ಮುಂಬೈ: ಬಾಲಿವುಡ್ ನಟಿ ಸೋಮಿ ಅಲಿಗೆ ಸಲ್ಮಾನ್ ಖಾನ್ ಕಂಡರೆ ಭಯಂಕರ ಸಿಟ್ಟು. ಒಂದು ಕಾಲಕ್ಕೆ ಸಲ್ಮಾನ್ ಖಾನ್ ಗೆಳತಿಯಾಗಬೇಕು ಎಂದು ಭಾರತಕ್ಕೆ ಬಂದಿದ್ದ ಸೋಮಿ, ಆ ನಂತರ ಸಲ್ಮಾನ್ಗೆ ಹತ್ತಿರವಾಗಿ, ಅವರಿಂದ ಸಾಕಷ್ಟು ನೋವು ತಿಂದು ಸದ್ದಿಲ್ಲದೆ ಅದೆಲ್ಲಿಗೋ ಮಾಯವಾದ ಹುಡುಗಿ. ಇತ್ತೀಚಿನ ವರ್ಷಗಳಲ್ಲಿ ಪುನಃ ವಾಪಸ್ಸಾಗಿರುವ ಸೋಮಿ, ಅವಕಾಶ ಸಿಕ್ಕಾಗಲೆಲ್ಲ ಸಲ್ಮಾನ್ ವಿರದ್ಧ ಹರಿಹಾಯುತ್ತಲೇ ಇದ್ದಾರೆ.
ಇದನ್ನೂ ಓದಿ: ಯಶ್ ಮುಂದಿನ ಚಿತ್ರಕ್ಕೆ ಮಗಳೇ ನಿರ್ಮಾಪಕಿ? ಐರಾ ಹೆಸರಲ್ಲಿ ನಿರ್ಮಾಣ ಸಂಸ್ಥೆ ಪ್ರಾರಂಭ ಸಾಧ್ಯತೆ …
ಕೆಲವು ತಿಂಗಳುಗಳ ಹಿಂದೆ ಇನ್ಸ್ಟಾಗ್ರಾಂನಲ್ಲಿ ಸಲ್ಮಾನ್ ಬೈದು ಬೆವರಿಳಿಸಿದ್ದ ಸೋಮಿ, ಈಗ ಪುನಃ ಇಂದು ಬೆಳಿಗ್ಗೆ ಇನ್ಸ್ಟಾಗ್ರಾಂನಲ್ಲಿ ಸಲ್ಮಾನ್ ವಿರುದ್ಧ ತಿರುಗಿ ಬಿದ್ದಿದ್ದಾರೆ. ಅಷ್ಟೇ ಅಲ್ಲ, ಅವರನ್ನು ಸಪೋರ್ಟ್ ಮಾಡುತ್ತಿರುವ ನಟ-ನಟಿಯರನ್ನೂ ತರಾಟೆಗೆ ತೆಗೆದುಕೊಂಡಿರುವ ಅವರು, ಅವರಿಗೆಲ್ಲ ನಾಚಿಕೆ ಆಗಬೇಕು ಎಂದು ಹೇಳಿದ್ದಾರೆ.
ಈ ಕುರಿತ ಬರೆದುಕೊಂಡಿರುವ ಸೋಮಿ, ‘ನೀನು ಬೇಕಾದರೆ ಭಾರತದಲ್ಲಿ ನನ್ನ ಪ್ರದರ್ಶನಗಳನ್ನು ಬ್ಯಾನ್ ಮಾಡಿಸು ಅಥವಾ ನನ್ನ ಮೇಲೆ ಕೇಸ್ ಹಾಕಿಸು. ನಾನು ಕೇರ್ ಮಾಡುವುದಿಲ್ಲ. ನನ್ನನ್ನು ಪಾರು ಮಾಡುವುದಕ್ಕೆ 50 ಲಾಯರ್ಗಳಿದ್ದಾರೆ. ನೀನು ಸಿಗರೇಟ್ನಿಂದ ಸುಟ್ಟಿದ್ದಿಕ್ಕೆ, ನನ್ನನ್ನು ದೈಹಿಕವಾಗಿ ಹಿಂಸಿಸಿದ್ದಿಕ್ಕೆ ಮತ್ತು ನನ್ನನ್ನು ಇಷ್ಟು ವರ್ಷ ನರಳಾಡುವಂತೆ ಮಾಡುವುದಕ್ಕೆ ನಿನಗೆ ಶಿಕ್ಷೆ ಕೊಡಿಸುವುದಕ್ಕೆ ಹಲವು ಲಾಯರ್ಗಳಿದ್ದಾರೆ. ನಿನಗೆ ಸಪೋರ್ಟ್ ಮಾಡುತ್ತಿರುವ ನಾಯಕಿಯರಿಗೆ ನಾಚಿಕೆ ಆಗಬೇಕು. ಅಮಾಯಕ ಹೆಣ್ಣುಮಕ್ಕಳಿಗೆ ಹೊಡೆಯುವ ಇಂಥವನನ್ನು ಸಪೋರ್ಟ್ ಮಾಡುವವರಿಗೆ ನಾಚಿಕೆ ಆಗಬೇಕು. ಯುದ್ಧಕ್ಕೆ ಹೋಗುವುದಕ್ಕೆ ಇದು ಸರಿಯಾದ ಸಮಯ’ ಎಂದು ಸೋಮಿ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ವಿಜಯ್ ದೇವರಕೊಂಡಗೆ ಇಡಿ ಗ್ರಿಲ್; ಸತತ 12 ತಾಸುಗಳ ಕಾಲ ವಿಚಾರಣೆ!
ಇದಕ್ಕೂ ಮುನ್ನ, ಸಲ್ಮಾನ್ ಹೆಸರನ್ನು ಎತ್ತೆದೆಯೇ ಅವರ ವಿರುದ್ಧ ಹರಿಹಾಯತ್ತಿದ್ದ ಸೋಮಿ, ಈ ಬಾರಿ ಸಲ್ಮಾನ್ ಜತೆಗಿರುವ ಹಳೆಯ ಫೋಟೋವೊಂದನ್ನು ಶೇರ್ ಮಾಡಿಕೊಂಡು, ಅವರ ವಿರುದ್ಧ ತೊಡೆತಟ್ಟಿದ್ದಾರೆ.
ರಮ್ಯಾ ಹುಟ್ಟುಹಬ್ಬಕ್ಕೆ ವಿಶಿಷ್ಟ ಉಡುಗೊರೆ; ಗೋಡೆ ಮೇಲೆ 35 ಅಡಿ ಚಿತ್ರ