ಒಂದೇ ವರ್ಷದಲ್ಲಿ 873% ಲಾಭ ನೀಡಿದ ಷೇರು: ಸೋಮವಾರ 10% ಅಪ್ಪರ್​ ಸರ್ಕ್ಯೂಟ್​ ಹಿಟ್​ಗೆ ಕಾರಣವಾದ ಗುಡ್​ ನ್ಯೂಸ್​ ಏನು?

ಮುಂಬೈ: ಸ್ಪೆಕ್ಟ್ರಮ್ ಎಲೆಕ್ಟ್ರಿಕಲ್ ಇಂಡಸ್ಟ್ರೀಸ್​ ಲಿಮಿಟೆಡ್​ (Spectrum Electrical Industries Ltd.) ಷೇರು ಸೋಮವಾರ 10% ಅಪ್ಪರ್ ಸರ್ಕ್ಯೂಟ್ (ಒಂದು ದಿನದಲ್ಲಿ ಷೇರು ಬೆಲೆ ಗರಿಷ್ಠ ಹೆಚ್ಚಳವಾಗುವ ಮಿತಿ) ಹಿಟ್​ ಆಗಿದೆ.

ಕಳೆದೊಂದು ವರ್ಷದಲ್ಲಿ 873% ಲಾಭ ನೀಡಿರುವ ಈ ಕಂಪನಿಯ ಷೇರು, ಹೊಸ ಸುದ್ದಿ ಬಂದ ತಕ್ಷಣ ಸೋಮವಾರ ಈ ಷೇರಿನ ಬೆಲೆ ಶೇಕಡಾ 10ರಷ್ಟು ಏರಿಕೆ ಕಂಡು, 1697.95 ರೂಪಾಯಿ ತಲುಪಿದೆ. ಒಂದು ಶುಭ ಸುದ್ದಿಯೇ ಈ ಕಾರಣ ಎಂದು ಹೇಳಲಾಗಿದೆ.

ಏನು ಗುಡ್​ ನ್ಯೂಸ್​?:

ಅಂಗ ಸಂಸ್ಥೆಯೊಂದನ್ನು ಸ್ಥಾಪಿಸುವುದಾಗಿ ಈ ಕಂಪನಿಯು ಫೆಬ್ರುವರಿ 4 ರಂದು ಷೇರು ಮಾರುಕಟ್ಟೆ ವಿನಿಮಯ ಕೇಂದ್ರಕ್ಕೆ ಮಾಹಿತಿ ನೀಡಿದೆ. ಈ ಅಂಗ ಸಂಸ್ಥೆಯು ವೈದ್ಯಕೀಯ ಸಾಧನಗಳ ತಯಾರಿಕೆಯಲ್ಲಿ ತೊಡಗಿಸಿಕೊಳ್ಳಲಿದೆ.

ಈ ಅಂಗಸಂಸ್ಥೆಯ ಪ್ರಾಥಮಿಕ ಕೆಲಸವೆಂದರೆ ವೈದ್ಯಕೀಯ ಸಾಧನಗಳನ್ನು ಅಭಿವೃದ್ಧಿಪಡಿಸುವುದು, ವಿನ್ಯಾಸಗೊಳಿಸುವುದು ಎಂದು. ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.

ಪ್ರಸ್ತುತ, ಸ್ಪೆಕ್ಟ್ರಮ್ ಎಲೆಕ್ಟ್ರಿಕಲ್ ಇಂಡಸ್ಟ್ರೀಸ್ ಲಿಮಿಟೆಡ್ ಕಂಪನಿಯು ಎಲೆಕ್ಟ್ರಿಕಲ್, ಆಟೋಮೊಬೈಲ್ ಮತ್ತು ನೀರಾವರಿ ಘಟಕಗಳನ್ನು ವಿನ್ಯಾಸಗೊಳಿಸುತ್ತದೆ ಮತ್ತು ತಯಾರಿಸುತ್ತದೆ. ಈ ವ್ಯವಹಾರದಲ್ಲಿ ದೊಡ್ಡ ಪ್ರಮಾಣದಲ್ಲಿ ಬೆಳೆದಿದೆ.

ಈ ವರ್ಷ ಇಲ್ಲಿಯವರೆಗೆ ಕಂಪನಿಯ ಷೇರಿನ ಬೆಲೆ ಶೇಕಡಾ 18 ರಷ್ಟು ಏರಿಕೆಯಾಗಿದೆ. ಕಳೆದ ತ್ರೈಮಾಸಿಕದಲ್ಲಿ ಪ್ರವರ್ತಕರ ಷೇರುಗಳ ಪ್ರಮಾಣ ಶೇಕಡಾ 3.43 ರಿಂದ 74.88 ರಷ್ಟು ಹೆಚ್ಚಾಗಿದೆ. ಪ್ರಸ್ತುತ ಹಣಕಾಸು ವರ್ಷದ ಮೊದಲ 6 ತಿಂಗಳ ಅವಧಿಯಲ್ಲಿ ಕಂಪನಿಯ ಆದಾಯ 13.53 ಕೋಟಿ ರೂ. ಇದೆ. ಅದೇ ಅವಧಿಯಲ್ಲಿ ನಿವ್ವಳ ಲಾಭವು 7.07 ಕೋಟಿ ರೂ. ಇದೆ.

ಕಂಪನಿಯ ಷೇರು ಬೆಲೆಗಳು ಕಳೆದ 6 ತಿಂಗಳಲ್ಲಿ 72.4 ಪ್ರತಿಶತದಷ್ಟು ಏರಿಕೆ ಕಂಡಿವೆ. ಒಂದು ತಿಂಗಳಲ್ಲಿ ಈ ಷೇರು ಬೆಲೆ ಶೇ.30ರಷ್ಟು ಹೆಚ್ಚಳವಾಗಿದೆ.

https://www.vijayavani.net/paytm-shares-fall-41-in-3-days-jio-financial-shares-rise-14-in-one-day-as-mukesh-ambani-eyeing

https://www.vijayavani.net/rs-32-to-rs-204-rise-in-just-47-days-650-profit-govt-firm-monday-sold-at-an-all-time-high