ನವದೆಹಲಿ/ಲಾಹೋರ್: ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ವಿಶ್ವದೆಲ್ಲೆಡೆ ಅಭಿಮಾನಿಗಳನ್ನು ಹೊಂದಿದ್ದಾರೆ. ಅದರಲ್ಲಿ ಪಾಕಿಸ್ತಾನ ಕ್ರಿಕೆಟ್ ತಂಡದ ಆಟಗಾರನೊಬ್ಬನ ಪತ್ನಿಯೂ ಸೇರಿದ್ದಾರೆ. ವಿರಾಟ್ ಕೊಹ್ಲಿ ತಮ್ಮ ನೆಚ್ಚಿನ ಬ್ಯಾಟ್ಸ್ಮನ್ ಎಂದು ಅವರು ಇತ್ತೀಚೆಗೆ ಇನ್ಸ್ಟಾಗ್ರಾಂ ಪ್ರಶ್ನೋತ್ತರದ ವೇಳೆ ಬಹಿರಂಗಪಡಿಸಿದ್ದಾರೆ.
ಪಾಕಿಸ್ತಾನ ತಂಡದ ಮಧ್ಯಮ ವೇಗಿ ಹಸನ್ ಅಲಿ ಅವರ ಪತ್ನಿ ಶಮಿಯಾ ಅರ್ಜೂ ಅವರೇ ವಿರಾಟ್ ಕೊಹ್ಲಿ ಅವರ ಈ ಅಭಿಮಾನಿ. ಭಾರತ ಮೂಲದವರಾಗಿರುವ ಶಮಿಯಾ 2019ರಲ್ಲಿ ದುಬೈನಲ್ಲಿ ಹಸನ್ ಅಲಿ ಅವರನ್ನು ವಿವಾಹವಾಗಿದ್ದರು. ಮೂಲತಃ ಹರಿಯಾಣದವರಾದ ಶಮಿಯಾ, ದುಬೈನಲ್ಲಿ ಕೆಲಸ ಮಾಡುತ್ತಿದ್ದಾಗ ಹಸನ್ ಅಲಿ ಪರಿಚಯವಾಗಿ ಪ್ರೀತಿಯಲ್ಲಿ ಬಿದ್ದಿದ್ದರು.
ಇದನ್ನೂ ಓದಿ: ಸೋಷಿಯಲ್ ಮೀಡಿಯಾದಲ್ಲಿ ಆರ್. ಅಶ್ವಿನ್-ಸಂಜಯ್ ಮಂಜ್ರೇಕರ್ ನಡುವೆ ವಾರ್!
ಇತ್ತೀಚೆಗೆ ಇನ್ಸ್ಟಾಗ್ರಾಂ ಪ್ರಶ್ನೋತ್ತರದ ವೇಳೆ ಕ್ರಿಕೆಟ್ ಪ್ರೇಮಿಗಳು ಶಮಿಯಾಗೆ ಪ್ರಶ್ನೆಯೊಂದನ್ನು ಎಸೆದಿದ್ದರು. ಅದರನ್ವಯ, ನಿಮ್ಮ ನೆಚ್ಚಿನ ಬೌಲರ್ ಹಸನ್ ಅಲಿ ಎಂಬುದು ನಮಗೆಲ್ಲರಿಗೂ ಗೊತ್ತಿದೆ. ನಿಮ್ಮ ನೆಚ್ಚಿನ ಬ್ಯಾಟ್ಸ್ಮನ್ ಯಾರು ಎಂದು ಕೇಳಿದ್ದರು. ಅದಕ್ಕೆ ಶಮಿಯಾ, ವಿರಾಟ್ ಕೊಹ್ಲಿ ಎಂದುತ್ತರಿಸಿದ್ದರು.
