ನಿಂದ ಚೇತರಿಸಿಕೊಂಡಿದ್ದಾರೆ. ಶುಕ್ರವಾರ ನಡೆದ ಕೋವಿಡ್-19 ಪರೀಕ್ಷೆಯಲ್ಲಿ ನೆಗೆಟಿವ್ ಬಂದಿದೆ. ಕ್ಯಾನ್ಸರ್ನಿಂದ ಬಳಲುತ್ತಿರುವ ಡಿಂಗ್ಕೊ ಅವರನ್ನು ಮಣಿಪುರ ಇಂಫಾಲ್ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ. ಕೋವಿಡ್-19 ವರದಿ ನೆಗೆಟಿವ್ ಬಂದ ಹಿನ್ನೆಲೆಯಲ್ಲಿ ಡಿಂಗ್ಕೊ ಅವರನ್ನು ಮನೆಗೆ ವಾಪಸ್ ಕರೆತಂದಿದ್ದು, 15 ದಿನಗಳ ಕಾಲ ಕ್ವಾರಂಟೈನ್ನಲ್ಲಿ ಇಡಲಾಗಿದೆ. ಮೇ ತಿಂಗಳಲ್ಲಿ ಆಸ್ಪತ್ರೆಗೆ ದಾಖಲಾಗಿದ್ದ ಡಿಂಗ್ಕೊ ಐದು ಬಾರಿ ನಡೆಸಿದ ಕರೊನಾ ವೈರಸ್ ಪರೀಕ್ಷೆಯಲ್ಲಿ ಪಾಸಿಟಿವ್ ಬಂದಿತ್ತು.
ಇದನ್ನೂ ಓದಿ:FACT-CHECK| ಕಪಿಲ್ ದೇವ್ ಎಂದೂ ನೋಬಾಲ್ ಎಸೆದಿಲ್ಲವೇ?
ಕಳೆದ ಒಂದು ತಿಂಗಳಿಂದ ವೈದ್ಯಕಿಯ ಸಿಬ್ಬಂದಿ ನನ್ನ ಆರೈಕೆ ನೋಡಿಕೊಂಡರು. ನಾನು ಜೀವನದ ಜತೆ ಹೋರಾಡುತ್ತಿರುವುದಕ್ಕೆ ಅವರು ಸಾಥ್ ನೀಡಿದರು ಎಂದು ಯಕೃತ್ತು ಕ್ಯಾನ್ಸರ್ನಿಂದ ಬಳಲುತ್ತಿರುವ ಡಿಂಗ್ಕೊ ಹೇಳಿದ್ದಾರೆ. ಆಸ್ಪತ್ರೆಯಲ್ಲಿದ್ದಾಗ 5 ಬಾರಿ ನಡೆದ ಕೋವಿಡ್-19ರ ಪರೀೆ ಪಾಸಿಟಿವ್ ಬಂದಿತ್ತು. ನನ್ನ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿದ ವೈದ್ಯಕಿಯ ಸಿಬ್ಬಂದಿ ಸೇರಿದಂತೆ ಎಲ್ಲ ನನ್ನ ಹಿತೈಷಿಗಳಿಗೆ ನಾನು ಅಭಾರಿಯಾಗಿರುತ್ತೇನೆ ಎಂದು ಡಿಂಗ್ಕೊ ತಿಳಿಸಿದ್ದಾರೆ.
ಇದನ್ನೂ ಓದಿ:VIDEO|ಫಾರ್ಮ್ ಹೌಸ್ನಲ್ಲಿ ಅಭ್ಯಾಸ ಆರಂಭಿಸಿದ ವೇಗಿ ಮೊಹಮದ್ ಶಮಿ
ರೆಡಿಯೇಷನ್ ಥಿರೆಪಿಗಾಗಿ ಲಾಕ್ಡೌನ್ ವೇಳೆ ಡಿಂಗ್ಕೊ ಅವರನ್ನು ವಿಶೇಷ ಅನುಮತಿಯೊಂದಿಗೆ ಮಣಿಪುರದಿಂದ ದೆಹಲಿಗೆ ಹೆಲಿಕಾಪ್ಟರ್ನಲ್ಲಿ ಕರೆತಲಾಗಿತ್ತು. ಆದರೆ, ಜಾಂಡೀಸ್ನಿಂದ ಬಳಲಿದ ಹಿನ್ನೆಲೆಯಲ್ಲಿ ಅವರನ್ನು ವಾಪಸ್ ಕರೆದುಕೊಂಡು ಹೋಗಲಾಗಿತ್ತು. ಆದರೆ, ಇಂಪಾಲ್ಗೆ ವಾಪಸಾದ ಬೆನ್ನಲ್ಲೇ ಡಿಂಗ್ಕೊಗೆ ಕೋವಿಡ್-19 ಪಾಸಿಟಿವ್ ಸೋಂಕು ಕಾಣಿಸಿಕೊಂಡಿತ್ತು. 1998ರಲ್ಲಿ ಬ್ಯಾಂಕಾಕ್ನಲ್ಲಿ ನಡೆದ ಏಷ್ಯಾಡ್ನಲ್ಲಿ ಸ್ವರ್ಣ ಜಯಿಸಿದ್ದ ಡಿಂಗ್ಕೊ, ಅದೇ ವರ್ಷ ಅರ್ಜುನ ಪ್ರಶಸ್ತಿಗೆ ಭಾಜನರಾಗಿದ್ದರು, 2013ರಲ್ಲಿ ಅರ್ಜುನ ಪ್ರಶಸ್ತಿಗೂ ದಕ್ಕಿತ್ತು. 6 ಬಾರಿ ವಿಶ್ವ ಚಾಂಪಿಯನ್ ಎಂಸಿ ಮೇರಿಕೋಮ್ ಸೇರಿದಂತೆ ದೇಶದ ಹಲವು ಬಾಕ್ಸರ್ಗಳಿಗೆ ಅವರೇ ಸ್ಫೂರ್ತಿ ಆಗಿದ್ದಾರೆ.
https://www.vijayavani.net/babar-azam-says-compare-me-with-pakistans-players-instead-of-virat/