ಹೈದರಾಬಾದ್: ಲಾಕ್ಡೌನ್ ತೆರವಾಗುತ್ತಿದ್ದಂತೆಯೇ ಹಲವು ನಟ-ನಟಿಯರು ಮಾಲ್ಡೀವ್ಸ್ನತ್ತ ಪ್ರಯಾಣ ಬೆಳೆಸಿ, ಅಲ್ಲಿ ಹಾಲಿಡೇ ಮಾಡುತ್ತಿದ್ದಾರೆ. ಈಗಾಗಲೇ ರಾಕುಲ್ ಪ್ರೀತ್ ಸಿಂಗ್, ಪ್ರಣೀತಾ ಸುಭಾಷ್, ವೇದಿಕಾ, ತಾಪ್ಸಿ ಪನ್ನು, ಟೈಗರ್ ಶ್ರಾಫ್, ಸಾನ್ವಿ ಶ್ರೀವಾತ್ಸವ್ ಸೇರಿದಂತೆ ಹಲವರು ಜನಪ್ರಿಯ ನಟ-ನಟಿಯರು ರಜೆಗೆಂದು ಮಾಲ್ಡೀವ್ಸ್ಗೆ ಹೋಗಿದ್ದರು.
ಇದನ್ನೂ ಓದಿ: ಶಿವಣ್ಣನಿಗೆ ಅಂಜಲಿ ನಾಯಕಿ
ಈಗ ಆ ಸಾಲಿಗೆ ತೆಲುಗು ನಟಿ ಸಮಂತಾ ರುತ್ ಪ್ರಭು ಸಹ ಸೇರಿಕೊಂಡಿದ್ದಾರೆ. ಸಮಂತಾ ತಮ್ಮ ಪತಿ ನಾಗಚೈತನ್ಯ ಜೊತೆಗೆ ಮಾಲ್ಡೀವ್ಸ್ನಲ್ಲಿ ರಜೆ ಕಳೆಯುತ್ತಿದ್ದು, ಸೋಷಿಯಲ್ ಮೀಡಿಯಾ ಮೂಲಕ ಹಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
ಬರೀ ಮಾಲ್ಡೀವ್ಸ್ನ ಕಡಲಕಿನಾರೆಯಲ್ಲಿ ಕಾಲಕಳೆಯುವುದಷ್ಟೇ ಅಲ್ಲ, ಅಲ್ಲಿ ಸಾಕಷ್ಟು ಜನಪ್ರಿಯವಾಗಿರುವ ಸ್ಕೂಬಾ ಡೈವಿಂಗ್ ಸಹ ಮಾಡಿಬಂದಿದ್ದಾರೆ ಸಮಂತಾ. ಡ್ರೆಸ್ ತೊಟ್ಟು ಸಮುದ್ರಕ್ಕೆ ಹಾರುವುದಕ್ಕೆ ಸಜ್ಜಾಗಿರುವ ಒಂದು ಫೋಟೋವನ್ನು ಹಂಚಿಕೊಂಡಿರುವ ಸಮಂತಾ, ‘ಕೊನೆಗೂ ಸಮುದ್ರದೊಳಗೆ …’ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಬಟ್ಟೆ ಬದಲಿಸುವಾಗ ನಿರ್ಮಾಪಕರು ವ್ಯಾನಿಟಿ ವ್ಯಾನ್ಗೇ ಬಂದು ಬಿಟ್ಟರು; ಖ್ಯಾತ ನಟಿಯ ಆರೋಪ
ಲಾಕ್ಡೌನ್ ಸಮಯವನ್ನು ಮನೆಯಲ್ಲೇ ಕಳೆದ ಸಮಂತಾ, ಒಂದೆರೆಡು ತಿಂಗಳಿನಿಂದ ಕೆಲಸಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಅದರಲ್ಲೂ ‘ದಿ ಫ್ಯಾಮಿಲಿ ಮ್ಯಾನ್ 2’ ವೆಬ್ಸೀರೀಸ್ನಲ್ಲಿ ಪ್ರಮುಖ ಪಾತ್ರ ಮಾಡಿರುವ ಸಮಂತಾ, ತಮ್ಮ ಪಾತ್ರಕ್ಕೆ ಧ್ವನಿ ನೀಡಿದ್ದಾರೆ. ಆ ನಂತರ ಒಂದು ವಾರ ‘ಬಿಗ್ ಬಾಸ್’ ಕಾರ್ಯಕ್ರಮವನ್ನು ನಡೆಸಿಕೊಟ್ಟ ಸಮಂತಾ, ಒಂದಿಷ್ಟು ಕಥೆಗಳನ್ನು ಕೇಳಿದ್ದು, ಮುಂದಿನ ವರ್ಷದಿಂದ ನಟಿಸುವುದನ್ನು ಮುಂದುವರೆಸುತ್ತಾರಂತೆ. ಅಷ್ಟರಲ್ಲಿ ಇದೊಂದು ಸಣ್ಣ ಬ್ರೇಕ್ …