ಬೆಳಗಾವಿ: ರಾಜ್ಯದಲ್ಲಿ ವಿಮಾನವೊಂದಕ್ಕೆ ಹಕ್ಕಿ ಡಿಕ್ಕಿ ಹೊಡೆದು, ವಿಮಾನದ ಇಂಜಿನ್ ಬ್ಲೇಡ್ಗೆ ಹಾನಿಯಾದ ಪ್ರಕರಣವೊಂದು ವರದಿಯಾಗಿದೆ. ಬೆಳಗಾವಿ ವಿಮಾನ ನಿಲ್ದಾಣದಲ್ಲಿ ಈ ಪ್ರಕರಣ ನಡೆದಿದ್ದು, ಸ್ಪೈಸ್ಜೆಟ್ನ ವಿಮಾನಕ್ಕೆ ಧಕ್ಕೆಯಾಗಿದೆ.
ಬೆಳಗಾವಿಯಿಂದ ದೆಹಲಿಗೆ ಹೊರಟಿದ್ದ ಸ್ಪೈಸ್ಜೆಟ್ ಬಿ737 ವಿಮಾನದಲ್ಲಿ ಇಂದು 187 ಪ್ರಯಾಣಿಕರಿದ್ದರು. ಆದರೆ ಇದು ದೆಹಲಿಯ ಇಂದಿರಾಗಾಂಧಿ ಅಂತಾರಾಷ್ಟ್ರೀಯ ವಿಮಾನನಿಲ್ದಾಣದಲ್ಲಿ ಲ್ಯಾಂಡಿಂಗ್ ಆಗುವಾಗ ಹಕ್ಕಿಯೊಂದು ಡಿಕ್ಕಿ ಹೊಡೆದಿದೆ. ಅದಾಗ್ಯೂ ವಿಮಾನ ಸುರಕ್ಷಿತವಾಗಿ ಲ್ಯಾಂಡ್ ಆಗಿದೆ.
ಆದರೆ ಈ ಡಿಕ್ಕಿಯಿಂದಾಗಿ ವಿಮಾನದ ಇಂಜಿನ್ ಬ್ಲೇಡ್ಗೆ ಹಾನಿ ಆಗಿ ತಾಂತ್ರಿಕ ಅಡಚಣೆ ಉಂಟಾಗಿತ್ತು. ಇದೇ ವಿಮಾನ ಒಡಿಶಾದ ಝರ್ಸುಗುಡಗೆ ಬೆಳಗ್ಗೆ 11.55ರ ಸುಮಾರಿಗೆ ಹೊರಡಬೇಕಿತ್ತು. ಆದರೆ ಹಕ್ಕಿ ಡಿಕ್ಕಿಯಿಂದಾದ ತಾಂತ್ರಿಕ ಅಡಚಣೆ ಕಾರಣ ಬೇರೆ ವಿಮಾನ ವ್ಯವಸ್ಥೆ ಮಾಡಬೇಕಾದ್ದರಿಂದ ಈ ಪ್ರಯಾಣ ಮಧ್ಯಾಹ್ನ 2 ಗಂಟೆಗೆ ಆರಂಭವಾಯಿತು ಎಂದು ಸ್ಪೈಸ್ ಜೆಟ್ ಅಧಿಕಾರಿಗಳು ತಿಳಿಸಿದ್ದಾರೆ.
ಒಂದು ಮುತ್ತಿನ ಕಥೆ: ಮದುವೆಯಂತೂ ತ್ವರಿತ, ಅದು ಬಿಂದುವಲ್ಲ ಹರಿತ!; ಖ್ಯಾತ ನಟನ ಸ್ಪಷ್ಟೀಕರಣ..