ನವದೆಹಲಿ : ಮನೆಗೆ ಬಳಸುವ ಸಿಲಿಂಡರ್ಗಳ ಪೂರೈಕೆಗೆ ಇನ್ನುಮುಂದೆ ಒಂದು-ಬಾರಿ ಪಾಸ್ವರ್ಡ್ (ಒಟಿಪಿ) ಅಗತ್ಯವಿದೆ. ಈ ಪಾಸ್ವರ್ಡ್ ಹೇಳಿದರಷ್ಟೇ ಮನೆಗೆ ಸಿಲಿಂಡರ್ ವಿತರಣೆ ಮಾಡಲಾಗುತ್ತದೆ.
ಇದಾಗಲೇ ಈ ಯೋಜನೆಯನ್ನು ಹಲವು ಕಡೆಗಳಲ್ಲಿ ಜಾರಿಗೆ ತರಲಾಗಿದ್ದರೂ, ನವೆಂಬರ್ 1ರಿಂದ ಒಟಿಪಿಯನ್ನು ಕಡ್ಡಾಯ ಮಾಡಲಾಗಿದೆ. ಈಗಲೂ ಹಲವರಿಗೆ ಸಿಲಿಂಡರ್ ಬುಕ್ ಮಾಡಿದಾಗ ಒಟಿಪಿ ಬರುತ್ತಿದೆ. ಆದರೆ ಅದನ್ನು ಅಷ್ಟಾಗಿ ಗಂಭೀರವಾಗಿ ತೆಗೆದುಕೊಂಡಿರಲಿಲ್ಲ. ಗ್ಯಾಸ್ ಸಿಲಿಂಡರ್ ಪೂರೈಕೆ ಮಾಡುವವರೂ ಅದನ್ನು ಅಷ್ಟಾಗಿ ಕೇಳುತ್ತಿರಲಿಲ್ಲ. ಅದರೆ ಇದೀಗ ಒಟಿಪಿ ಇದ್ದರಷ್ಟೇ ಸಿಲಿಂಡರ್ ನೀಡಲಾಗುತ್ತದೆ.
ತೈಲ ಮಧ್ಯವರ್ತಿಗಳು ಸಿಲಿಂಡರ್ಗಳ ಕಳ್ಳತನವನ್ನು ತಡೆಗಟ್ಟಲು ಮತ್ತು ಸರಿಯಾದ ಗ್ರಾಹಕರನ್ನು ಗುರುತಿಸಲು ಡೆಲಿವರಿ ದೃಢೀಕರಣ ಕೋಡ್ (ಡಿಎಸಿ) ಎಂಬ ಹೊಸ ವ್ಯವಸ್ಥೆಯನ್ನು ಜಾರಿಗೊಳಿಸುತ್ತಿವೆ. ಈ ಹಿನ್ನೆಲೆಯಲ್ಲಿ ಕಳ್ಳತನ ತಡೆಯುವಲ್ಲಿ ಒಟಿಪಿ ಕಾರ್ಯ ನಿರ್ವಹಿಸಲಿದೆ.
ಒಟಿಪಿ ಎಂದರೆ ಒನ್ ಟೈಂ ಪಾಸ್ವರ್ಡ್ ಎಂದರೆ ಒಮ್ಮೆ ಬಳಕೆಮಾಡುವ ಪಾಸ್ವರ್ಡ್. ಗ್ಯಾಸ್ ಬಳಕೆದಾರರು ಸಿಲಿಂಡರ್ ಅನ್ನು ಬುಕ್ ಮಾಡಿದಾಗ, ಅವರು ಗ್ಯಾಸ್ ಏಜೆನ್ಸಿಗೆ ನೀಡಿರುವ ಮೊಬೈಲ್ ಸಂಖ್ಯೆಗೆ ಒಂದು ಸಂಖ್ಯೆ ಬರುತ್ತದೆ. ಅದೇ ಒಟಿಪಿ. ಅದನ್ನು ಸುರಕ್ಷಿತವಾಗಿ ಇಟ್ಟುಕೊಳ್ಳಬೇಕು, ಇಲ್ಲವೇ ಒಂದು ಕಡೆ ಬರೆದಿಟ್ಟುಕೊಳ್ಳಬೇಕು.
ಇದನ್ನೂ ಓದಿ: ಭದ್ರತೆ ಹಿಂದಕ್ಕೆ ಪಡೆದ ಪಂಜಾಬ್: ಕೆಚ್ಚೆದೆಯ ಯೋಧ ಬಲ್ವಿಂದರ್ ಗುಂಡಿಗೆ ಬಲಿ
ಗ್ಯಾಸ್ ವಿತರಣೆ ಮಾಡಲು ಗ್ಯಾಸ್ಬಾಯ್ ಬಂದಾಗ ಆ ಸಂಖ್ಯೆಯನ್ನು ಹೇಳಿದರೆ ಆಯಿತು. ಇದರಿಂದಾಗಿ ಗ್ಯಾಸ್ ಅನ್ನು ಬೇರೆ ವ್ಯಕ್ತಿಗಳಿಗೆ ಆತ ನೀಡುವುದು ತಪ್ಪುತ್ತದೆ,. ಜತೆಗೆ ಒಂದು ವೇಳೆ ನೀವು ಮನೆಯಲ್ಲಿ ಇಲ್ಲದೇ ಹೋದರೆ, ಪುನಃ ನಿಮಗೇ ಆ ಸಿಲಿಂಡರ್ ಇನ್ನೊಂದು ದಿನ ಸಿಗುತ್ತದೆ.
ಈಗ ಸದ್ಯ ಸಿಲಿಂಡರ್ ವಿತರಣೆಯಲ್ಲಿ ಭಾರಿ ಮೋಸ ಆಗುತ್ತಿದೆ. ಕೆಲವರು ಗ್ಯಾಸ್ ಬುಕ್ ಮಾಡಿದ ಮನೆಗಳಿಗೆ ಗ್ಯಾಸ್ ನೀಡದೇ ಬೇರೆಯವರಿಗೆ ಮಾರಿಕೊಳ್ಳುತ್ತಿದ್ದಾರೆ. ತಮಗೆ ಬೇಕಾದ ಹೋಟೆಲ್ ಅಥವಾ ಇತರರಿಗೆ ಸಿಲಿಂಡರ್ ನೀಡುವುದು, ಆ ಬಗ್ಗೆ ವಿಚಾರಿಸಿದರೆ, ನಿಮ್ಮ ಮನೆಯ ಬಾಗಿಲು ಹಾಕಲಾಗಿತ್ತು ಎಂದೋ ಅಥವಾ ನಾವು ಬಂದಾಗ ನೀವು ಇರಲಿಲ್ಲ ಎಂದೋ ಸುಳ್ಳು ಹೇಳುವುದು ಸಾಮಾನ್ಯವಾಗಿದೆ. ಒಟಿಪಿಯಿಂದಾಗಿ ಗ್ರಾಹಕರಿಗೆ ಇಂಥ ತಲೆನೋವಿನ ಸಮಸ್ಯೆ ಇರುವುದಿಲ್ಲ. ಅಷ್ಟೇ ಅಲ್ಲದೇ ಬೇರೆ ಬೇರೆ ವಿಧಾನದಲ್ಲಿ ಸಿಲಿಂಡರ್ ಮೋಸದ ವ್ಯವಹಾರ ಆಗುವುದೂ ತಪ್ಪಲಿದೆ.
ಒಂದು ವೇಳೆ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಏಜೆನ್ಸಿಗೆ ನೋಂದಣಿ ಮಾಡಿಕೊಳ್ಳದೇ ಹೋದರೆ ಕೂಡಲೇ ಮಾಡಿಕೊಳ್ಳಬೇಕು. ಅಥವಾ ಮೊಬೈಲ್ ಸಂಖ್ಯೆಯಲ್ಲಿ ಬದಲಾವಣೆಯಾಗಿದ್ದರೆ ತಿಳಿಸಬೇಕು. ನಿಮಗೆ ಒಟಿಪಿ ಯಾವ ಸಂಖ್ಯೆಗೆ ಬೇಕೋ ಆ ಸಂಖ್ಯೆಯನ್ನು ನಿಮ್ಮ ಏಜೆನ್ಸಿಗೆ ನೀಡಬೇಕು. ಇಲ್ಲದಿದ್ದರೆ ಸಿಲಿಂಡರ್ ಪೂರೈಕೆ ಆಗುವುದು ಕಷ್ಟವಾಗುತ್ತದೆ ಎಂದು ಎಚ್ಚರಿಕೆ ನೀಡಲಾಗಿದೆ.
10ನೇ ಟೆಸ್ಟ್ನಲ್ಲಿ ಪಾಸಿಟಿವ್ ಬಂತು: ತಟ್ಟೆ-ಲೋಟ ಇಟ್ಕೊಂಡು ಜೀವನ ಮಾಡ್ದೆ- ರೇಣುಕಾಚಾರ್ಯ
ಲಕ್ಷ್ಮಿಬಾಂಬ್ ಬದಲು ಸಲ್ಮಾಬಾಂಬ್ ಎಂದು ಹೆಸರಿಡುವ ಧೈರ್ಯ ಇದೆಯೆ- ಚಿತ್ರದ ವಿರುದ್ಧ ಅಭಿಯಾನ ಶುರು